Fréttablaðið - 16.12.2022, Page 16
Páll Sævar
Guðjónsson,
íþróttalýsandi
Hápunktur pílukasttíma
bilsins ár hvert á heimsvísu
hófst í gærkvöldi með upp
hafi heimsmeistaramótsins í
Alexandra Palace í Bretlandi.
Páll Sævar Guðjónsson lýsir
mótinu, sem hefur vakið
mikla lukku hjá Íslendingum
í gegnum árin, á Viaplay og
lofar frábærri skemmtun.
aron@frettabladid.is
PÍLA „Þetta er eitt stærsta mót sem
fram hefur farið í pílukasti,“ segir
Páll Sævar við Fréttablaðið. „Þarna
mæta til leiks þeir allra bestu í pílu
heiminum og auk þess hafa móts
haldarar nú verið að leggja mikla
vinnu í endurbætta sviðsmynd.
Hún hefur verið gerð litríkari svo
hún sé sjónvarpsvænni. Við getum
alveg bókað það að um er að ræða
eitt stærsta heimsmeistaramót sem
hefur farið fram í pílunni.“
Stórstjörnur pílukastsins mæta
til leiks og sem fyrr eru margir sem
gera tilkall til heimsmeistaratitils
ins.
„Við sjáum alltaf þessa stóru
hákarla í íþróttinni vera nefnda
þarna til sögunnar. Persónulega
þykir mér Hollendingurinn Mich
ael van Gerwen einna líklegastur til
afreka á mótinu. Hingað til á árinu
hefur hann unnið fjögur risamót,
Van Gerwen mætir því til leiks á
heimsmeistaramótið í fantaformi
eftir það sem mætti kalla erfitt síð
asta ár, 2021, fyrir hann.
Að sama skapi er Peter Wright
núna í sömu stöðu og Michael van
Gerwen var í fyrra, erfiðri stöðu.
Kona Peters hefur verið mjög veik
og hann þurfti meðal annars að
draga sig úr leik á einu móti um
daginn. Peter kemur því inn í heims
meistaramótið í ekki eins mikilli
leikhæfingu og Van Gerwen.“
Svo megi ekki, að mati Páls Sæv
ars, sofa á pílukösturum á borð
við Michael Smith, ungstirninu
Josh Rock sem keppir nú á sínu
fyrsta heimsmeistaramóti
sem og reynsluboltanum
Gerwyn Price.
Sprenging í áhuga
Íslendinga
Heimsmeistaramótið í
pílu hefur vakið mikla
lukku meðal íslensku þjóð
arinnar og á meðan
mótið stendur yfir
má oftar en ekki sjá
líf legar umræður á
samfélagsmiðlu m í
tengslum við það. Það
mætti segja að áhugi
Íslendinga á pílukasti hafi
tekið stökk upp á við þegar
byrjað var að sýna frá mót
inu á sínum tíma.
„Það varð bara sprenging í
íslensku pílukasti við það. Ég
lýsti fyrsta mótinu sem sýnt
var hér á landi fyrir þremur
árum síðan og þá mátti sjá
að allar píluvörur seldust
upp á augabragði.
Þegar verslanir á
borð við Hagkaup voru
farnar að selja pílu
vörur, þá staðfesti það
fyrir okkur hversu
mikill áhuginn á
pílukasti var orðinn
mikill hér á landi.“
Þá hafi tilkoma
pílukastsstaða hér
á landi ýtt undir
vinsældir íþróttar
innar. Nú sé að finna
pílukastfélög víðs vegar
um landið og nefnir Páll
Sævar sem dæmi félög sem eru
starfrækt á Hvammstanga, Norð
firði og Grenivík.
„Þessi félög hafa sprottið upp eins
og gorkúlur. Aðsóknin og áhuginn
er orðinn gígantískur.“
Sjálfur hefur Páll Sævar verið í
Hringja inn jólin með HM í pílukasti
kringum pílukast hér á landi síðan
árið 1989.
„Það var þá sem Píluvinafélag KR
var stofnað til þess að veita stuðning
við deildir félagsins. Ég er formaður
þess félags í dag og hef verið gutlari
í pílukastinu í allan þennan tíma.
