Fréttablaðið - 11.10.2022, Side 8

Það er með ólíkindum
ef til stendur að endur-
taka leikinn við núver-
andi aðstæður.
Sigursteinn Más-
son, fjölmiðla-
maður
Forstjóri Hvals segist stefna
ótrauður með hvalkjöt sitt til
Japan í gegnum Norður-Íshaf-
ið. Þarf aðstoð Pútíns, segir
Sigursteinn Másson, sem telur
með ólíkindum að sagan sé
að endurtaka sig nú á tímum
stríðs og viðskiptaþvingana.
bth@frettabladid.is
VIÐSKIPTI Kristján Loftsson, for-
stjóri Hvals, segir í viðtali við stað-
armiðilinn Skessuhorn að innrás
Rússa í Úkraínu og ófriðarástand
muni ekki koma í veg fyrir að hægt
verði að selja hvalaafurðir um
Norður-Íshafið til Japans.
Sigursteinn Másson fjölmiðla-
maður, sem hefur barist gegn
hvalveiðum um árabil, segir að
ekki verði siglt með hvalkjötið um
Norður-Íshafið nema með aðstoð
Rússa.
Sigursteinn segir að í þau skipti
sem f lutningaskip á vegum Krist-
jáns hafi farið þessa leið hafi rúss-
neskir kjarnorkuknúnir ísbrjótar
siglt á undan, skip sem tilheyri
kjarnorkustofnun Rússlands eða
dótturfyrirtæki hennar. Það veki
upp stórar spurningar um við-
skiptasiðferði í ljósi árásarstríðs
Rússa í Úkraínu og margvíslegra
v iðsk iptaþv ingana vestrænna
ríkja.
„Það er með ólíkindum ef til
stendur að endurtaka leikinn við
núverandi aðstæður,“ segir Sigur-
steinn.
Fréttablaðið hefur ítrekað reynt
að ná tali af Kristjáni vegna máls-
ins en án árangurs. Haft hefur verið
samband símleiðis og með tölvu-
póstum. Aðrir starfsmenn hjá Hval
vilja ekki tjá sig og segja að Kristján
einn eigi samskipti við fjölmiðla.
Í viðtalinu við Skessuhorn segir
Kristján að undanfarin ár hafi verið
siglt með hvalaafurðir til Japans
um Norður-Íshafið. Siglt hafi verið
upp með strönd Noregs, þar tekin
olía, þaðan farið norður fyrir Rúss-
land um Norður-Íshafið og þaðan
til Osaka í Japan. Kristján kveðst í
Skessuhorni ekki eiga von á því að
ófriðarástand hamli því að hægt
verði að sigla þessa leið.
Árið 2014, eftir innlimun Krím-
skaga og landsvæða í Úkraínu, átti
varautanríkisráðherra Rússlands
fund með Kristjáni hér á landi
ásamt rússneska sendiherranum.
Upp úr því varð til viðskiptasam-
band. Kristjáni tókst að halda sam-
bandi við Rússana sem greiddu götu
hans.
„Það sem kom út úr fundi Krist-
jáns forðum með varautanríkisráð-
herra Rússa var að Kristján Lofts-
son varð sá fyrsti í heiminum til að
sigla með sjávarafurðir þessa leið
árið 2015 í fylgd vopnaðs rússnesks
kjarnorkuísbrjóts,“ segir Sigur-
steinn.
Ógerlegt er fyrir Hval að sigla um
rússneska landhelgi án viðskipta
við rússnesku kjarnorkustofnunina
Rosatom, sem Pútín stofnaði árið
2007, að sögn Sigursteins. n
Telur að hvalkjöt Kristjáns
kalli á rússneskan ísbrjót
Ógerlegt er fyrir Kristján Loftsson, forstjóra Hvals, að sigla um rússneska landhelgi með afurðir án viðskipta við rúss-
nesku kjarnorkustofnunina Rosatom sem Pútin stofnaði árið 2007, að sögn fjölmiðlamanns. MYND/ANTON BRINK
Kristján
Loftsson,
forstjóri Hvals
birnadrofn@frettabladid.is
HEILBRIGÐISMÁL Um þrettán þús-
und manns, 60 ára og eldri, fengu
örvunarskammt af bóluefni gegn
Covid-19 í Laugardalshöll síðustu
tvær vikur. Þá fengu á sama tíma
rúmlega fimmtán þúsund manns í
sama aldurshópi bólusetningu gegn
inflúensu.
