AVS. Arkitektúr verktækni skipulag - 01.12.1998, Qupperneq 56

ÞRÁINN HAUKSSON, LANDSLAGSARKITEKT
MIÐBÆR.SELFOSS OG BÆJARGARÐUR
VIÐ SIGTUN Samkeppni um miðbœjarskipulag
rið 1990 var haldin samkeppni um
miðbæjarskipulag á Selfossi. Meg-
inviðfangsefni samkeppninnar var
að styrkja fremur sundurlausa mið-
bæjarmynd og að leysa úr óþægi-
legum umferðaraðstæðum við
syðri enda Selfossbrúar.
Tillaga undirritaðs og Sigurðar Hallgrímssonar
arkitekts og eins eigenda Arkþings var valin til 1.
verðlauna og ólíkt framvindu mála eftir margar
aðrar samkeppnir þá hefur verðlaunatillagan verið
höfð að leiðarljósi og lögð til grundvallar við frekari
úrvinnslu deiliskipulags og framkvæmda í mið-
bænum.
Lagt var til að hjarta Selfoss yrði skilgreint á því
svæði, þar sem þrjár meginumferðaræðar mæt-
ast, þ.e. Austurvegur, Eyravegur og Selfossbrú.
Fyllt yrði í skörð á Austurvegi og Eyravegi til að
styrkja götumyndir og beint suður af Selfossbrú
var gert ráð fyrir að ráðhús eða stjórnsýslubygging
myndi rísa. Þannig yrði þetta kröftuglega brúar-
mannvirki, sem bærinn þróaðist út frá, eins konar
hlið að bænum og afgerandi hluti af miðbæjar-
myndinni. Selfossbær lifir á og líður jafnframt fyrir
þær miklu umferðaræðar sem mætast í áður-
nefndum skurðarpunkti. Til þess að bæta umferð-
aröryggi og koma inn gróðri og grænu yfirbragði í
götumyndina var lagt til að byggt yrði myndarlegt
hringtorg við brúarendann og að unnið yrði mark-
visst að meðhöndlun hinna stóru göturýma með
trjágróðri og yfirborðsmeðhöndlun. Hringtorgið
hefur þegar verið gert og heitir nú Tryggvatorg.
Fyrsta áfanga í gróðursetningu götutrjáa í miðjum
Austurvegi er jafnframt lokið. Sýnt þykir að þrátt
fyrir aukna umferð í miðbænum, þá hefur umferð-
arslysum fækkað í kjölfar þessara breytinga. í til-
lögunni var jafnframt lagt til að á fyrrum athafna-
svæði Kaupfélags Árnesinga milli Sigtúns, Sunnu-
vegar og Kirkjuvegar yrði byggður upp bæjar-
garður sunnan miðbæjarbygginga við Austurveg,
Tryggvatorg og Eyraveg.
Samkeppnistillaga Þráins Haukssonar og Sigurðar Hallgrímssonar, Unniö hefur veriö deiliskipulag fyrir bæjar-
garðinn og verður henni lýst í eftirfarandi
texta og uppdrætti.
reist mynd af miðbæ.
STAÐHÆTTIR
Sigtúnssvæðið er flatt, umlukið lágreistri
gróinni íbúðarbyggð til austurs, suðurs og
vesturs, en afmarkast til norðurs af at-
hafnasvæði Hafnar-Þríhyrnings og kjöt-
vinnslubyggingu KÁ. Aðliggjandi lóðir bera
þess merki að hafa verið baklóðir til
skamms tíma og er yfirbragð þeirra frekar
órólegt.
HLUTVERK GARÐSINSI
Bæjargarðinum er ætlað að vera vett-
vangur fyrir hvers kyns stærri og minni
uppákomur, sem og að vera notalegur
íverustaður fyrir gesti og gangandi, sólar-
og skjólmegin við byggingarnar við aðal-
umferðargötur bæjarins. Sjaldgæft er að
bæir eigi svo stórt og skýrlega afmarkað