Fréttablaðið - 03.09.2022, Page 98

Án þess að ég kjafti of
miklu þá gerðust alveg
óvæntir hlutir þarna
úti.
K a f f i
tilboð
Kl 14-17:00
Kaka að eigin vali
og kaffi/te/kakó
1.290 kr
Happy Hour
Bjór á krana, vínglas
hússins eða freyðivínsglas
990 kr
alla virka daga
14-17:00
laugardaga
12-17:00
Viktoría Hermannsdóttir er
snúin aftur á RÚV þar sem
hún tekur upp þráðinn í
Landanum og leitar að nýjum
viðmælendum fyrir fram-
haldið á Hvunndagshetjum
að loknu fæðingarorlofi sem
hún nýtti til þess að ljúka
meistaragráðu og klára heim-
ildarmynd sem hún frum-
sýnir síðar í mánuðinum.
toti@frettabladid.is
„Ég ákvað að næla mér í meistara-
gráðu í fæðingarorlofinu og klára
heimildarmyndina sem ég er búin
að vera með á kantinum af því
það er alltaf svo mikið að gera hjá
manni í vinnunni og barneignum,“
segir dagskrárgerðarkonan Vikt-
oría Hermannsdóttir sem er komin
aftur til starfa hjá RÚV eftir fengsælt
fæðingarorlof.
„Ég var bara að mæta í vinnu
aftur. Það er alltaf fjör og ég er að
fara aftur í Landann,“ segir Vikt-
oría sem er einnig byrjuð að leita að
fleiri viðmælendum fyrir framhald
hinna vinsælu þátta Hvunndags-
hetjur sem henni rétt tókst að klára
áður en hún eignaðist soninn Her-
mann Flóka vorið 2021.
Ótrúleg viðbrögð
„Það gekk svo vel með síðustu þátta-
röð þannig að við ætlum að gera
meira,“ segir Viktoría um þætt-
ina þar sem hún ræðir við fólk úr
ýmsum áttum sem allt á sameigin-
legt að leggja sig fram um að láta
gott af sér leiða í leik eða starfi.
„Við fundum bara strax að fólk
var svo ánægt með að fá að heyra
sögur svona frábærs fólks sem gefur
af sér til samfélagsins á svo magnað-
an hátt. Viðbrögðin við þáttunum
voru ótrúleg og það var strax kallað
eftir meiru og núna leitum við að
fleiri hvunndagshetjum,“ segir Vikt-
oría sem tekur, sem fyrr, við ábend-
ingum á hvunndagshetjur@ruv.is.
„Við fengum alveg ótrúlega mikið
af ábendingum og erum að vonast
til þess að fá enn fleiri vegna þess
að núna veit fólk líka betur út á
hvað þetta gengur. Við viljum bara
hampa þessu fólki sem heldur uppi
samfélaginu og lætur það rúlla og
erum einfaldlega að leita að alls
konar fólki sem hefur bætt sam-
félagið á einhvern hátt með gjörð-
um sínum. Stórum sem smáum.“
Ný reynsla í bíó
Viktoría teygir sig síðan af skjánum
yfir á hvíta tjaldið í Bíó Paradís um
miðjan mánuðinn þegar hún frum-
sýnir heimildamyndina Velkominn
Árni en fyrir hana hlaut hún áhorf-
endaverðlaunin á heimildamynda-
hátíðinni Skjaldborg í sumar.
„Hún var svona frum-frum-
sýnd þar en nú er komið að frum-
sýningunni. Það er bara ótrúlega
spennandi að vera að koma með
heimildamynd í bíó. Mér finnst það
geggjað. Það er eitthvað alveg nýtt
að frumsýna mynd í bíó og þessi
heimildamyndaheimur er líka ein-
hvern veginn allt öðruvísi heldur
en sjónvarpsþáttagerð. Þótt þetta
virki svipað þá er þetta eitthvað allt
annað. Miklu stærra og meira.“
Á ég bróður á Íslandi?
Heimildamyndin átti sér nokkuð
langan og jafnvel ævintýralegan
aðdraganda en allt hófst þetta eftir
að Viktoría gerði útvarpsþætt-
ina Ástandsbörnin. Í kjölfarið var
bandarískum manni sem var að
leita að mögulegum hálf bróður
sínum á Íslandi bent á hana.
„Og við fórum af stað að leita og
á ótrúlegan hátt fundum við Árna
Jón Árnason en allt benti til þess
að hann væri þessi hálfbróðir og ég
gerði útvarpsþátt á Rás 1 um þetta
sem heitir Á ég bróður á Íslandi?“
Þar rakti Viktoría það sem hún
kallar „svolítið einstaka“ sögu Árna.
„Sagan hans er svo mögnuð og mig
langaði strax að taka þetta lengra og
gera heimildamynd. Ég fékk Allan
Sigurðsson með mér í það og svo
bara eins og ég geri þá óð ég af stað
án þess að vita nokkuð hvernig ætti
að gera þetta,“ segir Viktoría sem er
loks tilbúin til að frumsýna.
„Við fórum með Árna til Banda-
ríkjanna til þess að reyna að komast
að því hvort þetta væri fjölskyldan
hans eða ekki og við komumst að
því í myndinni og ég ætla ekki að
gefa það upp hér hvort svo sé eða
ekki.
Án þess að ég kjafti of miklu þá
gerðust alveg óvæntir hlutir þarna
úti en myndin er bæði þetta ferðalag
hans út en líka þroskasaga manns
sem hefur í rauninni kannski aldr-
ei leyft sér að lifa lífinu til fulls.“ n
Viktoría leitar og finnur
hetjur í sjónvarpi og bíó
Viktoría Hermannsdóttir er snúin aftur á RÚV og þegar byrjuð að leita að nýjum hetjum. FRÉTTABLAÐIÐ/ANTON BRINK
Viktoría segir Árna hafa hrífið hana með sér þannig að hana hafi strax langað
að fara lengra en í útvarp með sögu hans. MYND/SKJÁSKOT
58 Lífið 3. september 2022 LAUGARDAGURFRÉTTABLAÐIÐ