Heilbrigðisskýrslur - 04.12.1985, Qupperneq 128

11.4.
Fræðslustarf Landlæknisembættisins.
Á vegum Landlæknisembættisins var ráðist í að þýða og staðfæra þrjá
fræðslubæklinga frá RFSU (Riksförbundet för sexuell upplysning) í
Sviþjóð. Hér er um að ræða fræðslurit um pilluna, lykkjuna og smokk-
inn. Þessi rit voru fyrst prentuð árið 1977 og hafa síðan verið endur-
prentuð á hverju ári. Árið 1978 voru siðan tekin saman tvö rit um
kynsjúkdóma og voru þau fyrst gefin út á árinu 1979. Öllum þessum
ritum hefur verið dreift i stórum upplögum á heilsugæslustöðvar,
heilsuverndarstöðvar, fæðingarstofnanir og ýmsar aðrar heilbrigðis-
stofnanir svo og i skóla. Menntamálaráðuneytihu var þegar i upphafi
boðið að notfæra sér þessi rit og frá árinu 1980 hefur Námsgagna-
stofnun ríkisins séð um að dreifa þeim í skóla.
Læknanemar hafa farið á vegum landlæknis i framhaldsskóla á Reykja-
vikursvæðinu undanfarna vetur og veitt fræðslu um kynsjúkdóma og
atriði tengd getnaðarvörnum. Þá fóru læknanemar og i nokkra fram-
haldsskóla utan Reykjavikur vorið 1983. Sama ár fóru hjúkrunarfræði-
nemar við Háskóla íslands i grunnskóla i Reykjavik og fluttu fræðslu-
erindi um getnaðarvarnir fyrir nemendur 9. bekkjar. Einnig má geta
þess að Landlæknisembættið réði starfsmann i 5 mánuði 1982-1983 til
þess að annast gerð kennsluefnis og skipulagningu á heilbrigðis-
fræðslu i skólum .
Fræðslustarfsemin hefur þannig fyrst og fremst verið bundin við
heilbrigðisstofnanir og skóla. Kemur þar einkum til að þrátt fyrir
itrekaðar beiðnir hefur ekki fengist fjármagn til slikra verkefna
s.s. til gerðar mynda til sýningar i sjónvarpi og viðar. Landlæknis-
embættið hefur þó veitt sjónvarpinu ákveðnar upplýsingar og ábendingar
varðandi gerð fræðsluþátta um heilbrigðismál. Veturinn 1982-1983 voru
sýndir nokkrir slikir þættir.
126