Ský - 01.02.2001, Qupperneq 92

NORÐURMJÓLK / KYNNING
Norðurmjólk
Norðurmjólk er nýtt fyrirtæki í mjólkuriðnaði, byggt á göml-
um grunni. Þann 30. nóvember 2000 sameinuðust Mjólkur-
samlag KEA og Mjólkursamlagið á Húsavík undir nafninu
Norðurmjólk. Mjólkursamlag KEA var stofnað 1927 og var
fyrir samrunann elsta starfandi mjólkursamlag landsins.
Höfuðstöðvar Norðurmjólkur er í gamla mjólkursamlaginu á
Akureyri en vinnsla og framleiðsla fer einnig fram á Húsa-
vík. Með samruna þessara tveggja mjólkursamlaga er sam-
keppnisstaðan treyst enn frekar og markaðssóknin efld.
Hjá Norðurmjólk starfa 80 manns og er velta fyrirtækisins
tveir milljarðar á ári. Hlutdeild Norðurmjólkur er 25 milljón
lítrar mjólkur beint frá bændum. Það er 25% hlutdeild á
landsvlsu. Af allri mjólk sem Norðurmjólk notar í fram-
leiðslu sína eru 70% notuð T osta og viðbit, en Norðurmjólk
er langstærsti ostaframleiðandi landsins. Osta- og smjör-
salan er að stærstum hluta í eigu Norðurmjólkur og sér um
alla pökkun og dreifingu á ostum fyrir mjólkursamlagið. Þótt
Norðurmjólk framleiði fyrst og fremst osta og viðbit fram-
leiðir það hið vinsæla KEA-skyr, Húsavíkurjógúrt, Frissa
Fríska ávaxtasafann og alla neyslumjólk fyrir byggðalagið.
Fyrir KEA-skyrið hlaut Norðurmjólk hið eftirsótta Fjöregg,
sem er viðurkenning Matvæla- og næringarfræðifélags ís-
lands. Norðurmjólk hefur ISO- gæðavottun samkvæmt
IS09001-staðli og er eina fyrirtækið í matvælaiðnaði á ís-
landi með slíka vottun sem felur í sér að vöruþróunarferli
fyrirtækisins er einnig vottað.
90 SKÝ HETJUR NORÐURSINS