Skessuhorn - 16.02.2022, Blaðsíða 19

MIÐVIKUDAGUR 16. FEBRÚAR 2022 19
Sólarpönnukökur eru bakaðar víða
um land þegar sólin skín aftur í
byggð eftir skammdegið. Í Ólafsvík
er venjan að baka þær þegar sólin
nær að skína á Snoppuna. Kvenfélag
Ólafsvíkur bakaði sólarpönnukökur
eins og undanfarin ár þó það væri
í seinna lagi þetta árið, enda hafði
ástandið og samkomutakmarkanir
hamlað því. Kvenfélagskonur fóru
snemma á fætur og hófust handa við
pönnukökurnar um hálf fimm um
morguninn síðastliðinn fimmtu­
dag. Deigið höfðu þær undirbú­
ið daginn áður enda var búið að
panta um það bil 2.200 pönnukök­
ur og þær fyrstu þurftu að vera til­
búnar upp úr klukkan sjö. Þær gáfu
sér þó tíma fyrir myndatöku þessar
hressu kvenfélagskonur þegar ljós­
myndara bar að garði. Kvenfélags­
konur í KÓ hafa bakað pönnukökur
fyrir bæjarbúa í langan tíma og hafa
alltaf haft hreinlæti og svo sóttvarn­
ir í hávegum. Þær tóku þó flestar
niður hárnetin og grímurnar rétt á
meðan myndin var tekin. þa
Togarinn Guðmundur í Nesi RE­
13 kom til Grundarfjarðar mið­
vikudaginn 9. febrúar síðastliðinn.
Skipið lagðist að bryggju rétt fyrir
hádegi og lét svo úr höfn um það bil
tveimur tímum síðar. Erindið var
líklegast að sækja varahluti eða eitt­
hvað álíka en það er alltaf ánægju­
legt þegar svona stór og glæsileg
skip leggjast að bryggju í Grundar­
fjarðarhöfn.
tfk
Í síðustu viku voru haldnir Opn­
ir dagar í Fjölbrautaskóla Vestur­
lands þar sem nemendur fengu smá
frí frá kennslu og í staðinn að taka
þátt í mörgum ólíkum námskeiðum
og alls konar afþreyingu. Viðburð­
ir opinna daga fóru vel fram en því
miður varð ekki af árlegri skíðaferð
nemenda í Bláfjöll vegna ofankomu
og rafmagnsleysis, en hópurinn fór
á skauta í staðinn. Dagskránni lauk
með íþróttamóti þar sem nemend­
ur og kennarar öttu kappi í blaki,
bandí og skotbolta. Til að gera
langa sögu stutta sigruðu vígreif­
ir nemendur með nokkrum yfir­
burðum naumlega í öllum keppn­
isgreinum eins og það var orðað
á heimasíðu skólans. Blaðamaður
Skessuhorns kom við á nokkrum
stöðum í síðustu viku og tók mynd­
ir og þá fékk blaðið einnig send­
ar myndir frá Björgu Bjarnadóttur
kennara við skólann.
vaks
Bökuðu 2.200 sólarpönnukökur
Hafsteinn Garðarsson hafnarstjóri dregur hér landfestar og kemur þeim fyrir á
réttum stað.
Guðmundur í Nesi kom
við í Grundarfjarðarhöfn
Skipverjar á Guðmundi í Nesi nýbúnir að setja spottana í land.
Vel heppnuðum Opnum dögum í FVA lokið
Glaðir nemendur í púttkeppni á Garðavöllum. Þessar tóku lagið í karókí. Námskeið í handavinnu á bókasafninu.
Hópur nemenda í keilusalnum. Finnbogi kenndi krökkunum að baka brauð. Miðasalan á árshátíðina gekk mjög vel.