Fréttablaðið - 10.03.2023, Blaðsíða 24

Til að birta andláts-, útfarar- eða
þakkartilkynningar í Fréttablaðinu þarf að
senda tölvupóst á timamot@frettabladid.is
eða hringja í síma 550 5055 .
MERKISATBURÐIR |
ÞETTA GERÐIST | 10 MARS 1934
Ljósmyndasýning á verkum Rún-
ars Gunnarssonar verður opnuð í
Þjóðminjasafni Íslands á morgun.
Ástríða Rúnars fyrir ljósmyndun
er slík að hann segir hana vera
næsta bæ við bænahald.
arnartomas@frettabladid.is
Ekki augnablikið heldur eilífðin, er
yfirheiti sýningar á ljósmyndum Rún-
ars Gunnarssonar sem verður opnuð í
Þjóðminjasafni Íslands á morgun. Nafn
sýningarinnar er dregið úr viðtali sem
Sigurlaug Dagsdóttir þjóðháttafræð-
ingur tók við Rúnar og ítrekar hann að
hann eigi engan heiður af því.
„Ég er orðinn svo gamall að ég er orð-
inn viðfangsefni þjóðfræðinga,“ segir
Rúnar kíminn. „Ég hefði nú ekki trúað
því þegar ég var röltandi um bæinn,
brilljantíngreiddur að taka myndir fyrir
Alþýðublaðið. En svona er þetta!“
Rúnar er fæddur árið 1944 og hefur
stundað atvinnuljósmyndun frá árinu
1962 þegar hann hóf störf fyrir Alþýðu-
blaðið. Þótt hann hafi líka verið mikið á
sjónvarpinu og í kvikmyndagerð segir
hann að hjarta hans hafi alltaf slegið
í ljósmyndun enda geymir filmusafn
hans yfir 100 þúsund myndir auk þess
sem hann á tugþúsundir mynda á staf-
rænu formi.
Úr vöndu að velja
Bryndís Erla Hjálmarsdóttir sýningar-
stjóri átti úr vöndu að ráða þegar kom
að því að setja sýninguna upp.
„Þetta voru yfir þrjátíu þúsund mynd-
ir sem ég byrjaði að fara yfir en ég byrj-
aði að reyna að flokka þetta aðeins niður
í fimmtán til tuttugu þemu,“ segir Bryn-
dís sem endaði að lokum með um tíu
flokka. „Rúnar nær einhverju viðkvæmu
sambandi við myndefni sitt, einhverri
tengingu sem mér fannst alveg einstök
og hafði kannski ekki séð hjá mörgum.“
Sem dæmi er einn flokkurinn „Börn
á förnum vegi“ þar sem má finna börn
sem Rúnar hefur hitt úti á götu.
„Hann nær einhverjum krafti og
þessu ráfi á börnum sem var til staðar
fyrir fjörutíu árum síðan en maður sér
ekki lengur,“ útskýrir Bryndís. „Ég valdi
myndefnið algjörlega út frá tilfinningu
og nálgaðist efnið þannig. Þetta er svo
nostalgískt og ég leyfði hjartanu að ráða
í valinu.“
Helstu einkenni Rúnars sem ljós-
myndara eru að mati Bryndísar hvað
honum tekst að fanga tilfinningar.
„Hvort sem það er hópur eða ein-
staklingur þá nær hann alltaf einhverri
tilfinningu við það sem hann er að
mynda.“
Aldur engin fyrirstaða
Spurður hvert sé hans uppáhaldsvið-
fangsefni segist Rúnar hafa mestan
áhuga á mannlífi í dagsins önn og að ná
sambandi við fólk í gegnum ljósmynd-
un. Hann er ekki mikið fyrir að mynda
landslag sem er bara ekki hans deild. Þá
hefur hann engin áform um að leggja
myndavélina á hilluna þótt hann verði
áttræður á næsta ári.
„Þótt ég verði orðinn hálf blindur
þá mun ég taka síðustu myndirnar
með blindrastaf við hönd. Þetta er svo
gaman!“ segir hann og hlær. „Að geta
Orðinn viðfang þjóðfræðinga
Rúnar hefur starfað sem atvinnuljósmyndari síðan 1962 en hefur minnkað við sig í brilljantíni síðan þá. FRÉTTABLAÐIÐ/ERNIR
Úr síðasta síðutogaranum. MYND/RÚNAR GUNNARSSON
Frá Saltvík, úti-
hátíð.
