Fréttablaðið - 03.09.2022, Blaðsíða 2

Þetta er bara annað
hvort við eða þau.
Sigríður Bylgja Sigurjónsdóttir,
stofnandi Trés Lífsins
Fundið var að eftir-
liti með berjum og
hnetum.
birnadrofn@frettabladid.is
SAMFÉLAG Sala á FO-vettlingum UN
Women á Íslandi hófst í gær en þetta
er í áttunda sinn sem UN Women fer
af stað í FO-herferð. Ágóði af sölu
vettlinganna rennur í að uppræta
kynbundið ofbeldi í heiminum en
frá því farið var af stað í fyrstu her-
ferðina hafa safnast um 80 milljónir
króna.
Í ár er herferðin helguð hinsegin
verkefnum UN Women um allan
heim. Mikið bakslag hefur orðið
í réttindabaráttu hinsegin fólks á
heimsvísu en um tveir milljarðar
fólks búa í ríkjum þar sem hinseg-
inleiki er álitinn glæpur. Þá banna
84 prósent ríkja heims samkynja
hjónabönd og viðurkenna ekki til-
vist þeirra.
UN Women á Íslandi fékk 40 hin-
segin einstaklinga til að sitja fyrir á
öllu því efni sem tengist herferðinni
og eru þau andlit herferðarinnar.
FO-varningurinn í ár eru vettlingar
hannaðir af Védísi Jónsdóttur
prjónahönnuði og framleiddir af
Varma. Vettlingana má nálgast á
heimasíðu Un Women. SJÁ SÍÐU 36
Herferð helguð hinseginleikanum
Glatt var á hjalla í frumsýningarteiti
FO-herferðarinnar sem var í gær.
HEIMA ER BEZT
MÁNUDAGA KL. 19.00
OG AFTUR KL. 21.00
Tré lífsins hvetur dómsmála-
ráðherra og ríkisstjórnina
til að velja Tré lífsins til að
taka við þjónustu við bálfarir
á Íslandi í stað kirkjunnar.
Stofnandi verkefnisins segir
tímaskekkju að trúfélag reki
bálstofu.
birnadrofn@frettabladid.is
SAMFÉLAG Stjórn Trés lífsins hvetur
dómsmálaráðherra, Jón Gunnars-
son, og ríkisstjórnina alla til að taka
ákvörðun sem lýsi framsýni, virði
valfrelsi og taki tillit til fjölmenn-
ingarsamfélagsins Íslands. Ákvörð-
unin fælist í því að velja Tré lífsins
til að taka við þjónustu við bálfarir
á Íslandi.
Verkefnið Tré lífsins lýtur að því
að opna óháða bálstofu, athafna-
rými og minningagarð. Að bálför
lokinni getur fólk valið um að láta
gróðursetja öskuna ásamt tré í
Minningagarði, sem vex til minn-
ingar um hinn látna. Tré lífsins er
ekki háð trúfélagi.
Aðeins ein bálstofa er nú rekin á
Íslandi, Bálstofan í Fossvogi. Hún
var stofnuð árið 1948. Ákvörðunin
sem Tré lífsins ræðir um snýr að því
hvort kirkjunni verði veitt fjármagn
til að opna nýja bálstofu á Íslandi
eða hvort Tré lífsins geti haldið
áfram með sitt verkefni.
„Við þurfum ekki á stofnfram-
lagi frá ríkinu að halda til að halda
áfram með okkar verkefni eins og
kirkjan þarf,“ segir Sigríður Bylgja
Sigurjónsdóttir, stofnandi Trés lífs-
ins.
„Við fengum að vita það núna í
júlí að þessi ákvörðun yrði tekin á
haustmánuðum, hvort ríkið ætli að
láta kirkjuna fá pening úr ríkissjóði
til að byggja nýja bálstofu eða hvort
við getum haldið áfram með okkar
verkefni,“ segir Sigríður Bylgja.
„Þetta er bara annað hvort við eða
þau,“ bætir hún við.
Sigríður Bylgja segir gott tæki-
færi felast í því fyrir ríkisstjórnina
að velja Tré lífsins, þannig velji
hún nýsköpun, umhverfisvernd og
framtíðina. Það felist tímaskekkja
í því að trúfélag reki bálstofu. „Það
stendur hvergi í lögum eða reglum
að ríkið eða kirkja skuli reka bál-
stofu,“ segir hún.
„Breytingar geta reynst fólki erf-
iðar en það er nauðsynlegt að þessi
ákvörðun falli með Tré lífsins. Þann-
ig er tekið tillit til samfélagsins alls
og hversu fjölbreytt það er, að fólk sé
ekki neytt til þess að þurfa að fara í
gegnum eitt trúfélag þegar það deyr
eins og það er núna,“ segir Sigríður
Bylgja.
Þá segir hún það eina sem standi í
vegi fyrir því að verkefnið Tré lífsins
geti haldið áfram með sínar áætlan-
ir sé ákvörðun ráðherra. Lóð, fyrsta
leyfið og vilyrði fyrir 80 prósentum
lánsfjármagns til verkefnisins sé
tryggt. Ekki sé hægt að halda áfram
og safna þeim 20 prósentum sem
upp á vanti eða ráðast í gerð samn-
inga fyrr en ráðherra gerir ákvörðun
sína opinbera.
„Ef ráðherra og ríkisstjórnin velja
að láta kirkjuna fá peninga úr ríkis-
sjóði, umfram árleg fjárframlög
ríkisins til kirkjunnar og kirkju-
garðanna, þá verður ekkert af Tré
lífsins,“ segir Sigríður Bylgja. n
Segir tímaskekkju felast í
því að trúfélag reki bálstofu
Sigríður Bylgja Sigurjónsdóttir, stofnandi Trés lífsins, fundaði með Jóni
Gunnarssyni, dómsmálaráðherra í maí vegna málsins. MYND/AÐSEND
kristinnhaukur@frettabladid.is
HEILBRIGÐISMÁL Eftirlitsstofnun
EFTA komst að því í eftirliti í vor að
ekki væri tryggt að ákveðnar teg-
undir innfluttra matvæla uppfylltu
Evrópustaðla. Þetta eru meðal ann-
ars ber, hnetur, hnetusmjör, jurta-
smjör og te.
Samkvæmt skýrslu stofnunar-
innar hafa lög ekki verið uppfærð
samkvæmt nýjustu Evrópureglu-
gerðum og prófanir ekki gerðar
nógu oft á landamærum. Einnig að
Matvælastofnun gæfi stundum leyfi
þrátt fyrir að niðurstöður sýnatöku
liggi ekki fyrir. „Þetta eykur lík-
urnar á möguleikanum að óörugg
matvæli komist á markaðinn,“ segir
í skýrslunni. Ísland fékk tíu tilmæli í
skýrslunni. n
Ísland skammað
af eftirlitsstofnun
Stofnunin gaf út tíu tilmæli til MAST.
FRÉTTABLAÐIÐ/GETTY
Rampað upp í Reykjadal
Fyrsti nýi rampurinn í Reykjadal var vígður í gær við mikinn fögnuð. Það var athafnamaðurinn Haraldur Þorleifsson sem stóð fyrir því. FRÉTTABLAÐIÐ/EYÞÓR
2 Fréttir 3. september 2022 LAUGARDAGURFRÉTTABLAÐIÐ