Fréttablaðið - 11.03.2023, Síða 46

Frá og með gærdeginum er
leikkonan Snæfríður Ingvars-
dóttir einnig orðin söngkona
á Spotify þegar lagið Lilies
fór í loftið. Hvíta liljan táknar
ást og endurfæðingu og lagið
varð til í heimsfaraldri þegar
Snæfríður stóð á persónu-
legum tímamótum.
Snæf r íður Ing varsdóttir
hefur getið sér gott orð sem
leikkona en færri vissu að í
henni blundaði söngkona.
„Þetta er eitthvað sem mig
hefur alltaf langað að gera. Frá því
að ég var lítil hefur þessi draumur
alltaf blundað inni í mér. Ætli ég
hafi ekki verið að leita að því hvað
ég vildi segja með tónlistinni. Rétti
tíminn kom einhvern veginn núna.“
Hann er stoð mín og stytta
Snæfríður er í sambúð með tón-
listarmanninum Högna Egilssyni
og segir hann sína stoð og styttu í
tónlistinni.
„Við erum alltaf að spila og syngja
eitthvað saman heima. Við spyrjum
hvort annað líka mikið um álit og
berum verkefnin okkar undir hvort
annað. Það er ótrúlega mikil gjöf að
geta átt listrænt samtal við makann
sinn og ég er mjög þakklát fyrir það.
Hann er mín stoð og stytta,“ segir
hún.
„Ég hef sungið eitthvað inn á lög
sem hann er að gera og hann hefur
líka aðstoðað mig töluvert við það
sem ég er að gera svo það gæti vel
verið að við gæfum út eitthvað sam-
eiginlegt í framtíðinni.“
Snæfríður lærði klassískan söng
í Söngskólanum í Reykjavík sem
unglingur og lagði jafnframt stund
á nám í djasssöng við Tónlistarskóla
FÍH.
„Ég var líka í kórnum í MH og hef
verið að syngja töluvert í Þjóðleik-
húsinu sem leikkona,“ segir Snæ-
fríður svo hún er augljóslega ekki
að stíga sín fyrstu skref í söngnum
þó að hún hafi ekki gefið út lag áður.
En að laginu Lilies sem hefur
mikla merkingu í huga Snæfríðar.
„Lagið varð til haustið 2021. Lista-
maðurinn Siggi Kinski kom með
hugmynd að þessu lagi til mín. Það
var mjög einfalt til að byrja með og
við tókum það upp í litlu stúdíói í
Norðurmýrinni með kassagítar.
Við vissum að við vildum gera
eitthvað meira við hljóðheiminn
í laginu og vorum að leita að meiri
átökum. Okkur langaði að skapa
svolítið dáleiðandi tilfinningu. Við
heyrðum í Marteini (Bngrboy) vini
mínum og þróuðum lagið í sam-
einingu með honum. Albert Finn-
bogason setti síðan punktinn yfir
i-ið, en hann mixaði lagið og bætti
við trommum í lokin.“
Endurnýjun sálarinnar
Snæfríður segir að í huga sínum
fjalli lagið um nýtt upphaf. Hvítu
liljurnar í laginu séu táknmynd fyrir
endurnýjun sálarinnar.
„Á þessum tíma þegar við vorum
að gera lagið þá stóð faraldurinn
yfir. Honum fylgdu stórar spurn-
ingar og mörgum var ögrað. Ég stóð
á svolitlum tímamótum sjálf og var
búin að vera undir álagi persónu-
lega og í starfi,“ segir hún.
„Þegar álagið verður of mikið
Snæfríður Ing-
varsdóttir gaf út
sitt fyrsta lag í
gær en hún segir
þann draum
alltaf hafa
blundað inni í
sér.
Fréttablaðið/
anton brink
Verðmæti lífsins
fólgin í að hlúa
vel að sjálfum sérBjörk
Eiðsdóttir
bjork
@frettabladid.is
þá getur maður misst sjónar á því
sem skiptir máli og átt það til að
setja sjálfan sig í annað sæti. Við
þurfum öll að finna sanna tengingu
við okkur sjálf. Það er ekki gefið að
heyra skýrt það sem bærist manni
í brjósti því í hasar tilverunnar er
persónan alltaf að reyna að passa
í rétt hlutverk og uppfylla allar
kröfur. Öll þurfum við þessi hlut-
verk til þess að ná þeim árangri
sem við viljum ná en þegar öllu er á
botninn hvolft, þá eru verðmætin í
lífinu fólgin í að hlúa vel að sjálfum
sér, hlusta vel á röddina sem býr
innra með þér, sama hversu dauf
hún virðist vera.“
Endurspeglun á lífinu sjálfu
Snæfríður segist hafa fengið góðan
tíma til að skoða sjálfa sig á þessu
tímabili og þá fundið sterka þörf til
að skapa eitthvað sjálf.
„Mig hefur alltaf langað að gera
Það er ótrúlega mikil
gjöf að geta átt listrænt
samtal við makann
sinn og ég er mjög
þakklát fyrir það.
eitthvað í tónlist og allt í einu var
þetta bara einhvern veginn rétti
tíminn. Ég upplifi líka mikið frelsi
í tónlistinni en hún er einhvern
veginn meira abstrakt en leiklistin
og aðeins opnari til túlkunar. Allt
þjónar þetta samt sama tilgangi sem
er að miðla hinu óljósa í manninum,
vera einhvers konar endurspeglun
á lífinu sjálfu. Við sem listamenn
erum bara að varpa ljósi á eitthvert
sjónarhorn á lífinu og beina áhorf-
endum og hlustendum á það.“
Snæfríður undirbýr nú næsta
verkefni sem er stuttmynd eftir leik-
stjórann Rúnar Rúnarsson.
„Ég hlakka mikið til að taka þátt í
henni enda er Rúnar frábær leikstjóri
og ég hef aldrei unnið með honum
áður svo ég er mjög spennt fyrir því.“
Aðspurð hvort vænta megi meira
af henni á sviði tónlistarinnar
svarar hún ákveðin: „Já, algjörlega.
Ég ætla ekkert að gefa neitt upp en
ég vona það svo sannarlega.“ n
26 helgin FRÉTTABLAÐIÐ 11. mARS 2023
lAUgARDAgUR