Fréttablaðið - 10.03.2023, Blaðsíða 2

Loksins komið að því
Smámunasafninu í Eyja-
fjarðarsveit, sem vakið hefur
athygli á heimsvísu, er borgið
að minnsta kosti næsta ára-
tuginn – og þarf ekki einu
sinni að borga leigu fyrir
afnotin af gamla félagsheimil-
inu Sólgarði.
ser@frettabladid.is
MENNING Hjónin Kolbrún Ingólfs-
dóttir og Kristján Vilhelmsson, sem
gjarnan eru kennd við sjávarútvegs-
fyrirtækið Samherja, hafa keypt
félagsheimilið Sólgarð í Eyjafjarðar-
sveit, en það hefur hýst Smámuna-
safn Sverris heitins Hermannssonar
um árabil.
Með kaupunum er framtíð safns-
ins tryggð, en óvissa ríkti um afdrif
þess eftir að stjórn sveitarfélagsins
afréð að setja húsnæðið á sölu til
að afla fjár í reksturinn, en það er
meðal annars að reisa nýjan leik-
skóla í Eyjafjarðarsveit sem kostar
sitt.
„Við fundum til okkar ábyrgðar
sem íbúar í sveitinni,“ segir Krist-
ján, en þau Kolbrún keyptu þar jörð
fyrir hálfum öðrum áratug, norðan
við kirkjuplássið Grund, þar sem
heitir Hólshús, og hafa reist sér ein-
býlishús á landinu.
Sólgarður stendur í gamla Saur-
bæjarhreppi, en eftir að hann
sameinaðist Hrafnagilshreppi og
Öngulsstaðahreppi, hinum fram-
hreppunum í botni Eyjafjarðar og
til varð Eyjafjarðarsveit, var nokkuð
ljóst að tilvist félagsheimilisins í Sól-
garði í sinni gamalkunnu mynd yrði
tvísýn.
„Sveitarfélagið hefur lengi viljað
losa sig við þessa eign,“ segir Krist-
ján, en fyrir vikið hafi margir óttast
um örlög Smámunasafnsins – og
ekki að ástæðulausu, því á tímabili
var talað um að pakka því niður í
gáma og koma fyrir á geymslusvæði.
„Þetta er einstakt safn,“ minnir
Kristján á – og það geta fleiri stað-
fest, því það hefur raunar vakið
heimsathygli. Skemmst er frá því
að segja að leikkonan og leikstjór-
inn Jodie Foster sótti safnið heim
meðan tökur á þáttaröð hennar,
True Detective, stóðu yfir í Eyjafirði.
„Allt safnið sýnir í raun ævistarf
þessa merka handverksmanns sem
Sverrir smiður Hermannsson var,
en hann vann lengst af við að gera
upp gömul hús og henti, að sögn,
engu sem hann handlék,“ segir
Kristján.
„Safnið verður áfram í forsjá
sveitarfélagsins og eftir atvikum
áhugasamra einstaklinga sem vilja
leggja því lið,“ bendir Kristján á, en
þau hjónin hafa afráðið að safnið
fái að vera í húsinu, leigulaust, að
minnsta kosti næsta áratuginn.
„Svo er þarna íbúð sem verður
áfram til útleigu og í hinum enda
hússins hefur kvenfélagið í sveit-
inni verið með afdrep – og það er
engin ástæða til að breyta því,“
segir  Kristján Vilhelmsson sem
segist að lokum, aðspurður, ekki
hafa hugsað sér að verða húsvörður
í Sólgarði þegar fram líða stundir. n
Samherjahjónin til bjargar
Smámunasafninu í Sólgarði
Kolbrún Ingólfsdóttir og Kristján Vilhelmsson búa í Hólshúsum í Eyjafjarðar­
sveit og hafa nú keypt gamla félagsheimilið í sveitinni sinni. MYNDIR/AÐSEND
Leikstjórinn og leikkonan Jodie
Foster heimsótti Smámunasafnið
fyrr á árinu og sést hér ásamt safn­
stýrunni Sigríði Rósu Sigurðardóttur.
