Fréttablaðið - 03.09.2022, Blaðsíða 8

Yfirskrift auglýsingar-
innar var „Harvey
Specter eða Ally
McBeal“.
Við erum ekki þjóð á
meðal þjóða nema að
sinna þessum rann-
sóknum af kostgæfni.
Davíð Þór
Óðinsson,
jarðfræðingur
AKRANES
Mínúturnar eru
fjölskylduvænni
á Akranesi
ÞAÐ ER
STUTT
ninarichter@frettabladid.is
STJÓRNSÝSLA Í gær birtist auglýsing
á vef Stjórnarráðsins frá háskóla-,
iðnaðar- og nýsköpunarráðuneyt-
inu þar sem auglýst er eftir „frá-
bærum lögfræðingi“.
Það sem athygli vekur er orðalag
auglýsingarinnar. Yfirskriftin er:
„Harvey Specter eða Ally McBeal“.
Báðar þessar persónur eru skáld-
aðar sjónvarpsþáttapersónur úr
bandarískum lögfræðiþáttum.
Í inngangi auglýsingarinnar segir:
„Það skiptir okkur engu máli hvort
eða hvaða sjónvarpssería kveikti
áhuga þinn á lögfræði.“ Jafnframt
er auglýst eftir manneskju sem er:
„Nokkurs konar stálhnefi í silki-
hanska“.
Um er að ræða fullt starf lögfræð-
ings á skrifstofu framkvæmdar og
eftirfylgni.
Í júní auglýsti ráðuneytið þrjár
stöður, sem titlaðar voru „spek-
ingur á sviði háskóla og vísinda“,
„talnaspekingur sem elskar árang-
ursmælikvarða“ og „snillingur í
nýsköpun“.
Í júlí kom fram að ráðuneyti
ferðamála, viðskipta og menningar-
mála hefði til skoðunar umræddar
star fsauglýsingar háskóla- og
nýsköpunarráðuneytis síðan í júní,
þar sem ekki var krafist íslensku-
kunnáttu umsækjenda. Íslensk mál-
nefnd taldi þar um að ræða skýrt
brot á lögum um stöðu íslenskrar
tungu.
Í nýju auglýsingunni er íslensku-
kunnáttu krafist, auk enskukunn-
áttu. Þá er gott vald á Norðurlanda-
máli einnig talið kostur. n
Ráðuneyti Áslaugar Örnu vill ráða til
sín íslenskumælandi stálhnefa
Áslaug Arna Sigurbjörnsdóttir, iðn-
aðar- og nýsköpunarráðherra.
Plógför ísjaka sem fannst
á sex hundruð metra dýpi
segir sína sögu um stærð
ísaldarjökulsins samkvæmt
jarðfræðingi stofnunarinnar.
Rannsóknarskipið Árni Frið-
riksson kortlagði nærri níu
þúsund ferkílómetra svæði.
ser@frettabladid.is
NÁTTÚRA Vísindamenn á vegum
Hafrannsóknastofnunar fundu
plógför eftir ísjaka á sex hundruð
metra dýpi á hafsbotninum út af
Látrabjargi í nýafstöðnum leið-
angri sínum við að kortleggja hafs-
botninn, en álíka för fundust einn-
ig á stórri sléttu í hyldjúpunum við
Grænlandssund.
„Það segir sína sögu um umfang
ísaldarjökulsins sem lá yfir landinu
og stórum hluta af landgrunninu
á síðustu ísöld,“ segir Davíð Þór
Óðinsson, jarðfræðingur hjá stofn-
uninni og einn leiðangursmanna,
en þá hafi sjávarstaða verið allt að
150 metrum lægri en hún þekkist í
dag.
