Fréttablaðið - 16.12.2022, Qupperneq 34

Ástkær faðir okkar, tengdafaðir,
afi og langafi,
Sigurður Sigurðsson
læknir,
Bjarmalandi 13, Reykjavík,
lést föstudaginn 2. desember
á Hrafnistu Sléttuvegi. Útför hefur farið fram í kyrrþey
að ósk hins látna.
Jón Magni Sigurðsson Guðjóna Ásgrímsdóttir
Sigurður Pálmi Sigurðsson Anna Jóna Lýðsdóttir
Guðný Dóra Sigurðardóttir Georg Magnússon
Rannveig Sigurðardóttir Albert Páll Sigurðsson
Magndís María Sigurðardóttir Kjartan Steinsson
Ágúst Orri Sigurðsson Gerður Rún Guðlaugsdóttir
barnabörn og barnabarnabörn
Þökkum innilega öllum þeim sem
sýndu okkur samúð og hlýhug við
andlát og útför ástkærs eiginmanns
míns, föður okkar, tengdaföður og afa,
Böðvars Magnússonar
fv. bankaútibússtjóra,
Vogaseli 5, Reykjavík.
Sigrún Guðmundsdóttir
Magnús Böðvarsson
Ingibjörg Böðvarsdóttir
Jesús Loayza
Böðvar Manuel Loayza
Víctor Rúnar Loayza
Við þökkum samúð og hlýhug við
fráfall og útför
Guðfinnu Steinunnar
Bjarneyjar Sigurðardóttur
Þorleifur Jónsson Halldóra Andrésdóttir
Ómar Arnarson
Guðbjörg Ósk Jónsdóttir
Anna Lilja Jónsdóttir Brynjólfur Garðarsson
Þorbergur Hjalti Jónsson Helga Skúladóttir
og fjölskyldur
Ástkær sonur minn,
Ísak Ólafsson
sem lést 11. desember sl., verður
jarðsunginn frá Lindakirkju
20. desember kl. 15.00.
Fyrir hönd nánustu aðstandenda,
Guðbjörg Guðjónsdóttir
Pokémon-æðið sprakk út undir lok
síðustu aldar. Þau voru upphaflega
hönnuð fyrir Gameboy-tölvuleik og
dreifðu Pokémon, eða vasaskrímslin
eins og þau voru íslenskuð, sér eins og
eldur í sinu yfir á aðra miðla. Skrímslin
voru alls staðar og mátti sjá þau á
safnspilum, myndasögum, litabókum
og umbúðum þurrmatar.
Pokémon-æðið, sem má segja að
standi yfir enn þann dag í dag, var enn
í frumbernsku sinni árið 1997 þegar
upprunalegu teiknimyndirnar tengdar
skrímslunum voru sýndar í fyrsta sinn í
japönsku sjónvarpi.
Það var í þrítugasta og sjöunda
þætti teiknimyndaraðarinnar, þegar
rafhlaðna músin
Pik achu gefur frá
sér eldingu, sem
skjárinn blikkaði rautt og
hvítt, ótt og títt.
Senan hafði hræðileg
áhrif á hátt í sjö hundruð
japönsk börn. Einhver þeirra
féllu í yfirlið, önnur fundu
fyrir svima og ógleði og enn
önnur fengu flogakast.
Atvikið varð umdeilt í Jap-
an og hafði skammvinn áhrif
á velgengni æðisins þar í
landi. Þátturinn var í kjölfarið
tekinn úr umferð og hefur
aldrei verið sýndur í opinni
dagskrá, né gefinn út
síðan þá, þótt hægt sé
að nálgast senuna sem
olli öllum þessum usla í
sinni upphaflegu mynd
á vefnum. Þá hefur vasa-
skrímslið Porygon, sem
þátturinn umræddi var
nefndur eftir, heldur ekki sést
á skjánum í teiknimyndunum
síðan þá. n
Þetta gerðist: 16. desember 1997
Vasaskrímslin senda börn á spítala
Norræna húsið stendur fyrir dag­
skrá í dag þar sem lagt verður upp
með að skapa jólastund að hætti
Úkraínumanna.
arnartomas@frettabladid.is
Í dag fer fram í Norræna húsinu sér­
stök jólastund helguð Úkraínu þar sem
farið verður yfir hefðir frá mismunandi
svæðum landsins og bragðað á góm­
sætum jólabakstri. Þá verða sungin jóla­
lög undir spili úkraínska fiðluleikarans
Katerynu Mysechko sem hefur útbúið
sérstaka jóladagskrá. Yuliia Sapiga, sýn­
ingarstjóri og verkefnastjóri úkraínskra
verkefna hjá Norræna húsinu, segir
ýmislegt ólíkt með jólunum á Íslandi og
í Úkraínu.
