Borgfirðingabók - 01.12.2016, Page 87

87
B O R G F I R Ð I N G A B Ó K 2016
Árið 1941 hefur afi flesta gripi á fóðrum, bústofnin er þá: Tvær kýr, 24
ær, 4 gemlingar, 1 hrútur og 1 hross. Það er gaman að segja frá því að í
forðagæsluskýrslunum var gefinn vitnisburður um fóðrun og hirðingu
og var einkunnaskalinn frá 0-6. Oftast var vitnisburður afa 5 eða 6 en
fór þó einu sinni niður í 4,5.
Skepnurnar voru að mestu leyti fóðraðar á útheyi og bjuggu þau afi
og amma einhverjar vikur í tjaldi á hverju sumri og voru við heyskap á
Hvítárvallaengjum. Ég var svo heppin að komast í samband við Sigur jón
Gunnarsson sem var vikadrengur hjá þeim í nokkur sumur, þá á aldr-
inum níu til tólf ára. Sigurjón sagðist eiga góðar minningar frá þessum
tíma og voru gömlu hjónin honum afskaplega notaleg. Hann segir afa
hafa verið mikinn sláttumann og útbjó hann fyrir drenginn passlegt orf
og kenndi honum að slá. Stóðu þeir karlmennirnir báðir við slátt en
amma rakaði. Seinna þegar Sigurjón var orðinn fullorðinn maður réði
hann sig í kaupavinnu á stórbýli í Borgarfirði. Áður en hann fór í vistina
heimsótti hann sinn gamla læriföður og fékk hjá honum æfingu í réttu
handtökunum við sláttinn og tilsögn í að brýna. Átti það eftir að koma
sér vel. Sigurjón segir ömmu hafa verið mjög hlýja og góða mann eskju
og oft hafi hann sem drengur komið við á Klöppinni og fengið mjólk og
kökubita. Hann tók sérstaklega fram hvað hann hefði orðið undrandi
þegar honum var sagt að Úlfar væri ekki sonur hennar. Sá gamli átti það
nefnilega til að lesa syni sínum pistilinn og bar hún þá jafnan blak af
honum.
Haustið 1945 er bústofninn á Klöpp aðeins fáeinar ær. Ég veit vel hvað
varð um kúna því sama ár hófu foreldrar mínir búskap á Lundi. Við
þeirra bústofn bættust þá kýrin Rauðka og kvígan Laufa, mikilar happa-
skepnur sem komu frá afa og ömmu. Raunar var búskapnum á Klöpp
sjálfhætt um þessar mundir, eftir að ákveðið var að byggja nýjan barna-
skóla á svokölluðu Svarfhólstúni en innan þess svæðis var Klöpp. Mats-
menn voru kallaðir til og húsið og lóðin sem var 1670 fermetrar metið
á 4.975 krónur. Tók afi þessu tilboði hreppsins, útihúsin voru rifin en
íbúðarhúsið á Klöppinni fékk að standa áfram.
Sögur af afa hafa verið rúmfrekar í þessum pistil, en af störfum ömmu
segir fátt eins og löngum hefur verið hlutskipti kvenna. Ég luma þó á
frásögn sem gefur svolitla mynd af henni og raunar þeim báðum.
Frænkur mínar, Jónína og Sigrún dætur Jóhönnu föðursystur minn ar
sýndu mér einu sinni litla komóðu sem smíðuð var af hagleiksmannin um