Fréttablaðið - 03.09.2022, Page 49

Umsóknarfrestur um bæði störfin er til og með 26. september.
Allar nánari upplýsingar um störfin, menntunar- og hæfniskröfur
er að finna á starfatorg.is. Ráðuneytið leggur áherslu á jafnrétti
og hvetur öll áhugasöm til að sækja um. Ráðuneytið er jákvætt
fyrir störfum óháð staðsetningu.
Háskóla-, iðnaðar- og nýsköpunarráðuneytið
Okkar hlutverk
er að leysa krafta
úr læðingi
Hlutverk háskóla-, iðnaðar- og nýsköpunarráðuneytisins er
að leiða saman það afl sem býr í háskólastarfi, vísindum,
nýsköpun, iðnaði, fjarskiptum og upplýsingatækni og stuðla
þannig að því að hugvitið verði stærsta útflutningsgrein
þjóðarinnar.
Harvey Specter
eða Ally McBeal?
Viltu vera númer?
» Lögfræðingur á skrifstofu framkvæmdar og eftirfylgni
Það skiptir okkur engu máli hvort eða hvaða sjónvarpssería kveikti áhuga þinn á
lögfræði. Það eina sem við viljum vera viss um er að við fáum í hópinn frábæran
lögfræðing sem langar að verða hluti af öflugri liðsheild í nýju ráðuneyti. Við
leitum að manneskju sem býr yfir þeim eiginleikum að vera hvoru tveggja í senn;
hugmyndarík og nákvæm — lausnamiðuð en um leið föst fyrir. Nokkurs konar
stálhnefi í silkihanska.
Hér munu gefast ótal tækifæri til að móta og skapa framtíðina í ráðuneyti sem
ætlar sér að vera leiðandi í verkefnamiðuðu og árangursdrifnu vinnulagi.
» Sérfræðingur í fjármálum á skrifstofu framkvæmdar og eftirfylgni
Það er eins gott að þeim tæplega 88 milljörðum sem háskóla-, iðnaðar- og
nýsköpunarráðuneytið ber ábyrgð á sé vel varið. Þess vegna leitum við að mann-
eskju sem elskar að liggja yfir tölum, grúska í stórum sem smáum upphæðum og
á sér þann draum heitastan að vera númer.
Viðkomandi þarf að hafa eiginleika til að bregða sér í ýmis gervi en stærsta
hlutverkið ár hvert er uppsetningin á fjárlögunum og greining á afkomu þeirra
ríkisaðila sem undir ráðuneytið heyra.
Ef þú hefur áhuga á að sérhæfa þig í gangverki opinberra fjármála þá hvetjum
við þig til að senda inn umsókn.