Fréttablaðið - 24.09.2022, Síða 19

Það virðist enginn
áhugi þegar á hólminn
er komið að setja
raunverulega peninga í
verkefnið.
Hafa turnar
heilbrigðis-
kerfisins reynst
þér ókleifir?
Umsóknarfrestur er til og með 31. október.
Frekari upplýsingar og umsóknarform má
finna á vefsíðu ráðuneytisins, www.hvin.is.
ÞÁ KÖSTUM VIÐ TIL
ÞÍN FLÉTTUNNI!
Fléttan eru styrkir
sem veittir eru til
nýsköpunar-
fyrirtækja sem
skapað hafa
áhugaverðar
lausnir til að
bæta þjónustu
við sjúklinga,
stytta biðlista og
auka skilvirkni kerfisins. Styrkveitingin er háð því skilyrði að
nýsköpunarfyrirtækin eigi í nánu samstarfi við stofnanir eða
fyrirtæki í heilbrigðisþjónustu sem skuldbinda sig til að innleiða
þá nýsköpun sem styrkur er veittur til.
Um er að ræða 60 m.kr. sem Áslaug Arna Sigurbjörnsdóttir,
háskóla-, iðnaðar- og nýsköpunarráðherra mun veita til
verkefnisins og lögð verður sérstök áhersla á að styðja við
samstarf milli hins opinbera og einkaaðila um land allt.
LAUGARDAGUR 24. september 2022 Íþróttir 19FRÉTTABLAÐIÐ
hordur@frettabladid.is
ÍÞRÓTTIR Ólafur Kristjánsson, yfir-
maður knattspyrnumála hjá Breiða-
bliki, var gestur í Íþróttavikunni á
Hringbraut sem frumsýnd var í gær-
kvöldi. Rætt var um byggingu þjóð-
arhallar sem virðist ekki á dagskrá á
næstunni, eitthvað sem ríki og borg
höfðu lofað að væri að fara í gang
síðastliðið vor. „Þetta er leiðinda-
mál í alla staði, menn eru að slá sér
til riddara þegar það þarf að sækja
atkvæði og vinsældir,“ segir Ólafur
en stjórnmálafólk kom saman í maí
og lofaði öllu fögru skömmu fyrir
sveitarstjórnarkosningar.
„Þau lofa því að það verði sett eitt-
hvað í gang, það er svo sett í nefnd
sem setur það í aðra nefnd. Nú
veit ég ekki hvort nefndin hafi hist
eða ekki, þetta er orðið langþreytt
ástand og er í raun algjört virðingar-
leysi að það sé ekkert gert.“
Lengi hafa vonir staðið til þess
að þjóðarhöll og nýr þjóðarleik-
vangur í knattspyrnu myndu rísa
en margir eru farnir að gefa upp
alla von. „Við erum með vonda
aðstöðu, í raun enga aðstöðu. Það er
verið að reyna einkaframkvæmdir í
ýmsum geirum samfélagsins sem er
stundum umdeilt. Ég held að það sé
útséð með að ríkið eða sveitarfélög
komi að þessu. Þar draga menn bara
lappirnar og það þarf að finna lausn
þar sem fjármagnið kemur annars
staðar frá. Það virðist enginn áhugi
þegar á hólminn er komið að setja
raunverulega peninga í verkefnið.“
Þjóðarhöll er framar á teikniborði
stjórnvalda og því er enn lengri bið
í að nýr þjóðarleikvangur rísi. „Það
hangir á sömu spýtunni, þetta er
margtuggið. Á tyllidögum vilja allir
upp á hestinn og taka þátt, þegar
kemur að því að standa við gefin
loforð þá verða menn litlir í sér. Það
er fullt af hlutum og málum sem
myndu vera brýnni en þjóðarhöll í
stóra samhenginu en þetta er eitt-
hvað sem þarf virkilega að fara að
gera gangskör að. Ég held að margir
átti sig ekki á hversu aftarlega á
merinni við erum þegar kemur að
aðstöðu.“ n
Fögur loforð á
atkvæðaveiðum
Á vordögum var undirrituð viljayfir-
lýsing. FRÉTTABLAÐIÐ/VALLI
hordur@frettabladid.is
FÓTBOLTI Valur verður Íslandsmeist-
ari annað árið í röð takist liðinu að
að ná í jafntefli eða sigur gegn Aftur-
eldingu í Bestu deild kvenna í dag.
Fjórir leikir fara svo fram á
sunnudag en Valur spilar degi á
undan vegna þátttöku liðsins í
Meistaradeild Evrópu. Valur tók
á móti Slavia Prag í undankeppni
Meistaradeildar Evrópu kvenna á
miðvikudag. Tékkneska liðið vann
0-1 sigur og er í góðri stöðu fyrir síð-
ari leikinn. Liðið sem sigrar einvígið
kemst í riðlakeppni Meistaradeildar
Evrópu.
„Þetta var mjög svekkjandi tap
gegn Slavia en við erum búnar að
hrista það af okkur, við erum bara
spenntar fyrir þessu í dag. Við
erum ekki búnar að tapa mörgum
leikjum í sumar, við erum búnar að
spila saman liðinu undanfarið og
það hefur gengið vel,“ segir Ásgerð-
ur Stefanía Baldursdóttir einn af
burðarásunum í sterku liði Vals.
„Alveg sama þó það væri ekki
í boði að vinna titil í leiknum þá
ætlum við okkur í alla leiki til að
vinna þá og það er engin undan-
tekning gegn Aftureldingu á úti-
velli.“
Ásgerður telur að Valur eigi svo
góðan séns á að vinna Slavia á úti-
velli í næstu viku. „Mér finnst við
eiga mikla möguleika. Þær spiluðu
ekki alveg eins og við höfðum kort-
lagt,“ segir Ásgerður. n
Valur getur tryggt sér Íslandsmeistaratitilinn í dag
Úr leik Vals og
Slavia Prag í
vikunni. Næstu
dagar eru mikil-
vægir fyrir liðið.
FRÉTTABLAÐIÐ/
SIGRYGGUR ARI