Sjómannablaðið Víkingur - 01.02.2009, Qupperneq 40

40 – Sjómannablaðið Víkingur
Coot kom 1905
Anna K. Kristjánsdóttir benti mér á
lumska villu sem hefur lætt sér inn í
merkar bækur og smitast inn í hugskot
okkar sem höldum að allt sé satt er
stendur á prenti. Í Öldinni okkar (1901-
1930), á bls. 37, segir að botnvörpung-
urinn Coot hafi fyrst komið til Hafnar-
fjarðar hinn 6. mars 1904.
Þetta er svo tekið upp á bls. 37 í
ágætu riti Illuga Jökulssonar, Ísland í
aldanna rás 1900-1950, í kaflanum, Tog-
araútgerð hefst í Hafnarfirði.
Þar sem hér ræðir um ansi merk tíma-
mót í útgerðarsögu okkar Íslendinga er
skemmtilegra að hafa þetta rétt. Í hinu
stórmerka ritverki, Saga sjávarútvegs á
Íslandi, tekur höfundurinn, Jón Þ. Þór, af
öll tvímæli um þetta atriði – fyrsti ís-
lenski togarinn, hinn skoskættaði Coot,
kom til landsins hinn 6. mars 1905, en
ekki 1904. Um þetta segir blaðið Ísafold
7. mars 1905:
„Hingað kom í gær frá Aberdeen eftir 4
1/2 dags ferð botnvörpugufuskipið Coot
(Blesönd), um 140 smál. brúttó, keypt þar
af Arnbirni Ólafssyni f[yrrverandi] vita-
verði til handa þeim félögum, honum og
Birni kaupmanni Kristjánssyni, Einari
kaupm. Þorgilssyni í Óseyri, Indriða skip-
stjóra Gottsveinssyni og Guðmundi tré-
smiði Þórðarsyni frá Hálsi.
Skipinu fylgja 3 botnvörpur. Það gengur
10 mílur á vöku, með 48 hesta afli. Því á
að halda út héðan til botnvörpuveiða, og
leggja hér upp aflann aðallega, ýmist til
sölu í soðið eða til verkunar.
Skipshöfnin hingað var 8 manns, 3
skoskir og 5 íslenskir, þar á meðal skip-
stjórinn, Halldór Sigurðsson. En hér á að
vera fyrir skipinu eigandinn einn, Indriði
Gottsveinsson; Arnbjörn Ólafsson verður
og með því. Það leggur á stað til veiða
nú seint í vikunni.
Guðfinna Steinsdóttir AR
Með einhverjum hætti – líklega í net-
pósti – barst Víkingnum stórfín grein
eftir skipstjórann sem var á Guðfinnu
Steinsdóttur AR-10 haustið 1979. Hún er
hins vegar ekki merkt með nafni höf-
undar og nú langar mig að biðja hann að
hafa samband við Víkinginn, hringja eða
nota netleiðina.
Gátan
Þá eru væntanlega allir búnir að finna
rétta svarið við gátunni eftir Sigurjón
Bergvinsson er fæddist 1848 að Hall-
dórsstöðum í Bárðardal en andaðist í
Vesturheimi 1934. Svarið er, eldspýta.
Coot kom til landsins í mars 1905 en ekki 1904.
Samkvæmt spádómum Biblíunn-
ar átti hinn fyrirheitni að vera af
ætt Davíðs konungs. Það er því
ekki að ástæðulausu að Matteusar
guðspjall hefst á þessum orðum:
„Ættartala Jesú Krists, sonar
Davíðs, sonar Abraham.“
Síðan tekur við mikil ættrakning
- Abraham gat Ísak og Ísak gat
Jakob - en það sem skiptir máli hér
er niðurlagið þar sem segir: „ ...
Eleasar gat Mattan, Mattan gat
Jakob og Jakob gat Jósef, mann
Maríu; en af henni fæddist Jesús,
sem kallast Kristur.“
Hængurinn við þetta er sá að
Jósef og Jesús voru alls óskyldir en
ekki er getið ætternis Maríu sem
var þó ótvírætt móðir hins smurða
(við skulum ekkert draga guð
almáttugan inn í þessa ættartölu
enda fyllilega ofvaxið ættspeki
manns sem kann ekki mun á svila
og mági).
Þessu viljum við trúa
- en vitum betur
Jesú Kristur
og faðir hans
Jón Hjaltason jonhjalta@simnet.is