Fréttablaðið - 16.12.2022, Blaðsíða 10

Sigurður Þ. Ragnarsson, betur þekktur sem Siggi stormur, tók
saman allt það helsta af veðrinu árið 2022. Siggi telur að veðrið
þetta árið hafi um margt verið nokkuð sérstakt miðað við það
sem við Íslendingar eigum að venjast.
benediktarnar@frettabladid.is
Kolvitlaus vetur
og fjöllita
viðvaranir
Óveður gekk
yfir Austurland
í september-
mánuði, með til-
heyrandi látum
og skemmdum.
MYND/ÁSGEIR
METÚSALEMSSON
Í byrjun árs
snjóaði eins
og enginn væri
morgundagur-
inn. Íslendingar
létu það ekki
á sig fá og lífið
gekk sinn vana-
gang.
FRÉTTABLAÐIÐ/
VALLI
Janúar
„Strax upp úr miðnætti á nýárs-
nótt varð mikill hvellur sem
reyndist upphafið að linnulítilli
ótíð. Þjóðvegi 1 um Suðurland var
lokað á nýársdag og björgunar-
sveitir á Suðurlandi voru kallaðar
út til aðstoðar. Það var einnig
kraftur í veðrinu fyrir norðan er
bílar sátu fastir á Öxnadalsheiði í
blindbyl og snjóþyngslum,“ segir
Siggi um veðrið í upphafi árs.
„Stormar voru tíðir með við-
eigandi samgöngutruflunum víða
um land. Þó var ekki endilega
mikill snjór en það átti vissulega
eftir að breytast,“ segir Siggi.
Febrúar
Siggi segir að febrúar hafi verið
með erfiðari mánuðum síðustu ár,
enda kyngdi niður snjó um land
allt sem bættist ofan á ítrekuð
stórviðri og tíðar lokanir á vegum.
„Í upphafi febrúar gekk yfir
djúp lægð þar sem almannavarnir
lýstu yfir hættustigi um land allt
og samhæfingarmiðstöðvar voru
virkjaðar. Rauðar viðvaranir voru
gefnar út og fólk varað við að vera
á ferli,“ segir Siggi, en óvissustigi
almannavarna vegna veðurs var
lýst yfir þegar veðurspár sýndu
ofsaveður um allt land.
Mars
Í mars var meðalhitinn víðast
hvar yfir frostmarki, sem þýddi að
snjór var þungur um land allt.
„Mánuðurinn var úrkomu-
samur með eindæmum, einkum á
Suður-, Suðaustur- og Vesturlandi
og mældist úrkoman þar víða
með því mesta sem vitað er um í
mars. Enn fremur reyndist mars sá
úrkomusamasti í Reykjavík síðan
mælingar hófust eða tæplega þre-
falt meiri en meðaltal síðustu 30
ára. Það er því ljóst að liðinn vetur
hefur reynt á þolrif margra,“ segir
Siggi.
Apríl
Siggi segir að apríl hafi verið
venjulegur vetrar-vormánuður.
„Apríl var hagfelldur, öfgalítill og
vindur í lágmarki. Mánuðurinn var
í raun einn sá hægviðrasamasti í
30 ár. Indælt það,“ segir Siggi.
Maí
Íslendingum til mikillar gleði
var úrkoma í fyrsta skipti á árinu
undir meðallagi í maí. Sömuleiðis
fór sólin að skína meira og lengur.
„Maí var samt sem áður fremur
úrkomusamur nyrðra og kaldur
sökum tíðra norðlægra átta.
Þarna voru tíðarfarsspár farnar
að gefa upptakt um fremur svalt
sumar. Hins vegar var maí nokkuð
sólríkur í Reykjavík en úrkomu-
samast og kaldast fyrir norðan,“
að sögn Sigga.