Ég hef alltaf haft gríðarlegan áhuga
á pílukasti frá því að ég hóf vegferð
mína þarna árið 1989.“
Talið berst aftur að heimsmeist
aramótinu en Páll Sævar er þaul
reyndur lýsandi er kemur að pílu
kasti og vinnur hann mikla og góða
undirbúningsvinnu fyrir hvert mót.
„Ég er mikill grúskari og maður
getur fundið ógrynni af upplýsing
um um pílukast og keppendur á net
inu. Ég fylgist með mótum allt árið
um kring, þetta er svo skemmtilegt
og það liggur við að maður sé ein
hverfur þegar kemur að pílukasti.
Þegar maður er síðan mættur í
hljóðverið, kominn í stellingar og
situr með allar þessar upplýsingar
og lýsir herlegheitunum fyrir áhorf
endum er eins og eitthvað sérstakt
gerist. Stemningin verður svo
skemmtileg.“
Áhorfendur setja svip sinn á mótið
Það er ávallt mikið fjör í Alexandra
Palace í Bretlandi þegar Heimsmeist
aramótið í pílukasti fer þar fram og
áhorfendur setja skemmtilegan svip
á mótið og stemninguna í höllinni.
„Fólk mætir þarna í alls konar
búningum og stemningin þarna í
höllinni er hreint út sagt ótrúleg.
Þá er svo magnað að segja frá því
að um 30 prósent af áhorfendum
á hverjum einasta keppnisdegi eru
Hollendingar. Þeir fylgja sínum
kösturum eftir og eiga svo ótrúlega
góða pílukastara, þetta setur góðan
svip á mótið.“
Fullkomin tímasetning
Segja má að Heimsmeistaramótið í
pílukasti komi á fullkomnum tíma
punkti fyrir íþróttaþyrsta áhorf
endur. HM í knattspyrnu er á loka
metrunum, pílukastið tekur við og
í janúar hefst síðan HM í handbolta.
„Þetta er allt útpælt hjá Pílusam
tökunum, að hafa mótið á þessum
tíma, því það eru engir aðrir stór
viðburðir í íþróttaheiminum að eiga
sér stað á sama tíma. Athyglin er öll
á Heimsmeistaramótinu í pílukasti.“
Jólin koma sama hvað
Mótið stendur yfir alveg fram í
janúar á næsta ári og Páll Sævar er
því meira og minna fastur í hljóð
veri að lýsa mótinu fram að og eftir
jól. Hann hefur því gert ráðstafanir
í jólaundirbúningnum.
„Ég er búinn að gera það. Jólin
verða bara afskaplega þægileg og
góð hjá mér. Börnin mín verða
erlendis með móður sinni og það
er yndislegt að vita af þeim þar. Það
hentar mér því ágætlega að taka
þetta mót og lýsa því af kostgæfni.
Ég er fullur tilhlökkunar því þetta
mót verður eitthvað annað. Það er
allt klárt fyrir jólin og jólin koma
alveg sama hvað maður gerir.“ n
TILVALIN JÓLAGJÖF
FYRIR ÁHUGAFÓLK UM ÞJÓÐMÁL
„Örugglega besta bók sem ég hef lesið
um íslensk stjórnmál.“ – Frosti Sigurjónsson
„Sá sem ætlar að standa undir sæmdarheitinu
jafn aðar maður, sósíalisti, kemst einfaldlega
ekki hjá því að hugsa og helst af öllu þarf hann
að hugsa skýrt. Það er gert í þessari bók.“ –
Ólafur Þ. Jónsson
„Skyldulesning fyrir allt áhugafólk um
stjórnmál.“ – Þorsteinn Siglaugsson
„Afar vönduð og vel skrifuð bók; minn
ingarnar, mann lýsingarnar, málefnin,
hugsjónirnar.“ – Karl Sigurbjörnsson
„Frábær bók . . . einlæg og Ögmundur
trúr sér að venju.“ – Níels Árni Lund
14 Íþróttir 16. desember 2022 FÖSTUDAGURÍÞRÓTTIR FRÉTTABLAÐIÐ 16. desember 2022 FÖSTUDAGUR