Lögmannablaðið - 2021, Blaðsíða 29

LÖGMANNABLAÐIÐ TBL 02/21 29
ER HÆTTUR
Á BRÁÐAVAKTINNI
LITIÐ YFIR FARINN VEG
„Ég taldi það góðan tímapunkt að hætta lögmannsstörfum
hálfri öld eftir að ég opnaði eigin lögmannsstofu, sagði
Garðar þegar blaðamenn Lögmannablaðsins bönkuðu
upp á skömmu fyrir starfslokin; „ég er þó ekki alveg sestur
í helgan stein því ég á eftir að ljúka ýmsum málum og sit
enn í stjórnum nokkurra fyrirtækja.“
Hvers vegna fórst þú að læra lögfræði?
„Það var bara vel ígrunduð ákvörðun sem ég tók á síðasta
ári í menntaskóla. Ég er stúdent úr stærðfræðideild og var
að velta fyrir mér að fara í verkfræði en það var eitthvað
sem dró mig að lögfræðinni.“
Hvað kom til að þú opnaðir strax lögmannsstofu að loknu námi?
„Þetta tækifæri kom upp í hendurnar á mér en ég keypti
aðstöðu af fyrrverandi fulltrúa bæjarfógetans í Keflavík. Ég
hafði ekki unnið á lögmannsstofu með námi en einkaréttur
lögmanna náði ekki til Keflavíkur á þessum tíma. Benedikt
Blöndal, sem var formaður Lögmannafélagsins, var mér
innan handar en hann var afskaplega hjálplegur og
elskulegur. Síðan aflaði ég mér lögmannsréttinda.“
Hefur eðli starfsins breyst á hálfri öld?
„Já, bæði verkefnin og allt starfsumhverfið. Þegar ég byrjaði
þá var til ein ljósritunarvél í allri Keflavík. Þegar gerðir voru
Þann 31. maí síðastliðinn hætti Garðar Garðarsson í lögmennsku eftir 50 ára starf.
Nákvæmlega upp á dag. Hann hóf rekstur eigin málflutningsskrifstofu í Keflavík 1.
júní 1971, þá nýútskrifaður, en árið 1980 fór hann í félag við Vilhjálm H.
Vilhjálmsson lögmann. Síðar opnuðu þeir útibú í Reykjavík, fengu svo fleiri
lögmenn til liðs við sig og stofnuðu lögmannsstofuna Landslög sem hefur um
árabil verið ein af stærstu lögmannsstofum landsins. Garðar, sem á einkar
farsælan feril að baki, segir listina að byggja upp farsæla lögmannsstofu að raða
miklu hæfara fólki í kringum sig. Nú tekur nýr tími við hjá Garðari sem segist í
gríni vera hættur á bráðavaktinni, sem lögmannsstarfið krefst, og ætla að einbeita
sér að því að ala upp köttinn.