Lögmannablaðið - 2022, Blaðsíða 10

10 LÖGMANNABLAÐIÐ TBL 01/22
Aldursdreifing eftir kyni
Sé aldursdreifing skoðað út frá kyni má sjá að
hlutfall karla er hæst á aldursbilinu 40-49 ára,
eða 29,8%, en kvenna á aldursbilinu 30-39
ára, eða 34,7%.
Aldursdreifing út frá starfsvettvangi
Sé aldursdreifing skoðuð út frá starfsvettvangi
félagsmanna má sjá umtalsverðan mun milli
kynja og á það sérstaklega við í aldurshópnum
undir 50 ára. Þannig starfa 56% karla undir
50 ára sjálfstætt á móti 26% kvenna í sama
aldurshópi. Dæmið snýst hins vegar við hjá
innanhússlögmönnum þar sem 21% karla
undir 50 ára starfa sem innanhússlögmenn
samanborið við 44% kvenna. Munurinn er
hins vegar umtalsvert minni þegar skoðað
er hlutfall þessa aldurshóps sem starfar sem
fulltrúar á lögmannsstofum, þar sem 23%
karla fylla þann hóp samanborið við 30%
kvenna.
Munurinn milli kynja er töluvert minni
þegar horft er til starfsvettvangs lögmanna
sem komnir eru yfir miðjan aldur. Þannig eru
64% karla 50 ára eldri sjálfstætt starfandi og
66% kvenna. Hlutfall lögmanna í umræddum
aldurhópi sem starfa sem fulltrúar sjálfstætt
starfandi lögmanna er 4% hjá körlum en
3% hjá konum. Mesti munurinn kemur
hins vegar fram hjá innanhússlögmönnum
en nú starfa 18% karla 50 ára og eldri sem
innanhússlögmenn samanborið við 27%
kvenna.
Ingimar Ingason
Hlutfall félaga yngri en 50 ára árið 2022 eftir því hvar þeir starfa.
Hlutfall félaga 50 ára og eldri árið 2022 eftir því hvar þeir starfa.
Reykjavík • London