Fréttir - Eyjafréttir - 05.07.2023, Blaðsíða 10

10 | | 5. júlí 2023
Samkvæmt niðurstöðu prófa sem
lögð voru fyrir 498 nemendur úr
20 skólum víðs vegar um landið
teljast 83% barna í öðru bekk í
Grunnskóla Vestmannaeyja læs
samkvæmt nýju mælitæki en
52% barna úr þátttökuskólum
víðsvegar um landið.
Niðurstaðan er að 98% barnanna
í fyrsta bekk geta nú lesið orð
sem er mjög góður grunnur. Eitt
af markmiðum verkefnisins er að
80% nemenda teljist læsir við lok
annars bekkjar og það náðist. Til
þess að meta það komu lestrar-
fræðingar, kennarar og fleiri að
gerð prófs sem nefnist LÆS sem
felst í lestri á aldurssvarandi texta
og því að geta svarað spurningum
honum tengdum. LÆS kom vel
út úr áreiðanleikamati en það var
lagt fyrir rúmlega 498 nemendum
víðsvegar um landið í þeim til-
gangi að leggja mat á prófið sjálft.
Við erum stolt af Kveikjum
neistann þar sem markmiðið er
að efla læsi, áhuga og grósku-
hugarfar, hreyfifærni og vera með
markvissa þjálfun og eftirfylgni.
Er óhætt að segja að árangur af
þessum tveimur árum sé virkilega
góður og fram úr okkar björtustu
vonum. Markmiðið var að 80 til
85% nemenda yrðu læs við lok
annars bekkjar og það markmið
náðist. Við erum vikilega stolt
af nemendum, kennurum og
foreldrum sem hafa tekið þátt
í innleiðingunni síðustu tvö ár.
Kennararnir sem koma að verk-
efninu, umsjónakennarar í öðrum
bekk, sem hafa verið í þessu
verkefni í tvö ár og svo umsjóna-
kennarar í fyrsta bekk, skipa
stóran sess í þessari vegferð. Hafa
leitt verkefnið áfram með mikilli
fagmennsku.
Mannauður býr til góðan skóla
GRV býr að góðu starfsfólki en
það er mannauðurinn sem býr
til góðan skóla. Það eru leik- og
grunnskólakennararnir sem
leggja sig fram alla daga í að ná
til nemenda, vekja áhuga þeirra,
bæta þekkingu, efla sjálfstraust og
og undirbúa þá fyrir næstu skref
í lífinu. Við erum með skólaliða
og húsverði sem eru alla daga á
göngunum, alltaf tilbúnir til að
hugga, sjá til þess að nemendur
og starfsmenn gangi um í hreinum
skóla og taka á móti þeim í mat-
salnum á hverjum degi.
Stuðningsfulltrúar sem sinna oft
mest krefjandi verkefnum í skól-
anum, fylgja einstaklingum sem
eiga oft erfiðast í skólakerfinu en
mæta þessum nemendum á hverj-
um degi með bros á vör. Starfs-
fólkið á frístund sem tekur við
nemendum í lok skóladagsins og
halda uppi skemmtilegri dagskrá
eftir langan dag en alltaf er tekið
á móti þeim með gleði og hlýju.
Ekki má gleyma riturum, sem
hafa verið kallaðar hjarta skólans,
því þangað má alltaf leita og fá
lausnir við öllum vandamálum.
Foreldrar þekkja það vel hve
mikil verðmæti felast í góðum
starfsmanni sem tekur eftir barni
þeirra, þykir vænt um það og
leggur sig fram um að því líði vel.
Það eru forréttindi fyrir okkur í
GRV að fá að axla þessa ábyrgð
því um leið fáum við mikil tæki-
færi til að hafa veruleg áhrif á líf
fjölda einstaklinga til góðs.
Anna Rós Hallgrímsdóttir
Skólastjóri.
Anna Rós skólastjóri GRV Skóli nýjunga:
Kveikjum neista fyrir framtíðina
Stór hluti 10. bekkinga GRV tók þátt í íþróttaakademíu ÍBV.