VEIÐIN
FÖSTUDAGA KL. 20.00
Veiðimaðurinn Gunnar Bender býður
landsmönnum í veiðiferð á Hringbraut.
ragnarjon@frettabladid.is
LÖGGÆSLA Til stendur að bæta við
áttatíu nýjum stöðugildum innan
lögreglunnar á Íslandi en þessar
breytingar voru kynntar í gær á
sameiginlegum upplýsingafundi
dómsmálaráðuneytisins og lög-
reglunnar.
„Okkur líst mjög vel á þessar
breytingar,“ segir Fjölnir Sæmunds-
son, formaður Landssambands lög-
reglumanna, en hann var viðstadd-
ur upplýsingafundinn í gær. „Flest
sem var sagt þarna var mjög í anda
okkar stefnu og þess sem við höfum
verið tala um undanfarna mánuði.“
Fjölnir segir það sérstaklega
jákvætt að til standi að fjölga lög-
reglumönnum á landsbyggðinni.
„Þar sem lögreglumenn þurfa oft að
vera einir á vakt og langt er á milli
staða,“ segir hann. „Auðvitað fögn-
um við allri viðbót við löggæslu.“
Til stendur að helmingi fleiri lög-
reglumenn verði útskrifaðir úr lög-
regluskólanum á næstu árum og
bendir Fjölnir á að námið sé orðið
sérhæfðara og betra. „Þetta er orðið
mikið sérfræðistarf og fólk hefur í
raun fjölbreytta starfsmöguleika
innan lögreglunnar.“ n
Fagna fjölgun
lögregluþjóna
Fjölnir
Sæmunds­
son, formaður
Landssambands
lögreglumanna
Opnað var á skíðasvæðinu í Bláfjöllum í gær eftir að lokað hafði verið í sextán daga. Snjó hafði verið verið blásið og ekið í brekkur. Einar Bjarnason, rekstrar­
stjóri svæðisins, sagði aðsóknina í gær hafa verið rólega eins og jafnan eftir langa lokun. Útlit sé fyrir að hægt verði að halda áfram opnu þótt skíðafólk þurfi
að klæða af sér brunagadd. „Þetta lítur vel út næstu daga,“ sagði Einar. FRÉTTABLAÐIÐ/ANTON BRINK
mhj@frettabladid.is
HEILBRIGÐISMÁL Streptókokkar
og aðrar pestir herja á landsmenn
um þessar mundir og segir Sigríður
Dóra Magnúsdóttir, framkvæmda-
stjóri lækninga hjá Heilsugæslu
höfuðborgarsvæðisins, álagið á
heilsugæslunni mikið.
„Þetta hefur auðvitað áhrif á
aðra starfsemi. Það er mikið álag á
vaktþjónustunni,“ segir Sigríður og
bætir við að ef álagið haldi áfram
muni það hafa áhrif á bókaða tíma
og hefðbundið eftirlit. „Við erum að
hafa áhyggjur af því.“
Þrátt fyrir álagið hvetur hún alla
með einkenni til að fara á heilsu-
gæsluna. „Ef fólk er lasið, en það
er ágætt að undirstrika að ef fólk
er ekki lasið þá á það ekki koma.“
Spurð um hvort óvenju mikið sé af
pestum nú í marsmánuði miðað
við síðustu ár segir hún tilfinning-
una vera þannig. „Ég er ekki með
tölurnar á því en tilfinningin er
sú. Það er náttúrulega enn þá bara
brunagaddur. Okkur finnst ekkert
lát vera á,“ segir Sigríður. n
Fólk sem er ekki lasið mæti ekki á
heilsugæslu segir framkvæmdastjóri
Sigríður Dóra
Magnúsdóttir,
framkvæmda­
stjóri lækninga
á Heilsugæslu
höfuðborgar­
svæðisins
2 FRÉTTIR FRÉTTABLAÐIÐ 10. MARS 2023
FÖSTUDAGUR