Heimili og skóli - 01.06.1971, Blaðsíða 26

Samkennarar hennar muna líka eflaust,
að þegar birti upp og nemandinn sýndi um-
talsverðan árangur, þá lék Sigríður við
hvern sinn fingur og maður hafði þá tilfinn-
ingu, að hjá henni skini sól inn um alla
glugga.
Til þess að lokka fram þennan jákvæða
árangur notaði hún lítil atvik, smávegis hug-
myndaflug í mynd og gerði að ævintýri í
lífi þess er sjaldan var hælt og fann sig van-
megnugan. Osjaldan bauð hún nemendum
heim til sín í litlar veizlur, en undir bjó, að
kynnast „börnunum sínum“ nánar, svo að
hún gæti fremur hjálpað þeim áfram til
náms og þroska.
Margan frídaginn sat hún í skólanum og
lagfærði föndurvinnu þeirra er lítið gátu,
svo að þau gætu byrjað jafnt hinum á næsta
starfsdegi. Þannig var Sigríður. Börnin í
bekknum voru hluti af henni sjálfri og ör-
lög þeirra fylgdu henni heim að loknu dags-
verki. Stóra sál þarf, til þess að rúma þann-
ig tvo eða fleiri bekki.
A kvöldin var hún leiðtogi í skáthreyfing-
unni og spilaði á gítarinn, því að þar sem
Sigríður fór var aldrei kyrrstaða. Að eðlis-
fari var hún glaðlynd, en þó næm fyrir um-
hverfinu. Teldi hún ástæðu til, tók hún
skarplega svari þess er var fjarverandi,
fylgdi eftir með rökum og lagði gott til
mála. Hún var aldrei nein auglýsingarkona
um eigið ágæti, heldur starfaði í kyrrþei.
Því er ekki að vita, að „börnin hennar“ hafi
á þeim árum áttað sig á hversu góðrar leið-
sagnar þau nutu. En flest börn eru þó næm
á viðmót og eðliskosti fólks og dæma á sinn
hátt. Þess naut Sigríður og oft fengu færri
börn en vildu að leiða hana heim úr skól-
anum.
Þeir foreldrar eru lánsamir, er fá til upp-
eldis og tilsagnar börnum sínum snjalla og
starfsfúsa kennara. Mótun barnssálarinnar
er ævarandi undirstaða og skiptir miklu
hverjir að vinna. Sigríður varð stétt sinni
til sóma. Hún skildi réttilega, að efnislegir
minnisvarðar verða aldrei traustari en und-
irstaða þeirra, en áhrif uppalenda í samfé-
laginu greinast óbeint til margra kynslóða.
Sú leið getur vei'ið djúpt mörkuð og miklu
varðar að rétt hafi verið stefnt. Megi minn-
ingin um Sigríði Skaftadóttur lifa. Eg flyt
eftirlifandi ættingjum samúðarkveðjur okk-
ar félaga hennar í Kennarafélagi Eyja-
fjarðar.
Indriði Ulfsson.
70
HEIMILI OG SKÓLI