Morgunblaðið - 17.12.2022, Qupperneq 41

Upplýsingaver opið:
Mán.-fim. 9:00-15:30. Fös. 9:00-14:00
Spennandi sérfræðistörf
á sviði skatteftirlits og skattrannsókna
Skatturinn leitar að öflugum liðsauka til starfa á starfsstöð
Skattsins í Reykjavík og til að slást í hóp skemmtilegra
starfsmanna á eftirlits- og rannsóknasviði.
Við störf eftirlits- og rannsóknasviðs er lögð áhersla á
fagmennsku í öllum verkum. Allar aðgerðir sviðsins miða
að því að styrkja tekjuöflun hins opinbera, fyrirbyggja og
upplýsa skattundanskot og önnur brot á skattframkvæmd
auk þess að stuðla að upprætingu peningaþvættis og fjár-
mögnunar hryðjuverka. Við öflugt skatteftirlit og -rannsóknir
er áhersla lögð á að nýta nýjustu tækni á hverjum tíma,
þ. á m. gagnagrunna, gervigreind og stafrænar lausnir.
Helstu verkefni sviðsins felast í úrvinnslu eftirlits- og
rannsóknaverkefna þar sem til skoðunar eru möguleg
skattundanskot eða önnur skattalagabrot, einstaklinga og
lögaðila. Enn fremur endurákvörðun opinberra gjalda þegar
við á og beiting viðurlaga vegna upplýstra brota.
Í boði eru stöður sérfræðings í áhættugreiningu og
-mati, sérfræðings í milliverðlagningu og sérfræðings í
skattrannsóknummeð áherslu á skattundanskot tengd
peningaþvætti. Starfshlutfall er 100%.
Sérfræðingur í áhættugreiningu og -mati
Helstu verkefni
Þróun áhættugreiningar, -mats og -stjórnunar
við skatteftirlit og skattrannsóknir.
Mótun stefnu, stýringa og verkferla byggða
á áhættumati.
Samskipti og samvinna við sérfræðinga þvert á svið
Skattsins, þ. á m. við gagnavísindateymi þess.
Samskipti við erlend skattyfirvöld vegna áhættu-
greiningar og -mats.
Kröfur til menntunar og reynslu
Viðeigandi háskólamenntun, t.d. á sviði verkfræði,
tölvunarfræði eða viðskiptafræði (lágmark er B.S./B.A.
gráða en meistaragráða er æskileg).
Þekking og reynsla af áhættugreiningu, -mati og
-stjórnun er nauðsynleg.
Þekking og reynsla á almennri skattframkvæmd og
málsmeðferð er æskileg.
Þekking og reynsla af verkefnastjórnun er kostur.
Sérfræðingur í milliverðlagningu
Helstu verkefni
Eftirlit með viðskiptum tengdra lögaðila yfir landamæri.
Greining og mat á óeðlilegri verðlagningu í viðskiptum
skjölunarskyldra lögaðila.
Annast málsmeðferð í ágreiningsmálum.
Kröfur til menntunar og reynslu
Viðeigandi háskólamenntun, t.d. á sviði reikningsskila,
hagfræði eða lögfræði (lágmark er B.S./B.A. gráða en
meistaragráða er æskileg).
Þekking og reynsla á almennri skattframkvæmd
og málsmeðferð er nauðsynleg.
Þekking og reynsla á sviði reiknings- eða skattskila
er nauðsynleg.
Sérfræðingur í skattrannsóknum
tengdum peningaþvætti
Helstu verkefni
Rannsókn ætlaðra skattundanskota og annarra
skattalagabrota.
Þátttaka í rannsóknaraðgerðum, þ. á m. húsleitum og
skýrslutökum.
Annast málsmeðferð, þ. á m. gagna- og upplýsingaöflun.
Ritun skýrslna um framkvæmd og niðurstöður rannsókna.
Kröfur til menntunar og reynslu
Viðeigandi háskólamenntun sem nýtist í starfi, t.d. á sviði
viðskiptafræði, lögfræði eða hagfræði (lágmark er B.S./B.A.
gráða en meistaragráða er æskileg).
Þekking og reynsla á almennri skattframkvæmd og
málsmeðferð er æskileg.
Þekking og reynsla á sviði stjórnsýsluréttar og refsiréttar
er kostur.
Þekking og reynsla á svið laga og reglna er varða peninga-
þvætti og fjármögnun hryðjuverka er kostur.
Almennar kröfur um hæfni til starfanna
Gott vald á íslensku í töluðu og rituðu máli er skilyrði,
önnur tungumálakunnátta er kostur.
Góð greiningarhæfni.
Lipurð og færni í mannlegum samskiptum.
Öguð, nákvæm og sjálfstæð vinnubrögð.
Frumkvæði, metnaður og geta til að vinna undir álagi.
Jákvæðni og rík þjónustulund.
Samstarfshæfni sem og reynsla og færni af teymisvinnu.
Góð almenn tölvukunnátta.
Hreint sakavottorð.
Sótt er um störfin á skatturinn.is eða starfatorg.is. Ferilskrá
þarf að fylgja, auk kynningarbréfs með upplýsingum um
menntun, fyrri störf, umsagnaraðila o.fl. sem máli skiptir
svo að umsókn teljist fullnægjandi. Umsækjendum um
störf hjá Skattinum kann að vera gert að leysa verkefni í
ráðningarferlinu sem kæmu, auk annarra þátta, heildstætt
inn í mat á hæfni þeirra til viðkomandi starfa. Laun eru
samkvæmt gildandi kjarasamningi sem fjármála- og efna-
hagsráðherra og viðkomandi stéttarfélag hafa gert.
Nánari upplýsingar um störfin veitir
Bryndís Kristjánsdóttir í síma 442-1000 eða í tölvupósti á
bryndis.kristjansdottir@skatturinn.is
Umsóknarfrestur er til og með 2. janúar 2023 og verður
öllum umsóknum svarað þegar ákvörðun hefur verið tekin
um ráðningar. Skatturinn hvetur fólk af öllum kynjum til
að sækja um störfin.
Gildi skattsins eru fagmennska, framsækni og samvinna og eru
þau ávallt höfð til viðmiðunar við ráðningar í störf hjá Skattinum.
MORGUNBLAÐIÐ LAUGARDAGUR 17. DESEMBER 2022 41