Lögmannablaðið - 2021, Blaðsíða 25

LÖGMANNABLAÐIÐ TBL 02/21 25
veitt slíkt samþykki. Þá væri freistnivandi til staðar þar sem
hætta væri á að lögmaður yrði fyrir þrýstingi af hendi eins
skjólstæðings og léti hagsmuni hinna til hliðar: „Með þessari
tillögu er verið að opna Pandórubox þar sem þær nánast
gengisfella mikilvægan þátt í trúnaðarskyldum lögmanna
og eru óheppilegar fyrir ásýnd stéttar,“ sagði hann og lagði
til að 4. mgr. yrði felld út.
Óttar svaraði því til að markmið nefndarinnar væri að
útbúa betri leiðbeiningar gegn hagsmunaárekstrum fyrir
lögmenn. Hann tók ekki undir að ákvæðið væri óskýrara
en í gildandi siðareglum né að það fæli í sér vægari vernd.
Í ljósi smæðar landsins væri ekki rétt að taka alfarið fyrir
að lögmenn á sömu stofu gættu hagsmuna mótherja ef að
skjólstæðingar sættu sig við það: „Ef að lögmaður getur
ekki tryggt það, og aflað upplýsts samþykkis, þá gæti hann
ekki sinnt hagsmunagæslunni,“ sagði hann.
Um lögmannsstofur
Siðareglunefnd þótti ástæða til að árétta það að siðareglur
lögmanna gilda jafnt um lögmenn innan fyrirtækja sem
sjálfstætt starfandi. Eins var lagt til að fella á brott ákvæði
um að firmanafn lögmannsstofu skuli tilgreina fullt nafn
og starfstitil þess lögmanns eða lögmanna sem hana eiga
enda illframkvæmanlegt. Í staðinn er lagt til að lögmenn
skuli hafa aðgengilegar upplýsingar um hverjir séu eigendur
lögmannsstofa og beri ábyrgð á lögmannsstörfum sem
unnin eru á vegum þeirra.
Endurmenntun
Lagt er til að við 40. gr. bætist ný grein um að lögmanni sé
Grein er varðar hagsmunaárekstra sem lagt er til að breyta:
11. gr. [1] Lögmaður má ekki fara með hagsmuni tveggja
eða fleiri skjólstæðinga í sama máli, þegar hagsmunir
þeirra eru andstæðir eða veruleg hætta er á slíku. Ákvæðið
hindrar þó ekki að lögmaður leiti sátta með deiluaðilum,
með samþykki beggja. [2] Lögmaður skal jafnframt varast
að taka að sér nýjan skjólstæðing, ef hagsmunir hans og
þeirra skjólstæðinga lögmannsins, sem fyrir eru, fá ekki
samrýmst eða hætta getur verið á slíku. Sama gildir um
lögmenn sem hafa samstarf um rekstur lögmannsstofa
eða reka lögmannsstofu í félagi.
- Í staðinn myndi greinin orðast svo:
[1] Lögmaður skal ekki aðstoða eða fara með hagsmuni
tveggja eða fleiri skjólstæðinga í sama máli ef hagsmunir
þeirra rekast á, eða fara með hagsmuni skjólstæðings
ef hagsmunir skjólstæðingsins rekast á við hagsmuni
lögmannsins, nema ákvæði 4. mgr. eigi við. Hið sama
gildir ef veruleg hætta er á hagsmunaárekstrum. [2]
Lögmaður skal ekki fara með hagsmuni skjólstæðings
þannig að fari í bága við trúnaðarskyldu hans gagnvart
fyrrverandi skjólstæðingi. [3] Lögmanni er á hverjum
tíma skylt að leggja mat á hættu á hagsmunaárekstrum.
[4] Lögmanni er heimilt að aðstoða eða fara með
hagsmuni skjólstæðinga þrátt fyrir hagsmunaárekstra
eða mögulega hagsmunaárekstra í skilningi 1. mgr. ef:
(a) skjólstæðingarnir hafa gefið upplýst samþykki sitt; og
(b) gerðar eru tilhlýðilegar ráðstafanir til að koma í veg
fyrir að brotið sé gegn trúnaðarskyldu lögmannsins; og
(c) lögmaðurinn metur það svo að hagsmunaárekstrar
eða mögulegir hagsmunaárekstrar komi ekki í veg fyrir
að hann gæti hagsmuna skjólstæðinganna af einurð. [5]
Komi upp hagsmunaárekstrar í störfum lögmanns eða
skilyrði 4. mgr. eru ekki lengur fyrir hendi skal lögmaður
án tafar gera ráðstafanir til úrbóta, eftir atvikum með því
að láta af viðkomandi störfum fyrir þá skjólstæðinga sem
í hlut eiga. [6] Ákvæðum þessarar greinar skal beitt um
lögmenn sem reka lögmannstofu í félagi eða hafa með
sér annars konar samstarf um rekstur lögmannsstofu.
Grein er varðar lögmannsstofur sem lagt er til að breyta:
38. gr. [1]Lögmaður ber persónulega ábyrgð á
lögmannsstörfum sínum og fulltrúa sinna. [2] Við
firmanafn lögmannsskrifstofu skal ávallt tilgreina fullt
nafn og starfstitil þess eða þeirra lögmanna, sem hana
eiga og ábyrgð bera á lögmannsstörfum hennar. [3]
Firmanafn lögmannsskrifstofu má ekki gefa í skyn
að þar sé veitt nein önnur þjónusta en lögmanns-
og fasteignaþjónusta. [4] Lögmaður skal tilkynna
stjórn LMFÍ hverjir séu eigendur félags um rekstur
lögmannsstofu. [5] Skal lögmaður sérstaklega gæta
þess, að óheimilt er að stunda lögmannsstörf nema á
skrifstofu, sem rekin er af lögmanni, sbr. 19. gr. laga um
lögmenn, nr. 77/1998, nema undanþága hafi verið veitt
skv. 12. gr. laganna.
Lagt er til að 1. mgr. 38. gr. falli brott og í stað 2. mgr.
38. gr. kemur ný málsgrein er orðast svo:
Hafi lögmenn með sér félag um rekstur sinn er þeim
skylt að hafa aðgengilegar upplýsingar um hverjir eru
eigendur félagsins og bera ábyrgð á lögmannsstörfum
sem unnin eru á þess vegum. Slíkar upplýsingar skulu
liggja fyrir á starfsstöð eða birtar á heimasíðu félagsins. Í
stað orðanna „lögmanns- og fasteignaþjónusta“ í 3. mgr.
38. gr. kemur „lögmannsþjónusta“. Orðið „stjórn“ fellur
brott úr 4. mgr. 38. gr. 5. mgr. 38. gr. fellur brott.