MYND/RÚNAR
GUNNARSSON
241 f.Kr. Rómverjar binda enda á fyrsta púnverska stríðið
með því að sökkva flota Karþagómanna.
1118 Gelasíus 2. verður páfi.
1629 Karl 1. Englandskonungur leysir breska þingið upp
og hefur ellefu ára harðstjórnina þar sem ekkert
þing situr.
1649 Karl 10. Gústaf er útnefndur eftirmaður Kristínar
Svíadrottningar.
1804 Bandaríkin kaupa Louisiana af Frökkum.
1941 Togarinn Reykjaborg skotinn í kaf af þýskum kafbáti
norður af Skotlandi. Tveir bjargast en þrettán farast.
1944 Flugfélagið Loftleiðir stofnað.
1967 Stórbruni verður á horni Vonarstrætis og Lækjar-
götu í Reykjavík og brenna þrjú hús til grunna.
1988 Sálin hans Jóns míns heldur sína fyrstu tónleika í
Bíókjallaranum við Lækjargötu.
1991 Davíð Oddsson er kjörinn formaður Sjálfstæðis-
flokksins.
2009 Eva Joly verður sérlegur ráðgjafi ríkisstjórnar Ís-
lands.
stöðvað tilveruna aðeins og hægt á þessu
brjálæði sem er í kringum mann – að
taka myndir er eins og trúarleg athöfn
fyrir mér. Ég meditera inn á þetta og
þetta er bara næsti bær við bænahald.“
Fjötrar fegurðarinnar
Rúnar hefur góð ráð að gefa upprenn-
andi ljósmyndurum.
„Því fyrr sem menn losna úr fjötrum
fegurðarinnar, því betra,“ útskýrir hann.
Það er ekkert sem skemmir myndlist
jafnmikið og einhverjar ranghugmyndir
um að myndir eigi að vera fallegar. Fal-
legar myndir eru bara eins og einhver
sykurleðja með sírópi út á.“
Galdurinn, að mati Rúnars, er að taka
myndirnar eins og þú vilt taka þær.
„Það er ekkert sem heitir rétt eða röng
ljósmynd, eina ljósmyndin sem er rétt er
sú sem lítur út eins og þú vilt hafa hana.“
Viðtalinu við Rúnar lýkur þegar óvænt
heyrist sírenuvæl í fjarska.
„Þá eru þeir komnir að sækja mig með
spennitreyjuna, maður!“
Sýningin verður opnuð í myndasal
Þjóðminjasafns á morgun klukkan 14. n
Eina ljósmyndin sem er
rétt er sú sem lítur út eins
og þú vilt hafa hana.
Fyrsti dráttur í Happdrætti
Háskólans fór fram laugar-
daginn 10. mars 1934. At-
höfnin fór fram í þéttskip-
uðum sal í Iðnó þar sem
fólk var komið til að freista
gæfunnar.
Alexander Jóhannesson,
rektor Háskóla Íslands og
stjórnarformaður happ-
drættisins, ávarpaði gesti
þar sem hann sagði frá því
að happdrættið hefði orðið
til vegna góðs málefnis. Því
örari sem sala happdrætt-
ismiða væri, því fyrr myndi
ný háskólabygging rísa.
Aðalbygging háskólans
var tekin í notkun árið
1940. Síðan þá hafa yfir 20
háskólabyggingar verið
fjármagnaðar með happ-
drættisfé.
Tvö börn sáu um að
draga saman vinnings-
númer og vinningsupphæð.
Miðarnir voru teknir úr
tromlum sem var snúið og
nam hæsti vinningurinn tíu
þúsund krónum. Til saman-
burðar verða tíu milljónir
króna dregnar út í happ-
drættinu á einn miða nú í
mars. n
Dregið í fyrsta skipti í
Happdrætti Háskólans
Ástkær faðir okkar og afi,
Frantz Adolph Pétursson
sem lést á líknardeild Landspítalans
þann 7. mars, verður jarðsunginn frá
Áskirkju, þriðjudaginn 14. mars kl. 13.00.
Aðalheiður Frantzdóttir
Pétur Ingi Frantzson
Jón Þórir Frantzson
börn, barnabörn og barnabarnabörn
16 TÍMAMÓT FRÉTTABLAÐIÐ 10. MARS 2023
FÖSTUDAGUR