Íslenskt mál og almenn málfræði - 01.01.2022, Qupperneq 165

5.1 Fyrstu árin á þingi: 1983–1990
Steingrímur J. Sigfússon var kosinn á Alþingi árið 1983, þá aðeins 28 ára
gamall,6 sem þingmaður Norðurlands eystra fyrir Alþýðubandalagið.
Áður hafði Steingrímur stundað nám við Háskóla Íslands þar sem hann
lærði jarðfræði og uppeldis- og menntunarfræði, en auk þess hafði hann
meðal annars starfað sem vörubílstjóri og sem íþróttafréttamaður hjá
RÚV (Alþingi, e.d.). Steingrímur var því ungur og tiltölulega óreyndur
þegar hann hóf þingsetu og jafnframt var stundum haft orð á því að hann
kæmi úr afskekktri sveit og bæri það jafnvel með sér (sjá t.d. Friðrik
Indriðason 1989), en Steingrímur er fæddur og uppalinn á bænum Gunnars -
stöðum í Þistilfirði (Alþingi e.d.).
Samkvæmt kenningu Sankoff og Laberge (1978:240–241) um mál -
markaðinn eru tengsl milli þess hvernig einstaklingur talar og félagslegrar
stöðu hans. Það er vegna þess að félagsleg staða (i) einstaklingsins, sem og
(ii) þeirra sem standa honum næst, á hvort tveggja þátt í því að ákvarða
Einstaklingsbundin lífsleiðarbreyting 165
Mynd 2:  Þróun stílfærslu í máli Steingríms J. Sigfússonar á árunum 1983–2019.
6 Alþingiskosningarnar 1983 voru í apríl og Steingrímur er fæddur 4. ágúst 1955 svo
hann var í rauninni 27 ára þegar hann hóf þingsetu en hér og framvegis í greininni verður
aldur Steingríms miðaður við almanaksár.
Hl
ut
fa
lls
le
g
no
tk
un
s
tíl
fæ
rs
lu
Ártal