Lögmannablaðið - 2021, Blaðsíða 6

6 LÖGMANNABLAÐIÐ TBL 02/21
www.audi.is HEKLA · Laugavegi 170-174 · Reykjavík · Sími 590 5000 · hekla.is
Höldur Akureyri · Bílasala Selfoss · Bílás Akranesi · Bílakjarninn Reykjanesbæ · BVA Egilsstöðum
Fylgdu okkur!
@audi
Veldu uppáhaldsbílinn og taktu hann frá á www.hekla.is/audisalur
Rafmagnaður
Innifalinn
ávinningur
1.270.000 kr.
Aukabúnaður í Advanced er meðal annars: 20" álfelgur, lyklalaust aðgengi, dökkar rúður að aftan, bakkmyndavél, rafdrifin
framsæti með minnisstillingum f. bílstjóra, hiti í stýri, rafmagnsopnun- og lokun á afturhlera, fjarhitun, geymslupakki,
leiðsögukerfi og stillanleg loftpúðafjöðrun.
Audi e-tron 50 quattro er drifinn aflgjafa íslenskrar náttúru. 100% rafdrifinn sportjeppi með allt að 341 km drægni sem kemur
þér í rafmagnað samband við landið allt. Með 600 lítra farangursrými að aftan að viðbættum 60 lítrum að framan tekurðu með
þér það sem þig langar. Fjórhjóladrifinn rífur hann sig í hundraðið á undir sjö sekúndum og nýtur fulltingis allra nýjustu tækni og
aðstoðarkerfa sem halda þér á jörðinni.
Audi e-tron 50 quattro Advanced – Verð 9.590.000 kr.
BYRGISHUGARFARIÐ
Í þekktum dægurlagatexta Kristjáns frá Djúpalæk segir:
„Köld mín hyggja varð með vetri, vorið gerði úr mér betri
mann.“ Eftir langan vetur í skugga kórónuveirunnar og
samkomutakmarkana getum við tekið undir með skáldinu.
Og þá er það sérstakt fagnaðarefni ef svo fer fram
sem á horfir að þá verði bólusetningum flestra lokið
um mitt sumar þannig að vonandi sé unnt að létta
samkomutakmörkum. Flest erum við orðin leið á þessu
ástandi öllu og takmörkunum. Margir þeirra sem hafa
meira og minna starfað heima hjá sér frá því að faraldurinn
kom hlakka til þess að komast aftur í rútínu vinnudagsins
og að hitta fólk öðruvísi en á fjarfundum.
Fyrir aðra sem eru innhverfari hefur þetta ástand ef til
vill hentað betur þar sem samskipti hafa getað verið
ópersónulegri. Ýmsir sem þurfa að mæta aftur í vinnu finna
fyrir einhvers konar skrifstofukvíða þ.e. að geta ekki lengur
unnið heima í gegnum internetið. Það kann nefnilega að
vera erfitt að koma út úr stafræna byrginu þegar ástandinu
léttir en það er samt öllum hollt og nauðsynlegt.
Dæmin sýna nefnilega að þegar við lokum okkur af og
hættum að líta út fyrir að því fylgir byrgishugarfar (bunker
mentality). Hvort sem um er að ræða í rekstri fyrirtækja,
stjórnmálum, persónulegum samskiptum eða í lögmennsku
er oft sú tilhneiging að horfa ekki í kringum sig heldur
tileinka sér þröngt sjónarhorn og umkringja sig jáfólki.
Við lögmenn þurfum að gæta að þessu sérstaklega þ.e. að
gæta að sjálfstæði okkar þegar umbjóðandinn hefur þröngt
og einhliða sjónarhorn á hagsmuni sína. Hér reynir á þá
gamalkunnu meginreglu siðareglna lögmanna að samsama
sig ekki umbjóðanda sínum. Þetta getur verið vandasamt
í því sérstaka trúnaðarsambandi sem samband lögmanns
og skjólstæðings er, sérstaklega þegar um mikilsverða
hagsmuni er um að ræða eða málefni sem er hjartans mál
skjólstæðingsins.
Það er hins vegar ekki hlutverk lögmannsins að vera klapp-
stýra eða loka sig inni í byrgi með umbjóðandanum og taka
undir allt sem hann segir. Öðruvísi er hætt við því að ráðgjöf
lögmannsins komi að litlu haldi eða geri jafnvel illt verra.
Í þessu tölublaði kennir ýmissa grasa venju samkvæmt.
Nýkjörinn formaður Lögmannfélagsins, Sigurður Örn
Hilmarsson, sem er fyrsti fulltrúi hinnar svokölluðu
þúsaldar kynslóðar sem stendur þar í stafni, er til viðtals í
þessu tölublaði. Hann víkur að því að lögmenn séu fyrst
og síðast þjónar réttarríkisins. Sigurður ræðir í viðtalinu
um um pro bono vinnu lögmanna og að hann vilji auka
umræðu innan félagsins um þessi mál og skoða þau frekar
til að hvetja lögmenn til þess að gera meira af slíku.
Í blaðinu skiptast lögmenn á hugleiðingum um nýfallinn
dóm Hæstaréttar þar sem reyndi á svokallaða hlutfalls-
reglu skaðabótaréttar. Þá er greint frá félagsfundi í
Lögmannafélaginu 21. maí sl. og tillögur að breytingum
á siðareglum lögmanna og athugasemdir sem gerðar voru
við þær.
Í blaðinu er að finna áhugavert viðtal við Garðar Garðarsson
lögmann sem hætti lögmennsku í maílok eftir hálfrar aldar
farsæl störf þar sem hann fer meðal annars yfir farinn veg.
Á léttari nótum er síðan fjallað um lögmenn sem sinna alls
konar skemmtilegum og skrýtnum aukastörfum.
Með það í huga óskum við lesendum öllum gleðilegs
sumars.
ARI KARLSSON LÖGMAÐUR
RITSTJÓRI