Fréttablaðið - 16.12.2022, Blaðsíða 30

Kristín Edwald hæstaréttar-
lögmaður hjá LEX og eld-
húsdrottningin okkar með
meiru er mikið jólabarn og
desember er einn af hennar
uppáhaldsmánuðum.
sjöfn@frettabladid.is
Kristín er fastheldin á jólahefðir
og siðir, sem hafa fylgt henni frá
bernsku frá foreldrum hennar, og
jólakræsingar skipa stóran sess í
jólahaldinu.
Kristín töfraði fram dýrindis
jóla-pavlovu sem hún sviptir
hulunni hér af fyrir lesendur
Fréttablaðsins. „Desember er svo
skemmtilegur árstími og ég er
mikið jólabarn. Mér finnst skipta
öllu máli að njóta jólaundir-
búningsins með mínum nánustu
þannig að ég er ekkert að stressa
mig á að „vera búin að öllu“ í
byrjun desember. Snædís, dóttir
mín, er í námi í London og kemur
heim um miðjan desember og um
svipað leyti klárar Helgi, sonur
minn, prófin í Verzló þannig að
þá fer jólaundirbúningurinn hjá
okkur á fullt. Klárum að skreyta,
bökum, kaupum jólatré og jóla-
gjafir og umfram allt njótum sam-
verunnar,“ segir hún.
Kristínu finnst ómissandi að
fara í skötuveislu. „Á Þorláksmessu
er ómissandi að fara í skötuveislu
til bróður míns og mágkonu á
Eyrarbakka og hitta stórfjölskyld-
una þeirra. Ég er ekki alin upp við
skötu en lærði að borða hana hjá
bróður mínum. Held reyndar að
hann borði sjálfur ekki skötu en
hann er mjög góður í að elda hana.
Að hlusta á jólakveðjur í útvarpinu
á leiðinni á Bakkann er líka svo
jólalegt, ég tala ekki um þegar það
er snjór úti.“
Appelsín í gleri og hnetur í skál
Jólahefðirnar spila líka stórt hlut-
verk í jólahaldinu. „Ég hef nokkrar
jólahefðir frá mömmu og pabba
í hávegum. Mér finnst nauðsyn-
legt að baka vanilluhringi eins
og mamma gerði og svo verður
alltaf að vera til appelsín í gleri og
hnetur í skál eins og pabbi hafði
það. Við erum líka alltaf með soðin
epli með matnum á aðfangadags-
kvöld. Þá sker ég epli í tvennt og
gufusýð þau. Þegar þau eru orðin
köld set ég smá rjóma í miðjuna
og sultu þar ofan á. Á jóladag er
ég með eplaköku í eftirrétt eins
og mamma gerði hana. Hún er
lagskipt, eplamús og sykurbrúnuð
brauðmylsna til skiptis og toppuð
með þeyttum rjóma.
Við höfum ekki verið mjög
fastheldin á aðalréttinn á aðfanga-
dagskvöld, svo lengi sem soðnu
eplin eru með. Undanfarin ár
höfum við verið með Wellington-
steik og verðum með hana í ár. Á
jóladag erum við með hangikjöt og
svo tartalettur á annan í jólum.“
Kristínu finnst mjög gaman að
brydda upp á nýjungum í eftir-
réttunum, öðrum en eplakökunni
á jóladag. „Að búa til alls konar ís
og baka skemmtilegar og fallegar
kökur. Ég á mjög erfitt með að
fylgja uppskriftum til hins ítrasta
og leik mér að því að gera einhver
tvist. Jóla-pavlovan varð til þannig.
Ég bakaði hana fyrir fjölskylduboð
núna fyrr í desember. Mig langaði
til að gera sérstaklega jólalegan
og góðan eftirrétt. Hún tókst
mjög vel og þótti mjög góð sem er
auðvitað aðalatriðið. Hún er líka
þægileg því marengsinn má baka
nokkrum dögum áður og geyma
hann í loftþéttum umbúðum og
setja svo rjómann og berin ofan á
sama dag og kakan er borin fram,“
segir Kristín sem er farin að hlakka
mikið til jólanna með fólkinu sínu.
Hér kemur uppskriftin að jóla-
pavlovunni hennar Kristínar sem
sló í gegn á dögunum.
Jóla-pavlova
Marengs
7 eggjahvítur
300 g sykur
1 tsk. hvítvínsedik
1 tsk. kartöflumjöl
Eggjahvíturnar eru stífþeyttar.
