Skinfaxi - 01.02.2022, Blaðsíða 28

28 S K I N FA X I
„Við vorum búin að undirbúa
mótið vel og lengi og síðan gekk
það alveg glimrandi vel,“ segir
Guðríður Adnegaard, formað-
ur Héraðssambandsins Skarphéð-
ins (HSK). Hún og Þórir Haralds-
son, formaður Unglingalands-
mótsnefndar, endurtóku sömu
vinnuna og gengu sömu sporin
þrjú árin í röð, því alltaf var verið
að fresta Unglingalandsmótinu af
völdum kórónuveirufaraldursins.
Allur undirbúningur var langt
kominn árið 2020 og aftur 2021
þegar mótunum var frestað. Það
gekk loksins þetta árið, enda veiran á undanhaldi með tilheyrandi
gleði hjá þátttakendum og öðrum gestum mótsins, sem voru orðnir
óvanir því að taka þátt í fjöldaviðburðunum.
Allt fyrir fjölskylduna
Selfosshöllin stóra, nýja fjölnota íþróttahúsið á íþróttavellinum, nýttist
afar vel á mótinu. Þar inni hafði frjálsíþróttafólk aðstöðu, þar fóru
Gleðin við völd
á Unglingalandsmóti UMFÍ
nokkrar greinar fram og þar var leikjagarður fyrir yngstu mótsgestina.
Guðríður sagði það því í raun lán í óláni að Unglingalandsmótið
hefði frestast síðastliðin tvö ár. Húsið hefði ekki verið risið árið 2020
og ekki búið að taka það í notkun árið 2021.
„Ef við lítum á björtu hliðarnar var þetta eins og himnasending, enda
fundu allir eitthvað við sitt hæfi í húsinu. Fullorðnir og börn komu
þangað til að leika sér saman,“ segir hún en bætir við að augljóst sé
af frestunum að þrír árgangar hafi orðið af mótinu. Það sé sorglega
staðreyndin, því þetta sé góð og heilbrigð skemmtun.
Jaðargreinar slógu í gegn
Guðríður var í hringiðunni alla verslunarmannahelgina og kíkti á nán-
ast allar þær greinar sem í boði voru.
„Mér fannst spennandi að sjá að sumar greinar, þær sem við köllum
jaðargreinar, eru að ná mikilli og góðri fótfestu. Greinar eins og bog-
fimi og strandblak, svo maður tali ekki um kökuskreytingar, voru með
fjölmennustu greinunum,“ segir hún og rifjar upp gleðina í andlitum
mótsgesta, sem voru til fyrirmyndar.
„Fólk brosti og ánægja skein af hverju andliti.“
Næsta Unglingalandsmót UMFÍ verður haldið á Sauðárkróki um
verslunarmannahelgina 2023.
Unglingalandsmót UMFÍ fór fram á Selfossi um verslunarmannahelgina eftir tveggja ára hlé.
Formaður HSK segir afar ánægjulegt að tekist hafi að halda mótið. Vinsældir nýrra greina komu á óvart.
Guðríður Aadnegard, formaður
Héraðssambandsins Skarphéðins.