Sjómannablaðið Víkingur - 01.02.2008, Side 64

64 - Sjóm­annablaðið Víkingur­
aði manna við atvinnuleit. Þar eru líka
fréttir úr skipaheiminum og margar voru
það skemmtilegar að ég var um það bil
að bæta einhverjum þeirra inn í pistilinn
Utan úr heimi. Geri það bara næst.
Störf eru líka í boði á síðunni gCaptain
sem slóðin http://gcaptain.com leiðir
okkur að. Það er nú ekki víst að ykkur
verði mjög ágengt með störf þar sem hér
er um bandaríska síðu að ræða og því
aðallega fyrir Kana. Það er þó alltaf hægt
að kanna málið. Á síðunni er boðið upp á
Podcast sem er netspjallþáttur sem hægt
er að hlaða niður á iPod eða iPhone fyrir
þá sem þau tæki eiga og fara síðan út í
göngutúr með heyrnartæki í eyrunum.
Þær eru margar gönguleiðirnar sem ég
hef farið um Reykjavík hlustandi á þætt-
ina frá gCaptain síðunni sem mér finnast
mjög fræðandi og skemmtilegir.
Nú sígur á seinni hlutann því næst
síðasta síðan að þessu sinni kemur frá
Skotlandi. Hún fjallar um skipasmíðar
líkt og síða Árna Björns en að vísu ekki
úr Eyjafirðinum heldur Clyde firði.
Slóðin www.clydesite.co.uk/ mun leiða
okkur að miklum fróðleik um þær miklu
skipasmíðar sem þar voru stundaðar
árum saman og meðal annars hafa nokk-
ur skip sem komist hafa í íslenska eigu
verið þar smíðuð. Ekki nema von enda
voru yfir 20.000 skip smíðuð í firðinum.
Nú er fara að fara í leitina að áhugaverð-
um skipum.
Lokasíðan verður að þessu sinni http://
www.geocities.com/uksteve.geo/marine.
html sem er síða með ómældum upplýs-
ingum um hinar ýmsu gerðir kaupskipa.
Þar eru skýringar á skipagerðum auk
sagna um sjóslys sem hafa orðið á síðustu
árum. Við að fara inn á síðuna kom upp
íslenski fáninn sem gerði það að verkum
að ég eyddi lengri tíma í síðuna. Hér læt
ég staðar numið að þessu sinni og ekki
eftir neinu að bíða með að hrynja inn á
netið og efla þekkinguna enn frekar eða
þá bara að skemmta sér á netinu.
Ljósmyndir: Jan Bowie Rasmussen
Panamaskurðurinn stækkar
Panamaskurðurinn er 82 kílómetra
langur og meira en 14.000 skip sigla
um hann árlega á milli heimshafanna
tveggja, Kyrrahafs og Atlantshafs. Þetta
er vissulega gott fyrir efnahag Panama
og sparar útgerðum stórfé­ að þurfa ekki
að senda skip sín fyrir Hornhöfða.
Svo stórt og mikið er vægi þessa skurð-
ar fyrir siglingaheiminn að löngu er til
orðinn mælikvarðinn, Panamax. Ef skip
er post-Panamax er það einfaldlega of
stórt til að komast yfir Panamaeiðið.
Vandamálið er að sífellt fleiri skip verða
post-Panamax og er áætlað að árið 2011
verði 37% allra gámaskipa í heiminum
orðin svo stór að þau komist ekki um
Panamaskurðinn að öðru óbreyttu. Nú
þegar eru skipastigarnir í skurðinum