Fréttablaðið - 16.12.2022, Blaðsíða 4
Þið kannist við hann
JÓLAGLEÐI
Í FJARÐARKAUP
ALLA HELGINA
Laugardagur 17.des
Sunnudagur 18.des
10:00 til 18:00
10:00 til 18:00
Hlökkum til að sjá þig
kristinnpall@frettabladid.is
INNFLYTJENDUR Samkvæmt nýjustu
tölum Þjóðskrár Íslands um fjölda
erlendra ríkisborgara á Íslandi hefur
Pólverjum fjölgað um rétt rúmlega
tíu prósent frá því í desember í fyrra.
Pólverjar eru nú 23.315 á Íslandi eða
rúmlega 36 prósent allra erlendra
ríkisborgara og sex prósent allra
íbúa Íslands.
Um aldamótin töldu Pólverjar á
Íslandi aðeins í kringum þúsund
manns. Þeim fjölgaði hratt á árun-
um fyrir hrun og náðu 10 þúsund-
um árið 2008. n
Pólverjum fjölgað
um tíu prósent
Frá fullveldishlaupi Pólverja á Íslandi.
Mörgum útlendingum þykir undarlegt að Íslendingar haldi upp á jólaköttinn, enda étur hann börn sem ekki fá flíkur fyrir jólin. FRÉTTABLAÐIÐ/ANTON BRINK
jonthor@frettabladid.is
LÖGREGLUMÁL Niðurstöður úr
sýnum, sem varða skotárásarmálið
á Blönduósi, hafa borist frá Svíþjóð.
Þetta staðfestir Eyþór Þorbergsson,
varasaksóknari hjá lögregluembætt-
inu á Norðurlandi eystra.
Beðið hafði verið eftir niðurstöð-
unum í nokkra mánuði.
Lögreglan á þó eftir að vinna úr
niðurstöðunum, en fyrir það fyrsta
þarf að þýða þær og síðan skoða inni-
hald þeirra. Til að mynda mun þurfa
að bera niðurstöðurnar saman við
framburð vitna. Jafnvel verði vitni
boðuð aftur í skýrslutöku.
Vitnin verða þó ekki kölluð til
skýrslutöku fyrr en eftir jól. Fólkið
hafi orðið fyrir miklu áfalli og lög-
reglunni þyki ekki rétt að fara yfir
atburðina á meðan hátíðirnar standa
yfir. n
Taka ekki skýrslu
fyrr en eftir jól
Pólverjar eru sex pró-
sent íbúa Íslands sam-
kvæmt þjóðskrá.
jonthor@frettabladid.is
LÖGREGLUMÁL Landsréttur hefur
birt úrskurð sinn í hryðjuverkamál-
inu svokallaða þar sem ákveðið var
að sleppa sakborningunum tveimur
úr gæsluvarðhaldi. Úrskurðurinn
varpar ljósi á það sem mennirnir
eru grunaðir um.
Í samskiptum mannanna eiga
þeir að hafa rætt saman um að
fremja voðaverk, til dæmis með
skotvopnum, eða með því að „keyra
trukk í gegnum hóp fólks“. Auk þess
hafi þeir talað um að fremja dróna-
árásir.
Leitað var álits sérfræðinga Euro-
pol í málefnum hryðjuverka og
hryðjuverkasamtaka. Þeir mátu það
svo að báðir sakborningarnir hefðu
verið við það að grípa til aðgerða og
framkvæma hryðjuverk á Íslandi. n
Verið við það að
fremja hryðjuverk
María Ericsdóttir Panduro,
hönnuður og stofnandi
Súpustofunnar, opnar dyr
Aðventkirkjunnar í Reykja-
vík á aðfangadagskvöld eftir
messu, en þar ætlar hún að
bjóða upp á jólamat fyrir alla
þá sem hafa í engin hús að
venda yfir hátíðirnar, þeim að
kostnaðarlausu.
odduraevar@frettabladid.is
erlamaria@frettabladid.is
GÓÐGERÐARMÁL „Mig hefur lengið
langað til að opna kirkjuna mína
um jólin og í ár höfum við ákveðið
að hafa Aðventkirkjuna opna um
jólin. Jóladagskráin í kirkjunni er
frá klukkan sex til sjö á aðfanga-
dagskvöld, en eftir það verður
kirkjan opin fram eftir kvöldi.
Ég ætla að vera með hangikjöt,
uppstúf og laufabrauð fyrir þá sem
vilja, hafa kerti og tónlist og hafa
þetta æðislega notalegt,“ segir María
Ericsdóttir Panduro hönnuður, en
hún er ein þeirra sem standa að jóla-
mat á aðfangadagskvöld í Aðvent-
kirkjunni í Reykjavík við Ingólfs-
stræti 19.
María setti Súpustofuna á lagg-
irnar fyrir tæpum fjórum árum
þar sem heitur matur hefur verið á
boðstólum fyrir gesti og gangandi á
laugardagskvöldum, þeim að kostn-
aðarlausu. Að sögn Maríu kviknaði
hugmyndin að framtakinu þegar
hún hitti konu í miðbæ Reykjavíkur
sem var í mikilli neyslu.
„Ég sá þá hversu mikil þörf er fyrir
að hjálpa þeim sem minnst mega sín
í samfélaginu. Við Íslendingar þurf-
um að vera opnir fyrir þessum stað-
reyndum, að þessi neyð er til staðar,
ekki bara vita af henni. Við þurfum
að gera eitthvað. Við getum öll gert
eitthvað pínulítið og eitthvað pínu-
lítið er betra en ekki neitt,“ segir
María.
Að sögn Maríu hefur Súpustofan
verið starfrækt í safnaðarheimili
Aðventkirkjunnar undanfarin ár
þar sem faðir hennar er prestur.
Þó hafi þau þurft að loka um tíma
vegna Covid.
„Við vorum að fá mikið af hælis-
leitendum og fólki af götunni og
svolítið af fólki í neyslu því þetta
var náttúrlega opið öllum. Og það
er tilgangurinn, að blanda saman
fólki og hópum úr samfélaginu,“
segir María.
„En núna ætlum við að vera svo-
lítið nýstárleg og öðruvísi. Núna
köllum við þetta Góðstofuna og
ætlum að færa okkur inn í kirkj-
una. Þetta er svolítið eins og betri
stofan, en á jólum í gamla daga var
farið inn í betri stofuna þannig að
okkur fannst tilvalið að opna núna
um jólin,“ bætir hún við.
María segir að ýmislegt sé búið
að gera til að gera upplifunina sem
notalegasta. Kirkjubekkir hafi verið
minnkaðir til að koma langborðum
inn, sem gefi gestum þá tilfinningu
að þeir séu að snæða á veitingastað.
„Hugmyndin er að þetta er kvöld-
verður fyrir alla þá sem vilja koma
og hafa það notalegt um jólin,
algjörlega óháð því hvaða stöðu þeir
hafa í samfélaginu,“ segir María. n
Býður heimilislausum í
mat á aðfangadagskvöld
María Ericsdóttir Panduro hefur starfrækt Súpustofuna í safnaðarheimili
Aðventkirkjunnar, þar sem faðir hennar, Eric Guðmundsson, er prestur.
FRÉTTABLAÐIÐ/SIGTRYGGUR ARI
Við Ís lendingar þurf-
um að vera opnir fyrir
þessum stað reyndum,
að þessi neyð er til
staðar, ekki bara vita af
henni.
María Ericsdóttir Panduro
2 Fréttir 16. desember 2022 FÖSTUDAGURFRÉTTABLAÐIÐ