Lögmannablaðið - 2021, Blaðsíða 31

LÖGMANNABLAÐIÐ TBL 02/21 31
Réttarkerfið
Garðar segir réttarkerfið á Íslandi í dag vera mjög gott
en hefur áhyggjur af því hve miklar mannbreytingar
eru í dómstólunum. „Það er barist um að komast inn í
dómarastörf og almennt eru umsækjendurnir úr hópi
hæfustu lögfræðinga og það er bara af hinu góða.
Ég tel mjög mikilvægt að dómarar komi ekki bara úr
fræðimennsku heldur líka úr lögmannsstétt og hafi góða
reynslu af viðskiptalífinu.“
Þú hefur aldrei íhugað að sækja um dómarastöðu?
„Það hefur nú komið fyrir að mér hafi verið bent á lausar
stöður en það hefur ekki komið til þess. Ég hef verið dómari
í einstökum málum fyrir héraði og einu sinni í Hæstarétti
og fannst það fróðlegt og nauðsynlegt líka. Ég lærði þá
að undirbúa málið betur fyrir dómarann. Svo hef ég líka
stýrt mörgum gerðardómum og var formaður Kjaradóms
sáluga. En það á enginn að vera í lögmennskunni lengur
en til fimmtugs, fólk á að gera eitthvað að viti eftir það,“
segir Garðar og hlær.
Farið aftur í háskóla
Þegar þú lítur yfir ferilinn, eru einhver sérstök mál eftirminnilegri
en önnur?
„Það er af ýmsu að taka. Það eru til dæmis mál sem snúast
um fiskveiðiréttindi og mál sem tengdust bankahruninu.
Síðan sat ég í aðskilnaðarnefnd sem undirbjó réttarfars-
breytinguna árið 1992. Ég lærði mikið af því og sú breyting
tókst gríðarlega vel. Svo var ég formaður samninganefndar
heilbrigðisráðherra í sjö ár og gerði samninga við alla
sjálfstætt starfandi heilbrigðisstarfsmenn. Þau verkefni
færðust síðan til Sjúkratrygginga Íslands og eru mjög í
brennidepli núna. .“
Ert þú til í að gefa ungum lögmönnum ráð?
„Já, farið aftur í háskóla og lærið eitthvað tæknitengt.“
EI og UH
Juris er leiðandi lögmannsstofa sem leggur áherslu
á þjónustu á sviði viðskipta og fjármála. Stofan nýtur
viðurkenningar fyrir þekkingu og reynslu lögmanna
sinna sem kappkosta að veita snögga og hagnýta
þjónustu með hliðsjón af viðskiptalegum hagsmunum
viðskiptavinarins. Á skrifstofu Juris starfa íslenskir
og enskir lögmenn, með lögmannsréttindi í báðum
löndum, og þannig getur stofan veitt skilvirka og
hagkvæma þjónustu til aðila sem hafa starfsemi í
báðum ríkjum.
Borgartúni 26
105 Reykjavík
Sími 580 4400
www.juris.is
Andri Árnason, lögmaður
Andri Andrason, lögmaður, LL.M.
Bjarni Aðalgeirsson, lögmaður
Dr. Finnur Magnússon, lögmaður, LL.M.
Edda Andradóttir, lögmaður, LL.M.
Halldór Jónsson, lögmaður
Lárus L. Blöndal, lögmaður
Sigurbjörn Magnússon, lögmaður
Simon David Knight, lögmaður
Stefán A. Svensson, lögmaður, LL.M.
Vífill Harðarson, lögmaður, LL.M.
Hildur Þórarinsdóttir, lögmaður
Hólmfríður Björk Sigurðardóttir, lögmaður
Jenný Harðardóttir, lögmaður
Katherine Nichols, sérfræðingur
Sigrún Magnúsdóttir, lögfræðingur
Sigurður Helgason, lögmaður