Skinfaxi - 01.02.2022, Blaðsíða 4

4 S K I N FA X I
V ið erum svo lánsöm hér á Íslandi að
veðurfarið festist illa í minni okkar.
Minningar um köld vor og storma-
söm sumur hreinlega fjúka út í veður og vind
þegar sólin brýst undan skýjunum og eftir sitja
hlý augnablik úr blíðunni á íþróttaviðburðum.
Ég held að þetta sé eiginleiki sem þjóðin hef-
ur alið með sér til að lifa af og njóta þess að
búa hér á norðurslóðum með langa bjarta
sumardaga og stutta dimma vetrardaga.
Nýliðið sumar hefur verið dæmigert, ekki
margir hlýir og þurrir dagar. En minningin af
sumrinu er góð, enda gátum við nú loksins
haldið viðburðina sem við höfum beðið með
síðastliðin tvö ár. Og mikið var nú gaman að
blása til leiks á ný.
Sumardagskrá UMFÍ byrjaði í júní með
Landsmóti UMFÍ 50+ í Borgarnesi. Ég er svo
lánsöm að tilheyra þessum aldurshópi og hef
tekið þátt í nokkrum af þessum mótum. Það
er alltaf sérstök stemning á þessum mótum
þar sem þátttakendur geisla af gleði í bland
við samkennd og keppnisskap.
Næsti viðburðurinn á þéttu viðburðasumri
UMFÍ var Unglingalandsmótið á Selfossi um
verslunarmannahelgina. Eins og alltaf var mik-
ið fjör í keppni og leik. Að öðrum viðburðum
UMFÍ ólöstuðum hefur Unglingalandsmótið
verið flaggskipið í 30 ár. Unga fólkið skemmti
sér líka mjög vel og tók vel á því í blíðskapar-
veðri á Selfossi.
Íþróttaveisla UMFÍ er nýr viðburður sem að
þessu sinni var haldinn með Ungmennasam-
bandi Kjalarnesþings í tilefni af aldarafmæli
sambandsins. Íþróttaveislan samanstóð af
þremur viðburðum: Drulluhlaupi Krónunnar í
Mosfellsbæ, Hundahlaupi UMFÍ og Non-stop
dogwear á Seltjarnarnesi og Forsetahlaupi á
Álftanesi. Öllum þessum viðburðum var gríð-
arlega vel tekið, nýtt samband myndaðist við
aðildarfélögin sem stóðu að viðburðunum
með UMFÍ og UMSK og var sömuleiðis eftir-
tektarvert að viðburðirnir opnuðu gáttir og
nýir þátttakendur komu með. Það var
stórkostlegt að sjá!
Síðasta stórverkefni sumarsins var
svo ungmennaráðstefnan Ungt fólk og
lýðræði, sem haldin var í gamla hér-
aðsskólanum á Laugarvatni í septem-
ber. Ungmennaráð UMFÍ sér um að
skipuleggja ráðstefnuna í þaula í
samstarfi við starfsfólk og stjórn
UMFÍ. Ráðstefnan var mjög vel
heppnuð, unga fólkið tók þátt
í dagskránni með gleði og
áræðni. Til borðsins var boð-
ið ungu fólki frá ungmenna-
ráðum af öllu landinu.
Þetta er frábær vettvangur þar sem ungt fólk
fær tækifæri til að kynnast starfsemi annarra
ráða og spjalla saman á óformlegan hátt við
jafningja. Ég var svo heppin að fá að taka þátt
í kaffihúsaspjalli á ráðstefnunni þar sem þing-
menn og sveitarstjórnarfólk, áhrifafólk úr at-
vinnulífinu og fleiri fóru á hraðspjall um heima
og geima. Þetta var óskaplega forvitnilegt,
fræðandi og gefandi fyrir mig – og vonandi
fyrir þau sem sátu með mér.
Starf UMFÍ gengur út á að opna sem flestar
dyr til þátttöku í skipulögðu íþrótta- og æsku-
lýðsstarfi. Það er hugsað fyrir allan aldur og
óháð kyni, alveg frá vöggu til grafar.
Þetta tölublað Skinfaxa beinir ein-
mitt sjónum að einum hópi sem
hefur stundum glímt við of marga
þröskulda. Það eru iðkendur
með fatlanir. Sjáum hvað við
getum gert og vinnum saman
að því að fjarlægja sem flesta
þröskulda svo að allir geti
notið þess að taka þátt í
íþrótta- og ung-
mennafélagsstarfi.
Málfríður Sigur-
hansdóttir situr í
stjórn UMFÍ.
Efnisyfirlit
14 Gríðarlega mikið verkefni og tókst vel
– Kristján Elvar Yngvason
26 Kíkt út fyrir þægindarammann
– Ungt fólk og lýðræði
34 Allir ánægðir í Drulluhlaupi Krónunnar
– Íþróttaveisla UMFÍ
Leiðari Með sól í hjarta og sinni
20 Hagsmunaaðilar þurfa að vinna saman
– Dr. Ingi Þór Einarsson
6 Leitt að Ísland sé ekki í forystu
7 Mikilvægt að þora að grípa tækifærin
8 Há æfingagjöld geta leitt til stétta-
skiptingar í yngri flokkum
9 Mótin væru ekki haldin ef það væru
ekki sjálfboðaliðar
10 Skólabúðir í sífelldri þróun
12 Skólablakið er eins og barnið mitt
– Gunna Stína
18 Þátttaka og gleði vakti eftirtekt á
Landsmóti DGI
22 Lífsnauðsynlegt að eflast félagslega og
einangrast ekki
24 Það skiptir máli að félögin fái þá aðstoð
sem þau þurfa
25 Bjartsýn á jafnari tækifæri barna með fötlun
28 Gleðin við völd á ULM á Selfossi
30 LM50+: Mikilvægt að sýna fólki að
boltinn er farinn að rúlla
30 Við erum sigurvegarar í sál og sinni
32 Hreyfing og heilsufar eldri borgara
35 Hundar og fólk hlupu ánægð saman
úti á Nesi
36 Forseti Íslands: Takk fyrir mig!
38 Keppnishjólreiðar sem líkamsrækt
40 Bjargar upptökum af Landsmótum UMFÍ
– Marteinn Sigurgeirsson
42 Karatefélag Reykjavíkur:
Börn og foreldrar æfa á sama tíma
43 Gamla myndin:
Landsmótið á Þingvöllum 1957