Fréttablaðið - 01.02.2023, Blaðsíða 13

Upphafsálagningu fasteignagjalda
í Bláskógabyggð er nú lokið fyrir árið 2023
Sveitarfélagið Bláskógabyggð hefur lokið upphafsálagninu vegna ársins
2023. Álagningarseðlar eru ekki sendir út í bréfapósti en hægt er að
nálgast þá á heimasíðunni www.island.is en þar eru þeir aðgengilegir í
pósthólfi á „Mínar síður“. Innskráning á ,,Mínar síður“ er með
rafrænum skilríkjum.
Greiðsluseðlar eru ekki sendir út nema þess sé sérstaklega óskað
en kröfur vegna fasteignagjalda koma inn í heimabanka viðkomandi
gjaldanda og birtast þar.
Allar nánari upplýsingar um álagningarreglur Bláskógabyggðar má f
inna inni á heimasíðu Bláskógabyggðar, www.blaskogabyggd.is.
Eldri borgurum og öryrkjum með lögheimili í Bláskógabyggð er sérstak-
lega bent á að skoða sinn rétt varðandi afslátt af fasteignagjöldum og
bent á að kynna sér samþykkt um tekjuviðmið, sem er um afsláttarreglur.
Þeim sem óska frekari upplýsinga um álagninguna er bent á að hafa
samband við Sigríði Emilíu Eiríksdóttur, skrifstofu Bláskógabyggðar í
síma: 480-3000 (mánudaga – fimmtudaga frá kl. 9 -12 og 13 – 15 en
föstudaga frá kl. 9 – 12, eða í netfang: emma@blaskogabyggd.is.
Bláskógabyggð
Álagning
fasteignagjalda 2023
FRÉTTAVAKTIN
KL. 18.30 ALLA VIRKA DAGA
Fréttaumfjöllun fyrir alla
í opinni dagskrá á virkum
dögum á Hringbraut og
frettabladid.is
Enn eina ferðina er íslensk þjóð að
fá alvarlega ofanígjöf erlendis frá
fyrir að vera úr takti við almennt
viðurkennd mannréttindi. Í þetta
sinn – og langt í frá í fyrsta sinn – eru
það lögregluyfirvöld og íslenskir
dómstólar sem fá á baukinn og
ekki verður annað séð en að bæði
ríkisvaldið og hið svokallaða fjórða
vald fjölmiðlanna hafi alla tíð sett
kíkinn fyrir blinda augað. Amnesty
International hefur að lokinni ítar-
legri skoðun gefið út það álit sitt að
á Íslandi sé einangrun í gæsluvarð-
haldi beitt sem vísvitandi pyntingar-
tæki. Það sem ekki er einungis látið
viðgangast hér á landi heldur bein-
línis stundað er t.d. með öllu bannað
í Bretlandi og lágmarkað með öllum
tiltækum ráðum í í öðrum viðmið-
unarlöndum okkar. Hjá okkur, „góða
fólkinu á Íslandi“, er hins vegar hefð
fyrir því, nánast samofið lögreglu-
menningu okkar, að halda fólki í
slíkri einangrun ekki bara dögum
saman heldur oft og tíðum vikum
eða jafnvel mánuðum saman.
Álitsgjöf Amnesty Internatio-
nal um vinnubrögð lögreglunnar
og sjálfvirkar undirtektir dóms-
valdsins þegar um einangrunar-
vist gæsluvarðhaldsfanga er að
ræða er enn eitt áfallið fyrir það
góða og kærleiksríka samfélag
sem við viljum ávallt trúa að við
höfum byggt upp á Íslandi. Við
hikum ekki við að úrskurða börn
í einungrunarvist og af því að hér
er ekkert kvennafangelsi eru konur
látnar dúsa árum saman í fangelsi á
Hólmsheiði við aðstæður sem jafn-
vel hörðustu karlar brotna undan
á örfáum vikum. Við látum gæslu-
varðhaldsfanga vera án nokkurs
samneytis við fólk og án annars
útsýnis en í besta falli eingöngu
til himins svo vikum og jafnvel
mánuðum skiptir. Um er að ræða
skýr mannréttindabrot skv. sátt-
mála Evrópusambandsins sem við
höfum undirgengist án skilyrða en
þverbrjótum margsinnis í hverjum
mánuði. Brotavilji lögreglunnar er
einbeittur, meðvirkni dómstól-
anna algjör, þegjandi samþykki
stjórnvalda æpandi og aðhald fjöl-
miðla ekkert.
P y nt i nga nef nd Sa mei nuðu
þjóðanna lokaði fangelsi okkar við
Skólavörðustíg eftir að hafa marg-
sinnis veitt okkur undanþágu.
Mannréttindadómstóll Evrópu
hefur ítrekað gert íslenska dómstóla
afturreka með úrskurði sína. Lög-
reglan hefur aldrei látið sér segjast
þegar hún hefur verið gagnrýnd
fyrir harkalega framgöngu hvað
gæsluvarðhaldsúrskurði varðar.
Við vitum um þessar brotalamir
en gerum ekkert í þeim. Hvenær
breytist það?
Skýrsla Amnesty International
er að mínu viti afar vönduð. Til
viðbótar við að draga upp mynd
af grafalvarlegu ástandi á Íslandi
gerir hún líka góða grein fyrir því
hve stór ákvörðun það er að taka
frá fólki öll bjargráð með því að
aftengja það með öllu frá sam-
skiptum við annað fólk, aðgengi að
hvers kyns fjölmiðlum, a.m.k. lág-
markstengingu við náttúru o.s.frv.
