AVS. Arkitektúr verktækni skipulag - 01.04.1999, Síða 81

Séð inn í skrifstofurými.
Yfirbyggt æfingasvæði fyrir Chicago Bears í Lake Forest,
lllinois. Wood and Zapata, inc.
þeim sem upplifir þessa byggingarlist óneitanlega
skemmtilega á óvart þótt menn velti því samt líka
oft ósjálfrátt fyrir sér hvaöa galdur haldi veggjum,
lofti og gólfum uppi. Alls staðar er eitthvað óvænt
og áhugavert að gerast og enginn hluti í þessari
lífrænu formsköpun og efnisnotkun ber vitni um
hugsunarlausa endurtekningu og einhæfni.
Birtan í byggingum Carlos Zapata kemur stöðugt
á óvart þannig að innra rými þeirra breytist stöðugt
bæði eftir tíma dags, árstíðum og birtuskilyrðum
utan dyra. Sama vandvirkni ríkir við efnisval, en
víða hafa efni verið valin af mikilli alúð til þess að
ná ákveðnum hughrifum. Þessar byggingar eru
ekki einungis „tæki til að búa eða vinna í“ þær þarf
fyrst og fremst að skynja og upplifa.
Verk Carlos Zapata eru okkur íslendingum þörf
áminning um að góð byggingarlist og umhverfis-
mótun verður ekki til af engu. Fólk sem hælir sér
helst af því að hafa sloppið við hönnunarkostnað
eignast aldrei neina byggingarlist, enda á það
hana ekki heldur skilið. Byggingarlist sprettur ekki
án þannig jarðvegs. Hann þurfum við að mynda
hér á landi til þess að við getum notið þess sem
færustu listamenn okkar hafa fram að færa. ■
79