Arkitektúr og skipulag - 01.08.1988, Side 67

KJALLARINN, þjónusturými
Hlutverk kjallararýmisins er tvíþætt. Annars
vegar er þar tæknirými fyrir loftræstikerfi og
lagnabúnaö auk verkstæðis, lagers og skrif-
stofu. Hins vegar er þar þjónusturými fyrir
jarðhæö. Þjónusturýmið einkennist af gati í
jarðhæð þar sem tröppukjarni kemur niður og
endar í tjörn heita vatnsins í kjallaragólfinu. I
kringum tjörnina eru þjónusturýmin, þ.e. sal-
erni og opið gólf sem getur nýst til sýningar-
halds eða orðið lokaður fyrirlestrasalur eftir
hentisemi.
ÚTSÝNISPALLURINN, upplýsinga-
hæöin
Útsýnispallurinn utandyra nær hringinn í kring-
um hálfkúluna. Á miðpunkti hvers hitaveitu-
geymis er útsýnisskífa. Innandyra er annar út-
sýnishringur þar sem segir meira um borgina,
útsýnið, sögu hitaveitunnar og sögu Reykja-
víkur. Inni í lokuðum kjarna eru salerni og
þjónusturými ætluö veitingaaðstööunni á efstu
hæðinni.
EFSTA HÆÐIN, veitingahúsiö
Efsta hæðin er opinn gólfflötur í 76 metra hæð
yfir sjávarmáli, með útsýni í allar áttir, rými
veðurvariö með gleri og áli.
Hæöin notast sem veitingastaður. Ysti krans
gólfsins, þar sem borðhald er, er á hreyfan-
legri braut sem snýst um einn hring meðan á
máltíð stendur eða á 1-1/2 klst.
Veitingastaðurinn er kórónan á minnisvarðan-
um og bæði vandaður og í dýrara lagi.
Veitingastaðurinn tekur 150-200 matargesti
auk biðbars og setkróka. Framreiðsluborð er á
þessari hæð en eldhúsið er á næstu hæð fyrir
neðan, tengt með lyftu og tröppu í kjarna.
65