AVS. Arkitektúr verktækni skipulag - 01.04.1999, Blaðsíða 19

Ijóst hvernig heildarsvipur hverfisins verður. Einnig
hvernig götumyndin verður á hverju svæði fyrir sig
en lögð verður rík áhersla á að skapa glæsilegt
hverfi í hjarta Reykjavíkur, hverfi sem einstaklingar
sækjast eftir að búa í og fyrirtæki að fara þangað
með sína starfsemi. Til þess að svo megi verða
þarf númer eitt, tvö og þrjú að takast vel til með
skipulag svæðisins og að við gerð deiliskipu-
lagsins takist að skapa andrúmsloft glæsilegrar
miðborgarbyggðar eins og þær gerast bestar.
Við gerum ráð fyrir að uppbygging hverfisins fari
fram með tvennum hætti. Byrjað verði að byggja
upp eitt svæði, og félagið býður út með hefð-
bundnum hætti allarframkvæmdir, þ.e. félagið læt-
ur vinna fyrir sig útboðsgögn fyrir jarðvinnuna og
byggingar. Þessi útboð verði auglýst í fjölmiðlum
og öllum gefinn kostur á þátttöku. Hins vegar
gefist fyrirtækjum, opinberum aðilum og einstak-
lingum tækifæri til að kaupa lóðir á þessu sama
svæði og byggja á þeim lóðum hús sem falla inn í
þá götumynd sem á að skapa. Þegar þetta svæði
er orðið fullbyggt verður næsta svæði byggt upp
og þannig koll af kolli.
Meðfylgjandi er tillaga að skipulagi af Vatns-
mýrinni sem Guðmundur Gunnarsson og Rálmi
Guðmundsson hafa unnið. í þessari tillögu sjást
þær meginforsendur sem við byggjum okkar tilboð
á. Verslunar- og skrifstofuhúsnæði snýr að Hring-
brautinni, Háskólasvæðinu og væntanlegri stofn-
braut um Hlíðarfót og myndar þannig ramma utan
um íbúðabyggðina. íbúðabyggðin verði 5 til 7
hæða hús, víða samtengd með bílageymslum í
niðurgröfnum kjöllurum. Nýtingarhlutfallið á svæð-
inu í heild verður milli 1 til 2. í verslunar- og skrif-
stofuhverfinu verði einnig hærri hús.
NYTIHGARHUTFALLIÐ ER HÁTT
Ein aðalforsenda okkar er að við gerum ráð fyrir
háu nýtingarhlutfalli, svo háu að margir hafa sett
við það spurningamerki og telja ekki mögulegt að
koma svo mörgum íbúum fyrir í Vatnsmýrinni. Til
glöggvunar má nefna að í íbúðahverfunum í
Hlíðunum er nýtingarhlutfall lóða almennt 0,9. í
Ármúla og Síðumúla er það um 1. í nýju íbúðabyg-
gðinni við Skúlagötuna er þetta hlutfall um 2. í
Kvosinni er hlutfallið milli 2 og 3. í Foldahverfi í
Grafarvogi er nýtingarhlutfallið hins vegar 0,3 til
0,4. Eins og áður segir er Vatnsmýrin um 140 hek-
tarar og við gerum ráð fyrir að byggja á um 120 ha.
Þar af fari 80 ha undir íbúðabyggð og 40 ha undir
verslun, skrifstofur og þjónustu.
Við gerum ráð fyrir að af þessum 80 ha sem fara
undir íbúðabyggð þá fari um 30 % undir götur og
gangstéttir eða 24 ha. Byggingareitur fyrir íbúðar-
húsnæði er því nettó 56 ha. Ef við byggjum á
1.000 m2 lóð hús sem er 300 m2 að grunnfleti og
á hverri hæð eru 3 íbúðir sem eru að meðaltali
með sameign 100 m2, þá eru 15 íbúðir í slíku fimm
hæða húsi á 1.500 m2. Nýtingarhlutfallið á þess-
ari lóð væri því 1,5 sem samsvarar nokkurn veg-
inn því að það kæmu tvær hæðir ofan á öll húsin
í Hlíðunum. Ef þetta væri meðalnýting allra lóða
á þessum 56 hekturum, þá væri hægt að byggja í
Vatnsmýrinni 84 ha af íbúðarhúsnæði, þ.e.
840.000 m2 Þetta samsvarar 8.400 einingum
(íbúðum) sem eru að meðaltali 100 m2 að stærð.
Ef það búa 2,4 til 2,7 í hverri íbúð þá samsvarar
þetta því að þarna gætu búið 20.200 til 22.700
manns. Ef horft er á íbúðasvæðið í heild, þ.e.
þessa 80 ha, er nýting svæðisins 1,05 og það
verða 105 íbúðir á hektara. Ef við tökum alla
þessa 140 ha sem Vatnsmýrin er í heild erum við
með 60 íbúðir á hektara. Ef við lítum á íþrótta-
svæði Vals sem hluta af hverfinu, Nauthólsvíkina
og hluta Öskjuhlíðar þá erum við komin niður fyrir
40 íbúðir á hektara.
BÍLAGEYMSLUKJALLARAR LEYSA
NÁLW
Gera má ráð fyrir að grafa þurfi 3 til 8 metra niður
á burðarhæfan jarðveg undir húsum og götum.
Þessir djúpu sökklar yrðu að einhverju leyti fylltir
upp en stór hluti þeirra verður notaður sem
bílageymslur. í verslunar- og skrifstofuhluta hverf-
isins og þar sem þurfa þykir verði bílageymslur að
einhverju leyti undir götunum.
Við gerum ráð fyrir að undir öllum húsum verði
bílageymslukjallari. Skipta þarf um jarðveg undir
bílastæðunum við húsin en í stað þess að fylla allt
upp með möl verði þar einnig bílageymslukjallari.
15 íbúða hús kallar á 30 bílastæði. Hvert bílastæði
tekur 27 m2 sem þýðir í okkar dæmi með fimm
hæða og 15 íbúða húsið á 300 m2 grunnfleti, að
10 bílastæði verða undir sjálfu húsinu og 10 í kjall-
ara undir bílaplaninu. Bílastæði ofanjarðar verða
almennt 10 við hvert hús.
Ef við horfum á hvað þetta þýðir fyrir nýtingu
þessarar 1.000 m2 lóðar, þá fara 300 m2 í grunn-
flöt hússins og 270 m2 í 10 bílastæði sem verða
ofanjarðar. Eftir er þá um 430 m2 garður. Þar sem
þannig háttar að grafa þarf dýpra en 2,5 m niður
á fast, þar er gert ráð fyrir að bílageymslan verði
L
17