Íslenskt mál og almenn málfræði - 01.01.2022, Blaðsíða 170

lask aður úr ríkisstjórnarsamstarfi með Sjálfstæðisflokknum. Samkeppni
frá Framsóknarflokknum var því e.t.v. minni fyrir vikið.
(9) Það er ekki hátt á þeim risið.
Í viðtalinu kom einnig fram að Steingrímur hafi verið orðinn verulega
áhyggjufullur yfir þróuninni í efnahagsmálum á þessum tíma og því hafi
hann skrifað margar greinar um þær hættur sem hann taldi að steðjuðu að
efnahagslífinu. Steingrímur varð því fyrirferðarmikill í stjórnmálaumræð -
unni á þessum tíma og þá var hann jafnframt oft kallaður til af fjölmiðlum
sem eins konar andsvar við ríkisstjórninni og efnahagsstefnu hennar. Þá
má einnig nefna að Vinstri græn bættu við sig töluverðu fylgi í þingkosn-
ingunum árið 2007 og þingmönnum þeirra fjölgaði úr fimm í níu. Hvað
fylgisaukninguna varðar sagði Steingrímur m.a.:
(10) [Eftir þingkosningarnar 2007:] Þá hafi fólk hætt að reyna að afskrifa
okkur, að tala okkur niður sem einhvern smáflokk sem engu máli
skipti. Það var nú tilhneigingin til að reyna að afgreiða okkur þannig
á fyrstu árunum.
(11) Svo förum við að sækja í okkur veðrið í aðdraganda kosninganna
2007 og vinnum alveg ágætan sigur þá og þá eiginlega breytist um -
ræðan um okkur og eftir kosningarnar 2007 gerist þetta sem við vor -
um að tala um, við urðum forystuafl stjórnarandstöðunnar og þá þagn-
ar þessi umræða mest. Enda átti annað eftir að koma í ljós.
Aukin ábyrgð og breytt hlutverk Steingríms í kjölfar þingkosninganna árið
2007 kann því að skýra þessa miklu aukningu á notkun stílfærslu, enda er
ljóst að talsverðar breytingar urðu á bæði félagslegri stöðu Stein gríms,
sem og gildi hans á málmarkaðnum. Hann var að vinna sig upp í frekara
forystuhlutverk og vandaði sig sennilega meira vegna þess.

5.4 Breytingar árin 2008–2012
Á árunum 2008–2012 má greina athyglisverðar breytingar á tíðni stíl-
færslu í máli Steingríms. Á þessu tímabili fer hlutfall stílfærslu hækkandi
og nær hámarki á þessu tímabili árin 2010–2012 í rúmlega 63%, sem er
áhugaverð þróun í samanburði við þróunina á árunum 1991–2006, sbr.
umfjöllun í kafla 5.2. Mynd 6 sýnir þróun stílfærslu í máli Steingríms á
tímabilinu.

Lilja Björk Stefánsdóttir og Anton Karl Ingason170