Opnar bólusetningar fóru fram í
höllinni dagana, 27. september til
7. október og segir Ragnheiður Ósk
Erlendsdóttir, framkvæmdastjóri
hjúkrunar hjá Heilsugæslu höfuð-
borgarsvæðisins, allt hafa gengið
vel. Misjafnt hafi verið hvort fólk
þáði bæði örvunarskammt og bólu-
setningu gegn inflúensu eða annað
hvort.
Nú standi fólki sem er yngra en
60 ára og með undirliggjandi sjúk-
dóma til boða örvunarskammtur
og inflúensubólusetning á heilsu-
gæslustöðvum. „Nú leggjum við
áherslu á þennan hóp og mælum
með að hann þiggi bólusetningu,“
segir Ragnheiður.
Þá er einnig algengt að fyrirtæki
bjóði starfsfólki sínu upp á bólu-
setningar. „Það eru margir sem líta
á það sem góða forvörn og heilsu-
vernd og það er bara frábært,“ segir
Ragnheiður. n
Tugir þúsunda þáðu bólusetningu
Ragnheiður Ósk
Erlendsdóttir,
framkvæmda-
stjóri hjúkrunar
hjá HH
ser@frettabladid.is
SKÓLAMÁL Nýir eigendur Hótel
Sögu eru nú í óðaönn að koma
þessari kunnu stórbyggingu á Mel-
unum í nýjan búning, en hún mun í
framtíðinni hýsa hluta af starfsemi
Félagsstofnunar stúdenta og allt
Menntavísindasvið Háskóla Íslands.
Nú er unnið að því að breyta 115
hótelherbergjum í stúdentaíbúðir
með litlum eldhúskrók, en afgang-
urinn af húsinu, um 70 prósent af
f latarmáli þess, fer undir starfsemi
Menntavísindasviðs sem flytur úr
leiguhúsnæði í Stakkahlíð. Þá verð-
ur upplýsingasvið Háskólans einnig
til húsa í endurbættri byggingunni.
Áætlað er að kostnaður við breyt-
ingar á húsnæðinu nemi þremur
milljörðum króna, en kaupverð
þess á sínum tíma var hálfur fjórði
milljarður króna. Það verður tekið
í notkun í áföngum, fyrstu stúd-
entarnir munu flytjast þangað um
áramót, en kennsla hefst þar haustið
2024 með hátt í þrjú þúsund nem-
endum, kennurum og öðru starfs-
fólki Menntavísindasviðs.
„Þetta verður lifandi hús og ekki
aðeins fyrir háskólafólk,“ segir Guð-
mundur R. Jónsson, framkvæmda-
stjóri sameiginlegrar stjórnsýslu
HÍ, „en okkur finnst mikilvægt að
gera húsið aðlaðandi fyrir gesti og
gangandi,“ bætir hann við.
„Þarna verða vísindasmiðjur fyrir
börn og fullorðna og vonandi verð-
ur eftirsóknarvert að heimsækja
það fyrir landsmenn alla,“ segir
Guðmundur enn fremur og minnir
á að veitingasala verði áfram í Grill-
inu og þar sem gamli Mímisbar var á
sínum tíma á jarðhæðinni. n
Ný Saga verður iðandi vísindasmiðja
Gamla Sagan er nú hjúpuð vinnupöllum, en verður iðandi vísindasmiðja á
næstu árum, þó ekki aðeins fyrir háskólafólk. FRÉTTABLAÐIÐ/ERNIR
benediktarnar@frettabladid.is
RÍKISENDURSKOÐUN Guðmundur
Björgvin Helgason, ríkisendurskoð-
andi, er vongóður um að skýrslunni
um söluna á hlut ríkisins í Íslands-
banka verði skilað til Alþingis í lok
næstu viku. Skýrslan verður svo
loksins gerð opinber fyrir almenn-
ing, en skilum á henni hefur verið
frestað ítrekað.
