Borgfirðingabók - 01.12.2016, Blaðsíða 89

89
B O R G F I R Ð I N G A B Ó K 2016
verið sagt að hann hafi setið á rúmi sínu og verið að klæða sig í sokkana
þegar kallið kom. Hann var þá sjötíu og þriggja ára gamall.
Þessi pistill getur engan veginn talist góð sagnfræðileg úttekt á lífi
þeirra Ingveldar og Þorkels, til þess vantar mig bæði kunnáttu og eins
að gang að kirkjubókum og skjölum sem ég hef ekki haft tök á að nálg-
ast. Margir lögðu mér lið og mér fannst gott að heyra hvað eldri Borg-
nes ingar sem ég hafði samband við í leit að upplýsingum gáfu þeim
hjónum góðan vitnisburð. Þá vil ég þakka einum úr frændliðinu, Arn-
þóri Gunn arssyni, sagn fræðingi, fyrir ómetanlega hjálp en hann fór fyrir
mig á Þjóð skjala safnið og skráði þar upplýsingar úr manntölum. Hann
kíkti líka aðeins í kirkjubækur en þar er oft að finna ýmsar klásúlur
um kunnáttu og hegðun sóknarbarna. Þar var lítið að sjá en á einum
stað fengu þó börn þeirra Ingveldar og Þorkels þá umsögn að þau væru
„skikk anleg“. Vonandi tekst okkur afkomendunum þeirra að halda því
merki á lofti.
EFTIRMÁLI
Þetta greinarkorn kemur hér fyrir sjónir lesenda nánast óbreytt frá því að
það var flutt á ættarmótinu. Til að byrja með var ég fremur hikandi að láta
það til birtingar í Borgfirðingabók, en eftir að Árni Guðmundsson frá
Beigalda hafði lesið það yfir og hvatt mig til að koma því á framfæri ákvað
ég að láta slag standa. Þar sem ég er búsett austur á Egilsstöðum var engan
vegin auðvelt fyrir mig að afla upplýsinga. Bækur eins og Borgfirzkar
æviskrár og Niðjatal Hallgríms Péturssonar voru þó í seilingar fjarlægð.
Mikill fengur var að komast í samband við þá Helga Jónas Ólafsson
og Sigurjón Gunnarsson sem fræddu mig um margt og minn gamli
læri faðir, Snorri Þorsteinsson frá upphafi skólagöngu minnar í farskóla í
Þver ár hlíð, var mér betri en enginn. Frá honum fékk ég upplýsingar úr
forða gæsluskýrslum og um kaup og sölu húseignarinnar Klappar. Áður
hef ég getið Arnþórs Gunnarssonar, sagnfræðings. Myndirnar í greininni
eru allar úr myndasyrpu sem safnað var fyrir ættarmótið til sýningar og
vann Fanney Einarsdóttir prentsmiður að gerð hennar.