Þeir héldu til á rannsóknarskip-
inu Árna Friðrikssyni frá 3. til 26
ágúst og kortlögðu alls um 8.964
ferkílómetra hafsvæði vestan við
Látragrunn, á Dohrnbanka og á Sel-
vogsbanka. Leiðangurinn er hluti af
átaksverkefni Hafrannsóknastofn-
unar um kortlagningu hafsbotns í
efnahagslögsögu Íslands.
Og þrátt fyrir að talsverð bræla úti
fyrir landinu hafi háð rannsóknum
þeirra, sem gerðar eru með fjöl-
geislamæli, urðu vísindamennirnir
margs vísari um líf og lögun undir-
djúpanna.
Fyrir utan plógförin á svo miklu
dýpi sem fyrr er getið má heita að
aurkeilur á Látragrunni hafi vakið
mikla athygli, en þær myndast við
gruggstrauma (e. turbidity currents)
þar sem þyngri kornin falla fyrst úr
upplausn og mynda lagskipta ein-
ingu.
Þá vöktu lítil sjávarfjöll vestan við
Surtsey líka athygli, um fimmtíu til
sextíu metrar á hæð sem virðast
raða sér eftir tveimur sprungu-
stefnum, annars vegar NA-SV og
hins vegar NV-SA á Selvogsbanka.
Davíð Þór segir kortlagningu
hafsbotnsins afar mikilvæga fyrir
Íslendinga, en hagsmunirnir séu
margvíslegir, ekki einasta hvað
varðar búsvæði botndýra og hrygn-
ingarstaði nytjastofna, heldur líka
til að gefa stoðir undir verndartil-
skipanir, finna heppileg svæði fyrir
sjóeldi, lagningu sæstrengja, sjó-
öryggi og hafréttarkröfur.
„Við erum ekki þjóð á meðal
þjóða nema að sinna þessum rann-
sóknum af kostgæfni,“ segir Davíð
Þór Óðinsson, nýkominn í land og
minnir á að líklega eigi enn eftir að
kortleggja um helming hafsbotns-
ins í lögsögu Íslands. n
Plógför ísjaka á miklu dýpi
Rannsóknar-
skipið Árni
Friðriksson
kortlagði sjávar-
botninn frá 3. til
26. ágúst.
MYND/
HAFRANNSÓKNA
STOFNUN
Sjávarfjöllin sem fundust út af Surtsey. MYND/HAFRANNSÓKNASTOFNUN
birnadrofn@frettabladid.is
FJÖLMIÐLAR Aukinn kraftur hefur
verið færður í dreifingu Fréttablaðs-
ins og verður blaðið nú aðgengilegt
í öllum Bónusverslunum landsins
alla fimm útgáfudaga blaðsins. Á
næstu vikum verður dreifing aukin
enn frekar og blaðastöndum verð-
ur komið fyrir á f leiri fjölförnum
stöðum á höfuðborgarsvæðinu og
á landsvísu.
Guðmundur Örn Jóhannsson,
framkvæmdastjóri sölu- og mark-
aðsmála hjá Torgi, segir verkefnið
lið í aukinni þjónustu við lesendur.
„Við viljum koma blaðinu á sem
flesta staði vítt og breitt um landið
og á sama tíma bjóðum við les-
endum að ná í Fréttablað í stafrænu
formi í gegnum Fréttablaðsappið
okkar, sem er aðgengilegt fyrir allar
tegundir snjallsíma,“ segir hann.
Fréttablaðið verður boðið í papp-
írsformi í verslunum en á blaða-
stöndunum og víða í blaðinu sjálfu
er einnig QR-kóði þar sem fólk getur
náð í Fréttablaðs-appið þar sem
nýjasta tölublað er ávallt í boði eða
lesið fréttir á frettabladid.is en þar
er einnig hægt að nálgast blaðið á
PDF-fomi. n
Aukinn kraftur í dreifingu blaðsins
Til að byrja með verður hægt að
nálgast blaðið í verslunum Bónuss.
8 Fréttir 3. september 2022 LAUGARDAGURFRÉTTABLAÐIÐ