Fréttabréf Samtaka lungnasjúklinga - dec. 2023, Side 9

9
Ráðgjöf og þjónusta lungnahjúkrunarfræðinga
á Sjúkrahúsinu á Akureyri
Göngudeild lungnasjúklinga er opin tvisvar í viku
milli kl. 08 og16 en breytilegt er á hvaða dögum
móttakan fer fram.  Hægt er að hringja í síma
463-0330 og óska eftir að hjúkrunarfræðingur
hafi samband. Reynt verður að hafa samband eins
fljótt og hægt er.
Hjúkrunarfræðingur á lungnamóttökunni veitir sjúklingum
og fjölskyldum þeirra stuðning og eftirfylgd eftir útskrift
með móttöku á göngudeild og símtölum.
Markmið móttökunnar er að stuðla að auknum lífsgæðum
lungnasjúklinga, flýta fyrir bata eftir að heim er komið
og koma í veg fyrir innlagnir á sjúkrahúsi, með því að
grípa snemma inn í versnun. Einnig er það markmið
móttökunnar að stuðla að því að sjúklingar geti tekist á við
sjúkdóminn heima hjá sér á árangursríkan hátt.
Stuðningur lungnamóttökunnarinn felst í því að auka
skilning á sjúkdómi og meðferð með viðeigandi fræðslu
og upplýsingum, veita aðstoð við reykleysi, fylgja þeirri
meðferð sem hefur verið lagt upp með og auðvelda
aðgengi að heilbrigðisþjónustu.
Hlutverk Lungnasamtakanna er meðal annars
að leiða saman aðila sem hafa reynslu af
lungnasjúkdómum og meðferð sem getur
komið þeim að gagni. Lungnasamtökin halda
í þeim tilgangi reglulega félagsfundi með
fræðsluerindum í bland við ýmis gamanmál. Er
það tilvalið tækifæri til að kynnast öðrum í sömu
stöðu, fræðast, gleðjast saman og njóta um leið
jafningjafræðslu.
Reglan er að hittast fyrsta mánudag í hverjum mánuði
þar sem boðið er upp á góða dagskrá sem auglýst er á vef
samtakanna www.lungu.is og á Facebook síðunni.
Dagsetningar fyrir félagsfundina árið 2024 eru
sem hér segir:
8. janúar
5. febrúar
4. mars
8. apríl
6. maí er aðalfundur
Við viljum hvetja ykkur til að mæta á þessa fundi og verið
öll hjartanlega velkomin!
Félagsfundir Lungnasamtakanna
á árinu 2024
Myndir frá spilakvöldi