Læknaneminn - 01.04.2004, Síða 5

ekki fyrr en um 17. júní er ekki hægt að hafa þau fyrr. Við erum
einnig að vinna að smávægilegum breytingum á reglugerðinni
s.s. að lágmarkseinkunn verði felld út, enda er hér um að ræða
röðunarpróf.
6. Hve margir þeirra sem þreyta inntökupróf læknadeildar næsta vor
munu hljóta rétt til áframhaldandi náms? Séróu fyrir þér að fjöldinn muni
breytast í nánustu framtíð?
Það stefnir í að verða 48 í læknisfræði og 20 í sjúkraþjálfun.
Það hefur verið umræða um hvort möguleiki væri að fjölga enn
frekar og það gæti vel orðið en við þurfum einnig að tryggja
að þeir sem eru á leið í gegnum deildina fái eins góða kennslu
og námsaðstöðu og mögulegt er og ég stefni á að láta það
ganga fyrir frekari fjölgun. Pressan á fjölgun nemenda hefur
einnig minnkað þar eð nú er orðið mun auðveldara að komast
í læknanám erlendis heldur en var.
7. Undanfarin ár hefur fjöldi nýnema aukist. Hvaða ráðstafanir hafa verið
gerðar til að mæta þeim aukna fjölda sérstaklega með tilliti til kennslunn-
ar á klínískum kúrsum?
Það er á klínísku kúrsunum þar sem flöskuhálsinn er í
kennslunni og því þarf að fara varlega í fjölguninni eins og ég
nefndi áður. Nú er einnig kominn fram þrýstingur frá nemum
sem hafa lokið hluta námsins erlendis og vilja Ijúka náminu
hér. Við þurfum því að leggja áherslu á að aðstaða okkar nema
sé tryggð og að þeir hafi forgang á háskólasjúkrahúsinu.
Kennslustjórardeildarinnar, Kristján Erlendsson og Ragnhild-
ur Steinbach hafa unnið góða vinnu við að endurskipuleggja
námið og við vonum að það skili sér í betra og skilvirkara námi
næstu árin þannig að gæðin fari batnandi þráttfyrir að lækna-
nemum hafi fjölgað.
8. Læknanemar hafa beitt sér gegn lengingu kandídatsárs og lýst yfir óá-
nægju með skort á kennsiu og skipulagi á því ári. Eru fyrirhugaðar ein-
hverjar breytingar í þeim efnum? Hefur þú skoðun á því hvort lengja eigi
kandidatsárið?
Það er verið að vinna í þessu máli og vonandi leysist það
fljótlega. Aðalatriðið er að þessi tími nýtist kandídötum sem
best til þjálfunar þannig að þeir geti starfað sem fullgildir
læknar og auðveldi þeim ákvarðanatöku varðandi val á fram-
haldsnámi.
9. Eru fyrirhugaðar breytingar á lengd og uppbyggingu læknanámsins?
Já, eins og ég nefndi áður hefur verið unnið að endur-
skipulagningu námsins og eru breytingarnar að koma til fram-
kvæmda á fyrsta ári í vetur. Einnig verða nokkrar breytingar
á þriðja ári og enn meiri á fjórða ári 2004/05. Síðan gengur
þetta áfram og ættu að vera komnar fram á öllum árum eftir
3-4 ár. Við ætlum að nýta sumarmisserin þannig að læknanem-
ar geti lokið allt að 36 einingum á ári og þvíjafnvel lokið 180
eininga námi á 5 árum. Það verða eflaust einhverjir hnökrar
á meðan þetta er að ganga í gegn en með góðri samvinnu
læknanema, kennara og kennslustjóra ætti þetta að takast.
10. Hvernig hyggst þú beita þér fyrir bættri kennslu innan deildarinnar?
Já, bætt kennsla er eitt af mínum stóru áhugamálum. Aðal-
atriðið er þó að breytingar í kennslunni skili sér í bættu námi,
þ.e. að þær auðveldi nemendum nám sitt. Auka þarf kunnáttu
nemenda í að sækja sér þekkingu og beita henni. Draga þarf
úr utanbókarlærdómi og faktaprófum en auka færnibúðir og
efla fagmennsku (professionalisma).
11. Nú er uppi umræða um það að fagmennska sé á undanhaidi hjá ungum
læknum og læknanemum víða um heim í dag. Er það skoðun þín og ef svo
er hvað heldur þú að skýri það? Að hversu miklu leyti er það á ábyrgð
læknadeildanna?
Ég held að það sé nokkuð til í því en erfitt að benda á ein-
hverja sérstaka orsök. Ég tel að læknadeildin þurfi að auka
bæði kennslu í fagmennsku og flétta hana betur inn í kennsl-
una í heild.
12. Stundar þú einhverjar grunnrannsóknir um þessar mundir?
Deildarforsetastarfið er orðið mjög viðamikið og má segja
að það sé orðið fullt starf en samkvæmt háskólareglum á ég
að skila 60% af vinnutíma mínum sem deildarforseti og 40%
í rannsóknum. Það er engin aukaþóknun fyrir að vera deild-
arforseti eins og margir halda heldur einungis venjuleg laun
prófessors. Ég er þó staðráðinn í að halda rannsóknum áfram
meðan ég er deildarforseti. Ég var að útskrifa mastersnema
í byrjun október og stefni að útskrift doktorsnema í samstarfi
við háskólann í Oslo nú um áramótin. Nýr mastersnemi hóf
störf hjá mér í sumar og ég mun reyna að sinna honum vel
þó það verði erfitt. Ég tel nauðsynlegt að deildarforseti haldi
tengslum bæði við kennslu og rannsóknastarfsemi deildarinn-
ar. Rannsóknirnar mínar eru einkum á sviði sléttra vöðva og
þætti þeirra í stjórnun blóðflæðis. Um þessar mundir beinum
við sjónum okkar að starfsemi æða í sjónhimnu augans og
áhrifum hennar á augnsjúkdóminn gláku.
5