Júní
„Það er komið sumar,“ segir Siggi
um veðrið í júní, sem fór sæmilega
af stað, einkum á Suðaustur- og
Austurlandi.
„Þegar líða tók á mánuðinn
fór að bera á umræðu um kulda
á höfuðborgarsvæðinu og á
Norðurlandi vestra. Eftir því sem
leið á júní varð hann að hreinum
vonbrigðum,“ segir Siggi og segir
að sumarið hafi byrjað á kulda.
„Meðalhiti í lok júní er 6,2 stig,
sem er eitthvað sem við Íslend-
ingar höfðum ekki séð á þessari
öld,“ segir Siggi og bendir á að
aðeins sumarið 1989 hafi verið
kaldara.
Júlí
Loksins var komið að aðalsumar-
frísmánuði landans, eins og Siggi
orðar það. Það eru alltaf miklar
væntingar gerðar til hásumarsins,
en þær væntingar stóðust engan
veginn.
„Júlí var kaldur miðað við það
sem við höfðum mátt venjast
og það meira segja um mestallt
land. Hlýjast var á Suðausturlandi
og einnig á Ströndum, en kaldast
fyrir norðan og við Faxaflóa,“ segir
Siggi.
Ágúst
Landinn fór í sveitaferð þrátt fyrir
kulda um land allt. Siggi segir að
ágúst hafi verið fremur kaldur og
fátt verið um fína drætti.
„Ég spáði sjálfur allt að 25 stiga
hita í ágústmánuði og gekk það
eftir á Norðausturlandi, þar sem
hæsti hiti sumarsins mældist,“
segir Siggi.
September
Það sem stendur upp úr varðandi
veður í september er óveðrið á
Austurlandi, en rauð viðvörun var í
gildi um nánast allt Austurland.
„September er oft sæmilegur.
Fínn fyrir berjatínslu og óveður
óalgeng. En það reyndist öðruvísi
nú líkt og áður þetta árið.“

Október
Í október hélt óveðrið áfram með
hinum ýmsu lokunum á vegum og
leiðum um allt land, meðal annars
var lokað á Mývatns- og Möðru-
dalsöræfum sex sinnum á þessu
tímabili. Einnig var Holtavörðu-
heiði og Öxnadalsheiði lokað.
„Lægðinni fylgdi stórviðri,
einkum sunnan lands og austan,
með vatnsviðri og óttuðust menn
mjög álagið á innviði rafveitukerfa
og fleira. Hins vegar varð tjónið
minna en óttast var. Október
reyndist leiðinlega kaldur mán-
uður og á kafla stórviðrasamur,“
segir Siggi.
Nóvember
Siggi segir að nóvember hafi verið
hlýrri en Íslendingar eru vanir.
Reyndist vera um hlýjasta nóvem-
bermánuð sem mælst hefur hér á
landi að ræða.
„Nóvembermánuður sló
hitamet sem hefur verið í gildi
frá árinu 1945. Nokkuð skyggði
á að mikil úrkoma reyndist vera
austanlands.“

Desember
Loksins er komið að jólamánuð-
inum desember, en með honum
komu bæði jólasveinar og mikill
vetrarkuldi.
„Desember hefur einkennst
af svipuðu veðri dag eftir dag,
frosti og hægum vindi. Um þessar
mundir er von á mjög hörðu frosti
í desember, þegar heimskauta-
loft brýtur sér leið yfir landið. Svo
mega íbúar á höfuðborgarsvæðinu
og Suðurlandi búast við rauðum
jólum, en hvítum jólum á norðan-
verðu landinu,“ segir Siggi. n
Sigurður Þ.
Ragnarsson
Á höfuðborgarsvæðinu er mikið vetrarveður um þessar mundir. Fimbulkuldi einkennir veðurfar desembermánaðar,
en snjórinn lætur þó ekki sjá sig. FRÉTTABLAÐIÐ/ANTON BRINK
ANNÁLL VEÐUR FRÉTTABLAÐIÐ 16. desember 2022 FÖSTUDAGUR