Heimili og skóli - 01.06.1971, Qupperneq 14

EIRÍKUR SIGURÐSSON:
Brot úr sögu
Kennarafélogsins
á Akureyri
Á stríðsárunum fyrri ,þegar erfitt reynd-
ist að halda uppi skólastarfi í landinu vegna
eldiviðarleysis, voru kennarar á Akureyri,
er héldu vöku sinni. Þeir sinntu ekki aðeins
sínum daglegu störfum, heldur höfðu mik-
inn áhuga á bættri aðstöðu í kennslumálum.
Þá stofnuðu þeir félagsskap hér í bænum
til þess að koma þessum málum í fram-
kvæmd. Þá var stofnað Kennarafélagið á
Akureyri og virðist stofnfundurinn hafa
verið vel undirbúinn.
Arið 1917, þegar félagið var stofnað, var
Halldóra Bjarnadóttir skólastýra barna-
skólans á Akureyri, sem þá var til húsa í
gamla barnaskólanum undir brekkunni.
Hún gekkst fyrir umræðufundum með kenn-
urum skólans á hálfsmánaðar fresti, þar
sem skólastarfið var rætt. Á þessum fundum
ræddu kennararnir m. a. reglugjörð skólans
og kaupsamninga kennaranna, sem hvort
tveggja var prentað 1915. Kennararnir
gengust fyrir því, að boðað var tvívegis til
kennarafunda fyrir bæinn og nærliggjandi
héruð.
Upp úr þessum fundum spratt Kennara-
félagið á Akureyri Kennarar á Akureyri
gengust fyrir stofnun þess 1917 eins og áð-
ur er sagt. Stofnendur voru bæði kennarar
barnaskólans og gagnfræðaskólans (síðar
M. A.)
Kennarafélagið var stofnað 30. marz
1917 á fundi í samkomusal Gagnfræðaskól-
ans, og mættu á honum auk Akureyrarkenn-
ara nokkrir kennarar úr sveitunum í grennd-
inni.
Stefán Stefánsson, skólameistari, setti
iundinn og skýrði frá tilgangi þessarar
fundarboðunar og nauðsyn á félagsskap
kennara hér á Norðurlandi. Hann stakk upp
á Ingimar Eydal fyrir fundarstjóra og var
það samþykkt. Fundarstjóri valdi ritara, þá
Lárus J. Rist og Kristján Sigurðsson.
Fundarstjóri las því næst upp bréf frá
Kennarafélagi Gullbringusýslu til Stefáns
HEIMILI OG SKÓLI
58