Ýmis vægari úrræði eru til staðar
ef verja þarf rannsóknarhagsmuni
og er einnig gerð grein fyrir þeim í
skýrslunni.
Í hnotskurn blasir það við að
íslenska réttarríkið brýtur alla
daga ársins mannréttindi á mikl-
um fjölda fólks. Við göngum miklu
harðar fram á ýmsum sviðum en
nágrannaþjóðir okkar myndu
nokkurn tíma líða. Við erum í
þessum efnum eins og svo mörgum
öðrum langt á eftir mörgum þeirra
samfélaga sem við viljum miða
okkur við og teljum okkur jafnvel
trú um að við stöndum jafnfætis.
Svo er því miður ekki í þessu tilviki.
Langt í frá. n
Íslenskar pyntingar
Steinbergur
Finnbogason
lögmaður
Milljónir manna um allan heim
dreymir um að ferðast til Íslands.
Orðspor landsins hefur dreifst um
allar heimsálfur og er náttúra lands-
ins og menningarminjar eitt helsta
aðdráttaraf l ferðaþjónustunnar.
Ferðamönnum hefur fjölgað hratt
síðustu árin og ferðaþjónustan
hefur náð þeim stað að verða ein
af okkar stærstu atvinnugreinum.
Þá er Ísland í þeirri stöðu umfram
margar aðrar þjóðir að ferðaþjón-
ustan er aftur komin á fullt skrið
eftir heimsfaraldur. Því má meðal
annars þakka aðgerðum stjórn-
valda við heimsfaraldri Covid-19
en einnig seiglu og dugnaði þeirra
fyrirtækja og starfsmanna sem hér
starfa. Ferðaþjónusta á Íslandi hefur
öll tækifæri til þess að halda áfram
að vaxa og dafna en aðeins ef rétt er
staðið að málum.
En hvað með íslenskuna?
Í allri umræðu um náttúru landsins
og uppbyggingu ferðamannastaða
megum við þó ekki gleyma einu af
okkar aðalsmerkjum, íslenskunni,
en Ísland er áhugavert land m.a.
vegna hennar. Ef við glötum íslensk-
unni mun bæði hljómur og ásýnd
landsins breytast. Því miður hefur
það verið tilhneiging síðustu ár að
enskan hafi tekið yfir sem tungu-
mál ferðaþjónustunnar. Æ f leiri
fyrirtæki bera ensk nöfn og ensku-
væðing á skiltum víðs vegar um
land er orðin mjög áberandi. Hér
þarf sameiginlegt átak stjórnvalda,
sveitarfélaga og ferðaþjónustuaðila
til að færa þróunina til betri vegar.
Leyfum ferðamönnum að sjá og lesa
íslenskuna, það er upplifun til jafns
við náttúru og menningu landsins.
Trú á verkefnum og fjárfestingar
Víða um land er kallað eftir aukinni
fjárfestingu, sér í lagi á landsbyggð-
inni. Á sama tíma er takmarkað
aðgengi að lánveitingum til fjár-
festinga í ferðaþjónustu, sem er
áhyggjuefni og mikilvægt að bregð-
ast við með einhverjum hætti. Þörf
er á gistirýmum í hærri gæðum og
seglum á svæði, t.d. fyrir austan og
vestan og ljóst er að ekki er hægt að
ráðast í slíkt án fjármagns. Fjárfestar
verða að hafa trú á verkefnum og því
þarf að tryggja með betri hætti nýt-
ingu um allt land, allt árið um kring.
Gjaldtaka
Þá kallar fjölgun ferðamanna á
aðgerðir af okkar hálfu, sér í lagi
ef við ætlum að ná markmiðum
okkar um ferðaþjónustu á lands-
byggðinni allt árið um kring. Fram-
lög til ferðaþjónustunnar eru ekki
há í samanburði við margar aðrar
greinar, þrátt fyrir að hér sé um að
ræða eina af okkar mikilvægustu
atvinnugreinum. Við þurfum að
gæta þess að náttúra landsins,
auðlind ferðaþjónustunnar, verði
ekki fyrir of miklum ágangi og
tapi þannig sérstöðu sinni. Það er
því óumf lýjanlegt, ef við ætlum
að byggja hér upp af meiri gæðum
til framtíðar, að taka umræðu um
gjaldtöku í ferðaþjónustu af meiri
festu. Á sama tíma er þó mikilvægt
að gera það í samráði við alla hagað-
ila og gæta þess að ferðaþjónustan
hafi gott svigrúm til þess að koma
auknum gjöldum inn í verðskrár
enda eru þær ákvarðaðar langt fram
í tímann. Með góðum innviðum og
áhugaverðum seglum bætum við
sérstöðu okkar og um leið sérstöðu
landsins. Þannig tryggjum við betur
ásýnd og framtíð ferðaþjónustu á
Íslandi. n
Ásýnd Íslands og sérstaða
Ingibjörg Isaksen
fyrsti þingmaður
Norðausturkjör-
dæmis og þing-
flokksformaður
Framsóknar
FRÉTTABLAÐIÐ SKOÐUN 131. FEBRÚAR 2023
MIÐVIKUDAGUR