Ferðir - 01.05.1988, Blaðsíða 5

FERÐIR
5
meira um dvöl Þórunnar við Laugafell. Engar aðrar heimildir
eru tiltækar um þann atburð. Þetta er sá tími í sögu landsins,
sem minnstar heimildir eru til um. Það er hægt að ganga út
frá því sem vísu, að þetta hafi gerst í seinni plágunni. I fyrri
plágunni vissi fólk lítið um hvað beið þess og hafði þar að
leiðandi ekki fyrirhyggju á að forða sér áður en plágan skall
yfir. Þegar seinni plágan kom til landsins, um það bil 90 árum
síðar, varð fólk skelfingu lostið og vildi gjarnan forða sér, væri
þess nokkur kostur, en það var ekki til margra öruggra staða
að flýja. Þórunn virðist hafa haft góðar spurnir af Laugafelli
og undirbúið brottför sína frá Möðruvöllum í tíma. Sennilega
hefur hún byrjað á því að senda menn suður að Laugafelli til
að byggja yfir fólkið, áður en hún sjálf lagði af stað þangað
suður með meira af fólki og eitthvað af búsmala, trúlega hefur
það fyrst og fremst verið kindur og hestar, en þar gætu geitur
einnig hafa verið með í för.
Samkvæmt munnmælum hafði Þórunn nokkuð af fólki
með sér. Hún hefur orðið að hafa smala til að gæta fjárins,
vinnukonur til búverka og karlmenn til frekari bygginga og
sendiferða. Hún sendi öðru hvoru einn mann í einu til byggða
til að frétta af plágunni en hún bannaði þeim öllum að koma
til baka, nema henni væri aflétt. Fyrsti maður sem hún sendi
heim, kom ekki til baka.
Trúlega hefur þann næsta ekki langað til byggða og verða
plágunni að bráð, því hann kom samdægurs til baka og
sagðist sjá pláguna. Hún lægi eins og móða yfir allri byggð-
inni og næði upp í miðjar hlíðar. Fleiri sendimenn komu til
baka með sömu fréttir. Hve marga menn Þórunn sendi á
þann hátt, er ekki vitað. Það er heldur ekki vitað hvað þeir
raunverulega sáu af dalbrúninni. Kannske var það aðeins
dalalæða, eða skálduðu þeir þetta bara sjálfir? Það verður
aldrei vitað en sjálfum mér finnst það sennilegasta skýringin.
Hvort sem Þórunn hefur trúað sögu þeirra eða ekki, lét hún
það gott heita. Hún virðist hafa unað sér vel á fjöllunum og
ekki séð ástæðu til að hraða sér um of til byggða. Að lokum
kom einn maður til baka með þá frétt að plágunni væri aflétt