„Fyrir jólin í Úkraínu er fjörutíu daga
fasta, sem stendur yfir frá 28. nóvem­
ber til 7. janúar,“ segir hún. „Við höldum
samt upp á aðalhátíðina 24. desember
alveg eins og Íslendingar. Samkvæmt
þjóðtrú er mikilvægt að þrífa húsið frá
toppi til táar fyrir hátíðina.“
Þegar kemur að jólamatnum er aðal­
hefðin sú að bornir séu fram tólf réttir,
einn fyrir hvern mánuð ársins.
„Réttirnir eru ólíkir milli svæða í
Úkraínu en fyrsti rétturinn er alltaf
kutia, sem er soðinn úr hveitikorni
eða byggi með hunangi og grænmeti,“
útskýrir Yuliia. „Upphaflega var réttur­
inn eins konar táknræn fórn fyrir mátt
guðs sem átti að veita ríkulega uppskeru
á komandi ári.“
Rétt eins og á Íslandi eru kerti mikil­
vægur hluti af jólunum.
„Við erum alltaf með kveikt á kerti á
borðinu sem lýsir fyrir minningu for­
feðra okkar.“
Eftir kvöldmatinn segir Yuliia svo að
gengið sé á milli húsa og sungið. Söng­
hópurinn gengur þar með stjörnu úr
gylltum pappír á priki sem tákni Betle­
hemsstjörnuna.
„Sönghóparnir þurfa að fá leyfi frá
húseigendum, en ef það fæst þá er sungið
og brugðið á leik,“ segir hún. „Gestgjaf­
arnir gefa þá söngvurunum góðgæti, svo
þetta er á vissan hátt svipað og hrekkja­
vakan hérna.“
Aðspurð hvort það séu einhverjar
vörur sem tengist jólunum sem sé erf­
itt að fá hér á landi er Yuliia ekki viss.
„Kannski hráefnin í kutia, en ég ætla
samt að reyna,“ segir hún.
Jólastundin í dag er hluti af við burða­
röð sem Yuliia segir ætlaða til þess að
skapa samstöðu með Úkraínufólki á
Íslandi.
„Á þessu ári höfum við haft þrjá fundi
í þessari röð. Á þeim fyrsta fengum við
til okkar sálfræðinga til að hjálpa fólki
að takast á við trauma stríðsins, annan
þar sem við ræddum við rithöfunda um
úkraínskar bókmenntir,“ útskýrir hún.
„Meginmarkmiðið er að skapa sterkt
samfélag af fólki frá Úkraínu hér og að
reyna að veita því tilfinninguna að það
sé komið heim.“
Jólastundin í dag hefst klukkan 15.30
og er fólk beðið að skrá sig í gegnum
hlekk á Facebook­síðu viðburðarins. n
Jólin í Úkraínu
Yuliia segir
kutia sérstak-
lega táknrænan
rétt fyrir jólin.
FRÉTTABLAÐIÐ/
GETTY
Yuliia hóf störf sem sýningarstjóri hjá Norræna húsinu í sumar. MYND/KRISTMUNDUR ELÍAS GISSURARSON
Við erum alltaf með
kveikt á kerti á borðinu
sem lýsir fyrir minningu
forfeðra okkar.
Yuliia Sapiha, sýningarstjóri og verk-
efnastjóri úkraínskra verkefna hjá
Norræna húsinu
1707 Eldgos í Fuji-fjalli í Japan sem hefur ekki gosið
síðan.
1916 Framsóknarflokkurinn er stofnaður.
1961 Bandaríski grínistinn Bill Hicks er fæddur.
1963 Kópavogskirkja er vígð af Sigurbirni Einarssyni
biskupi.
1991 Kasakstan fær sjálfstæði frá Sovétríkjunum.
1992 Þjóðarráð Tékklands samþykkir nýja stjórnarskrá
Tékklands.
2006 Fjölmenn mótmæli eiga sér stað á Nørrebro í Kaup-
mannahöfn eftir að lögregla hyggst ryðja félags-
miðstöðina Ungdomshuset.
2008 Jarðskjálfti upp á 4,2 á Richter ríður yfir Eyrarsund.
2009 Stjörnufræðingar uppgötva GJ 1214 b, fyrstu fjar-
reikistjörnuna þar sem vatn gæti fundist.
Merkisatburðir
Fuji
TÍMAMÓT FRÉTTABLAÐIÐ 16. desember 2022 FÖSTUDAGUR