Ský - 01.04.2003, Blaðsíða 58

_ I RYÐGADIR UNAÐSREITIR 1
RYÐ Ný húsakynni ístaks við Engjateig eru einstaklega
vel heppnuð. Sérstaka athygli vekur þessi skemmtilega
ryðgaða klæðning (sjá mynd) sem prýðir vesturvegg húss-
ins og gefur honum allt að því lifrænan blæ. Að sögn Birg-
is Teitssonar, hjá arkitektastofunni Arkís. sem hannaði
húsið í samvinnu við dönsku stofuna KHR A/S, er þetta
svokallað cortin-stál, en það er einnig notað til dæmis í
járnbrautarvagna. „Stálið ryðgar inn að ákveðnu marki en
myndar eftir það náttúrulega húð og tærist ekki frekar. Er
semsagt afbragðs gott hérlendis," segir Birgir. Stálið er
einnig notað inni í húsinu og þurfti að láta það standa úti í
sex mánuði til að ná réttri áferð áður en það var sett upp
þar. Cortin-stál er ekki dýrara en til dæmis álklæðning, en
Birgir bendir á að það smitar frá sér lit og er því ekki snið-
ugt fyrir ofan steypta fleti eða glugga.
HELLUR EÐA PALLUR?
Hvort skyldi henta betur í íslenska garða; hellur eða trépallar?
Ekkert er friðsælla en að eiga sinn eiginn unaðsreit.
Paradís þar sem fjölskyldan getur notið samveru-
stunda, grillað eða slappað af með góða bók í fallegu,
gróöursælu umhverfi. En hvort skyldi henta betur hér
á landi; trépallur eða hellur í garðinn?
„Pallar eru miklu betri á veröndum en hellur að
mínu mati,“ segir Jón Júlíus Elíasson, garðyrkjumeist-
ari. „Vatn lekur auöveldlega niður á milli glufna en þar
sem hellur eru þarf að vera halli til þess að vatn renni
af þeim. Það verður til þess að borð og stólar standa
ekki rétt,“ segir Jón og bendir á að fleiri vandamál
fylgi gjarnan hellum þar sem þær vilji oft springa eða
brotna, auk þess sem það verður oft mikil mosamynd-
um á milli þeirra.
„Viðarpallar eru mun hlýlegri og einnig er hægt að
sníða viðinn alveg eins og maður vill. Þannig er hægt
að skapa fallegt umhverfi sérsniðið að þörfum hvers
og eins.“
En er ekkert erfitt að halda pöllunum við? „Nei,
alls ekki. Það þarf bara að bera á þetta á tveggja ára
fresti og það tekur tvo tíma í mesta lagi.“
Liósmyndir. Pkll STHRNS50N