Skessuhorn - 16.02.2022, Qupperneq 20

MIÐVIKUDAGUR 16. FEBRÚAR 202220
Matvælaráðuneytið hefur tekið
ákvörðun um ráðstöfun 700 millj­
óna króna framlags í fjárlögum
2022 til að koma til móts við auk­
inn kostnað bænda vegna áburðar­
kaupa. Áburður á alþjóðavísu hef­
ur hækkað um 93% frá síðasta ári.
Áætluð hækkun hérlendis frá síð­
asta ári er um 87% samkvæmt
mati Hagstofunnar fyrir verðlags­
grundvöll kúabús. Matvælaráðu­
neytið gerir ráð fyrir að verja 650
milljónum króna í beinan stuðning
við bændur og 50 milljónir í sér­
stakt átak um bætta nýtingu áburð­
ar og leiðir til að draga úr notkun
hans sem Ráðgjafarmiðstöð land­
búnaðarins (RML) verður falið að
framkvæma samkvæmt sérstökum
samningi þess efnis.
650 milljónum verður varið til
greiðslu álags á jarðræktarstyrki og
landgreiðslur sem greiddar voru
árið 2021 samkvæmt rammasamn­
ingi landbúnaðarins og jarðræktar­
styrki samkvæmt garðyrkjusamn­
ingi á árinu 2021. Þessi aðferð
við úthlutunum peninganna hef­
ur mætt andstöðu, ekki síst úr röð­
um bænda. Alls fengu 1.534 bú slík­
ar greiðslur á liðnu ári vegna rækt­
unar á samtals 91.610 hekturum.
Áætlað er að álagsgreiðslan þýði
um það bil 79% álag á greiðslurnar
2021. Gætt verður sérstaklega að
búum sem nýir ábúendur hafa tek­
ið við eftir að greiðslan á síðasta ári
fór fram.
„Með þessum aðgerðum komum
við til móts við bændur og þá erf­
iðu stöðu sem þeir standa frammi
fyrir. Við höfum lagt áherslu á að
fjármunirnir skili sér sem fyrst til
bænda og á sem einfaldastan hátt.
Með þessari útfærslu náum við því
fram. Við höfum átt gott samstarf
við Bændasamtökin vegna máls­
ins. Ég býst við því að greiðslurn­
ar verði afgreiddar strax um næstu
mánaðamót,“ segir Svandís Svav­
arsdóttir, matvælaráðherra í til­
kynningu. mm
Lionsklúbburinn Agla í Borgarnesi
hefur í gegnum tíðina látið gott af
sér leiða. Nýverið afhenti klúbbur­
inn björgunarsveitinni Brák pen­
ingagjöf, sem á eftir að koma sér
vel nú þegar hún stendur í hús­
byggingu.
mm
Matvælastofnun hafa borist upplýs­
ingar frá Tilraunastöð HÍ að Keld­
um og Dýraspítalanum í Grafar­
holti um niðurstöður rannsókna
á sýnum sem tekin hafa verið á
undanförnum vikum úr hundum
með öndunarfæraeinkenni. Í stór­
um hluta þeirra hafa greinst (PCR)
kórónaveirur sem valda sýkingum
í öndunarfærum hunda. Er þetta í
fyrsta sinn sem þessi veira greinist
hér á landi svo vitað sé. Raðgrein­
ing verður gerð til staðfestingar.
Engin tenging er á milli þeirra
og kórónaveirunnar sem veldur
COVID­19.
Þessar kórónaveirur kallast á
ensku „canine respiratory corona­
virus“ sem er skammstafað CRCoV.
Þær greindust fyrst í Englandi árið
2003 en eru hluti af þeim stóra hópi
sýkla sem valda smitandi öndunar­
færasýkingu í hundum sem stund­
um kallast „hótelhósti“. Flest­
ir sýklar í þessum hópi valda svip­
uðum einkennum og því er ekki
hægt að greina sýkingu af völd­
um CRCoV út frá einkennum.
Öndunarfæra kórónaveirur hunda
(CRCoV) eru mjög smitandi eins
og greinilega hefur sýnt sig í þeim
tilfellum sem komið hafa upp hér á
landi að undanförnu.
Ekkert bóluefni er til gegn
CRCoV, enn sem komið er. Mikil­
vægustu aðferðir til að draga úr lík­
um á smiti er að forðast staði þar
sem margir hundar koma saman og
halda veikum hundum aðskildum
frá öðrum hundum í um þrjár vikur
eftir að einkenna verður vart. Rétt
er líka að gæta vel allra sóttvarna
við umhirðu og umgengni við
hundana því smit getur auðveld­
lega borist með fatnaði og höndum
fólks. Meðhöndlun veikra hunda
byggist á mati dýralækna í hverju
tilfelli fyrir sig.
mm
Starfsmenn Telnets stóðu í ströngu
fimmtudaginn 10. febrúar síð­
astliðinn þegar þeir þurftu að að
standa í viðgerð fram í myrkur við
Grundargötu í Grundarfirði. Sam­
kvæmt heimasíðu Mílu fór strengur
í sundur sem olli því að netsamband
rofnaði víða í bænum. Viðgerð lauk
um klukkan átta og komst netsam­
band á að nýju.
tfk
Á mánudagskvöldið í síðustu viku
flæddi sjór yfir hluta Ægisbrautar á
Akranesi. Varnagarður norðan við
götuna mátti sín lítils þegar saman
fór óvenju mikil ölduhæð, vegna
djúprar lægðar, og stórstreymi.
Aldrei hefur verið lokið við gerð
sjóvarnargarðs sem endar á móts
við skólpdælustöðina. Aðkeyrslan
framan við dælustöðina var því sem
stórfljót yfir að líta á mánudags­
kvöldið þegar sjórinn átti greiða
leið niður hana. Mestur aurburð­
ur varð framan við Bílaverkstæði
Hjalta þar sem vatn náði tíu senti­
metra upp á hurðir. Á verkstæðið
þurfti því að kalla til mannskap um
kvöldið til að verja hús og tæki sem
og kalla til verktaka til að hreinsa
frá niðurföllum. Svo þegar flóð­
inu linnti þurfti að hreinsa töluvert
mikinn aur af götunni og bílastæð­
um.
mm
Áburðarstæður á landfyllingu á Akranesi. Ljósm. mm.
Greiða strax út stuðning til bænda
vegna hækkunar áburðaverðs
Áburði til bænda á Snæfellsnesi skipað upp í Stykkishólmshöfn á síðasta ári.
Ljósm. sá.
Netsamband fór af í Grundarfirði
Hundakórónaveirur líkleg
orsök smitandi hundahósta
Gáfu björgunarsveitinni Brák
pening til húsbyggingar
Bæta þarf sjóvarnagarðinn við götuna til að flóð sem þetta verði síður í framtíð-
inni.
Ægisbrautin var sem
sjór yfir að líta
Seint á mánudagskvöldið var gatan sem samfelldur sjór yfir að líta. Ljósm. þs.
Gatan var fremur sóðaleg eftir atganginn, en myndin var tekin á fimmtudaginn.