Sjómannablaðið Víkingur - 01.03.2017, Page 28

28 – Sjómannablaðið Víkingur
starsýnt á að það vantaði á hana tippið
en þar sem það átti að vera var skegg.
Ég þorði ekki að spyrja hana hverju
þetta sætti en þegar ég kom heim spurði
ég Sigríði húsfreyju: Af hverju er hún
Svanhvít ekki með tippi?
Sigríður svaraði: Konur eru með gat
þar sem tippið er á körlum og tippið er
til þess að búa til börn. Ef maðurinn set-
ur tippið inn í konuna þá verður til
barn.
Þetta fannst mér mjög merkilegt. Ég
hélt að engill kæmi með börnin frá Guði.
Blessaður fyrir viskípelann
Þegar í Hólminn kom fórum við fyrst
til Árna Helgasonar en hann var póst-
meistari og mikill bindindisfrömuður.
Eiginkona Árna og Mummi voru skóla-
systkini úr Kennaraskólanum. Mummi
gisti hjá þeim en ég gisti hjá séra Sigurði
Lárussyni og konu hans, Ingigerði
Ágústsdóttur, en prófastshúsið og húsið
sem ég ólst upp í, Kúldshús, voru hlið
við hlið og var ég heimagangur hjá Ingi-
gerði þegar ég var barn. Ég lumaði á
viskípela af svarta Jóni sem ég gaf séra
Sigurði og hann blessaði mig fyrir.
Morguninn eftir fórum við með rútu
suður.
Ragnar Franzson í víðáttu Íslands.