Borgfirðingabók - 01.12.2016, Blaðsíða 99

99
B O R G F I R Ð I N G A B Ó K 2016
sem pabbi minntist oft á síðar. Pabbi lagði sig og sofnaði strax og svaf í
hálfan klukkutíma og það einkennilega var að þegar hann vaknaði fannst
honum hann vera alveg óþreyttur. En Herdís gat ekki sofnað, hefur hún
eflaust verið með hugann hjá mömmu. Sigmundur hafði til hest handa
Herdísi á meðan, gráan, traustan og góðan, því að hestarnir sem pabbi
var með voru orðnir þreyttir. Lögðu þau síðan af stað og Sigmundur
með þeim, var þá heldur að lægja enda komið fram um miðnætti. Gekk
þeim vel heim að Álftártungu, voru samt um tvo klukkutíma sem er um
hálftíma reið eða varla það við sæmilegar aðstæður.
Víkur nú sögunni að Álftá og
Álft ártungu. Eins og fyrr segir
vissi Þorkell á Álftá um ferðir
pabba og var hann mjög uggandi
um hans för. Þá var á Álftá Jónas
Þor valdsson, bróðir mömmu,
sem var kennari þar. Þegar leið
á kvöld ið var heimafólk á Álftá
vak ið upp af hundi. Var þar kom-
inn smala hundur pabba sem hét
Lappi, og fylgdi honum ævinlega.
Hafði hundurinn orðið viðskila
við pabba, þegar hann ætlaði að
reyna að finna afleggjarann heim
að Álftá, en Lappi rataði og þó
hann væri hálfgerður hvolpur og
ekki farið að sýna honum eins
mik ið traust þá eins og seinna
varð. Gátu Jónas og Þorkell lokkað Lappa inn og beðið meðan veðrinu
slotaði svolítð. Þá lögðu þeir af stað gangandi suður að Álftártungu.
Þegar þeir komu á móts við litla kofann okkar sjá þeir ljós í glugganum
og Herdísi. Urðu þeir mjög fegnir við þessa sjón, því þeir bjuggust ekki
við að þeir myndu sjá Herdísi og pabba á lífi. En heima í Álftátungu leið
þessi dagur heldur hægt og fórum við Gróa systir að gráta af hræðslu.
Við vorum svo hræddar um pabba úti í vonda veðrinu en mamma sagði
okkur að leggjast upp í rúm og biðja Guð að hjálpa pabba að rata og
gefa honum þrek til að komast heim og gerðum við það í fullu trúnaðar-
trausti sjö ára barna. Mamma fór fljótlega í rúmið eftir að pabbi fór.
Hjónin í Álftártungu þau Sesselja Þor­
valds dóttir og Guðmundur Árnason.
Mynd in er tekin árið 1941.