Skólavarðan - 2021, Page 11

HAUST 2021 SKÓLAVARÐAN 11
Jóney Jónsdóttir / FÉLAGINN
Jóney Jónsdóttir
Skóli: Menntaskólinn á Egilsstöðum
Starf: Kennslustjóri fjarnáms
 X Ég er framhaldsskólakennari og kennslustjóri vegna
þess að ... Ég sá fram á að geta sameinað áhugann á íslensku
máli og menningu og að vinna með ungu fólki. Í kennslu fer
þetta svo vel saman. Skólar eru kraftmiklir og gefandi, fullir
af fjöri og hugmyndaauðgi. Glaður og þakklátur nemandi
bætir alla daga.
Ég held að áhuginn á skólastarfi í víðu samhengi hafi
svo leitt mig í ýmis konar stjórnunarstörf. Fjarnámið er
vaxandi sproti í skólastarfi og það er gaman að fá að vera
þar í hringiðunni. Það er bæði ánægjulegt og lærdómsríkt
að halda utan um fjarnám í ME þar sem vel menntaðir og
áhugasamir kennarar sinna nemendum af fagmennsku og
ræktarsemi. Skólinn er framsækinn og metnaðarfullur með
framúrskarandi nemendaþjónustu og starfsfólk sem er
umhugað um nemendur.
 X Besta stund vikunnar ... Þegar mér hefur tekist að
leysa úr vanda nemanda, átt gott spjall með samstarfs-
manni, fengið uppörvandi hrós eða séð að ég hef lagt mitt
á vogarskálarnar svo nemanda líði betur, sé ánægður með
sig og verk sín, glætt áhuga hans og gefið honum tækifæri
til að bæta við þekkingu sína. Svo er alltaf gott að hlæja á
kaffistofunni.
 X Þessu myndi ég vilja breyta ... Að leggja
meiri áherslu á læsi í víðum skilningi og efla
nemendur enn betur í að leita sér þekkingar,
vera gagnrýnir og finna lausnir. Gefa þeim
ótal tækifæri til að rækta hæfileika sína og
sjá alla möguleikana sem nútíminn býður
upp á. Auk þess þarf þjóðin að taka sig á og
gefa öllum jöfn tækifæri til að vera virkir
í samfélaginu, t.d. þarf að styrkja stöðu
nemenda með íslensku sem annað tungu-
mál í framhaldsskólum. Svo dreymir mig
um að við finnum jafnvægi á milli þess
að standa vörð um íslenska tungu og
menningarverðmætin sem henni fylgja
og að leyfa tungumálinu að þróast og
breytast með samfélaginu.