Ferðir - 01.05.1988, Qupperneq 20

20
FERÐIR
Gengið á jökul í Kverkfjöllum. (Ljósm.: Jón Jóhannesson).
við kvittanaeyðublöð var til i skálanum. Því var bjargað
snarlega með því að semja mjög snyrtilega kvittun á einhverju
furðulegu samblandi af íslensku og ensku. Buðum við síðan
öllum hópnum í kaffi og skemmtum okkur konunglega fram
eftir kvöldi.
Laugardagurinn 17. 08.
Þar með var góða veðrið búið! Komin rigning og suddi. En
þar sem við áttum von á gestum drifum við okkur í að höggva
í eldinn og kom blessuð eldamaskínan í góðar þarfir til að
þurrka timbrið. Þegar komið var fram undir kvöldmat kemur
fyrri rútan og er hún full af Frökkum. Þeir drífa sig inn með
allt sitt hafurtask og fór nú í hönd ekta frönsk matargerð.
Furðu lostnar sátum við með gróft brauð með osti og fylgd-
umst með hvernig Frakkar matreiða þríréttaða máltíð uppi á
fjöllum. Seinni hópurinn renndi svo í hlað stuttu seinna og
kom sér fyrir á tjaldstæðinu.