Þá er sykrinum bætt við í litlum
skömmtum og þeytt vel, svo er
hvítvínsedikinu og kartöflumjöl-
inu bætt við. Blandan er tilbúin
þegar stífir toppar myndast og
áferðin er orðin glansandi.
Leggið fatið sem nota á undir
kransins á bökunarpappír og
dragið hring eftir því. Snúið papp-
írnum við og sprautið marengs-
inum í hring. Gætið þess að hafa
marengsinn um 2 sentimetra fyrir
innan hringinn því hann stækkar
við bakstur. Bakið við 120°C í 90
mínútur. Slökkvið á ofninum,
opnið hurðina og látið marengsins
kólna í minnst 4 klukkustundir, en
best er yfir nótt.
Vanillurjómi
½ lítri rjómi
1–2 tsk. vanillusykur
Þeytið rjómann og bætið vanillu-
sykri út í eftir smekk. Sprautið eða
smyrjið rjómanum á kransinn.
Efsta lag
Fersk ber
Desert kirsuber frá Den Gamle
Fabrik (½ krukka)
Fersk myntulauf
Setjið marengsinn á fat. Dreypið
2-3 matskeiðum af kirsuberjasaf-
anum yfir marengsinn. Sprautið
eða smyrjið vanillurjómanum
ofan á. Raðið kirsuberjum og
ferskum berjum ofan á rjómann.
Skreytið með myntulaufum.
Slaufan setur svo punktinn yfir
i-ið. n
Dýrðlega jóla-pavlovan hennar Kristínar
Kristín Edwald lögmaður heldur í hefðirnar þegar kemur að jólum eins og
sannir Íslendingar. FRÉTTABLAÐIÐ/ANTON BRINK
Glæsileg marengsterta sem Kristín gefur uppskrift að.
Að búa til alls
konar ís og baka
skemmtilegar og fallegar
kökur. Ég á mjög erfitt
með að fylgja uppskrift-
um til hins ítrasta og leik
mér að því að gera ein-
hver tvist. Jóla-pavlovan
varð til þannig.
sjofn@frettabladid.is
Tilvalið er að eiga góðan dag
saman á aðventunni og elda
spagettírétt á ítalska vísu. Gott er
að bjóða upp á nýbakað brauð og
ferskt salat að eigin vali með.
Spagettí bolognese

Ólífuolía fyrir steikingu
2 stk. laukar, saxaðir
3–5 hvítlauksgeirar eða 1–2 litlir
hvítlaukar saxaðir, magn eftir
smekk
2–3 stiklar sellerí, smátt skornir
og sjóða í 2-3 mínútur fyrir notkun
(má alveg sleppa)
2–3 gulrætur, smátt skornar
1 kg nautahakk
2 dósir/krukkur lífrænir tómatar
1 lítil krukka tómatpaste
1–2 tsk. paprikukrydd
Svartur nýmalaður pipar eftir
smekk
Tabasco-dropar eftir smekk
1–2 dl vatn
Handfylli fersk basilíka, gróft
söxuð
Nokkrar greinar af basilíku til
skrauts
Parmesanostur, til að rífa yfir
þegar rétturinn er borinn fram
500 g af spaghetti að eigin vali (1
pakki)
Byrjið á því að steikja nautahakkið
á pönnu án olíu. Setjið síðan ólífu-
olíu í góðan pott og setjið grænmet-
ið í pottinn og steikið þar til það
verður mjúkt. Síðan er tómötunum
bætt út í ásamt steikta hakkinu.
Kryddið með nýmöluðum
svörtum pipar, paprikukryddi og
tabasco, 4–5 dropar er mjög fínt.
Að lokum er ferskri grófsaxaðri
basilíku bætt út í eftir smekk. Látið
réttinn malla í um það bil tvær
klukkustundir, má vera skemur en
þessi réttur verður betri þeim mun
meiri tíma sem hann fær að malla
í pottinum. Gott er að hella örlitlu
vatni út í af og til, meðan við leyfum
réttinum að malla. Ef þið eigið góða
rauðvínsglögg er upplagt að bæta
því við og bragðið verður enn betra.
Þegar rétturinn er tilbúinn er
upplagt að sjóða spagettí og muna
að strá grófum saltflögum yfir
meðan það er að sjóða. n
Ítalskt á aðventunni
Spagettí Bolognese er uppáhalds-
réttur margra.
6 kynningarblað A L LT 16. desember 2022 FÖSTUDAGUR