„Ef þessi tímalína gengur upp,
sem að ég er vongóður um, þá verð-
ur skýrslan send forseta Alþingis
undir lok næstu viku. Síðan á eftir
að ákveða dagsetningu fyrir stjórn-
skipunar- og eftirlitsnefnd til að taka
skýrsluna fyrir. Ég á nú ekki von á
því að það muni dragast lengi. Við
munum gera skýrsluna opinbera
eftir að við höfum kynnt nefnd-
inni skýrsluna, það er venjulegur
framgangsmáti hjá okkur við þessar
úttektarskýrslur,“ segir Guðmundur.
Hann segir að skýrslan fari í
umsagnarferli á miðvikudaginn til
fjármálaráðuneytisins og banka-
sýslunnar. „Ef við gefum okkur að
það ferli taki viku, þá er skýrslan
klár undir lok næstu viku,“ segir
Guðmundur. n
Stutt í að skýrslan verði opinberuð
Guðmundur Björgvin Helgason,
ríkisendurskoðandi.
birnadrofn@frettabladid.is
HEILBRIGÐISMÁL Enn eru um 1.150
fullorðnir einstaklingar á biðlista
eftir ADHD-greiningu hjá Geð-
heilsuteymi Heilsugæslunnar. Elvar
Daníelsson, yfirlæknir Geðheilsu-
teymis ADHD fullorðinna, segir
erfitt að segja til um hversu lengi
fólk þurfi að bíða.
„Það fer náttúrulega eftir því
hvernig þessu teymi gengur að
stækka og dafna og hvaða aðstæð-
ur verða skapaðar fyrir teymið til
þess,“ segir Elvar.
Hann segir að þegar mönnun
teymisins sé eins og núna geti
fólk gert ráð fyrir því að bíða eftir
greiningu í 30 til 32 mánuði eða um
og yfir tvö og hálft ár. „Ef við náum
fullri mönnun miðað við það fjár-
magn sem við höfum núna, það
eru þrjú stöðugildi sálfræðings,
þá gæti biðin farið í 23 mánuði og
við gætum náð biðlistanum niður
á kannski 7 til 10 árum,“ útskýrir
Elvar.
Hann segist vona að teyminu
verði veitt nægilegt fjármagn til að
hafa í heild fimm sálfræðinga, þá
væri möguleiki að vinna biðlistann
niður á tveimur árum og stytta bið í
eitt ár. Þetta segir Elvar þó byggjast á
fjölda beiðna sem teyminu berist og
því að hægt sé að manna þær stöður
sem um ræði.
ADHD-greining fullorðinna heyr-
ir nú undir Heilsugæslu höfuðborg-
arsvæðisins en áður fóru þær fram
hjá ADHD-teymi Landspítalans.
Árið 2020 bárust teyminu á Land-
spítala 450 beiðnir um greiningu
fullorðinna, Elvar segir þeim hafa
fjölgað.
Spurður að því hversu hátt hlut-
fall innsendra beiðna endi með
greiningu á ADHD segir Elvar það
hátt. „Sennilegast eru það í kringum
fimmtán prósent sem eru ekki með
ADHD,“ segir hann. n
Enn löng bið eftir ADHD-greiningu
Elvar Daníels-
son, yfirlæknir
Geðheilsu-
teymis ADHD
fullorðinna
6 Fréttir 11. október 2022 ÞRIÐJUDAGURFRÉTTABLAÐIÐ