Fréttir - Eyjafréttir - 05.07.2023, Blaðsíða 37

5. júlí 2023 | | 37
Eyjamaðurinn Martin Eyjólfs-
son ráðuneytisstjóri utanríkis-
ráðuneytisins var í samtali við
Eyjafréttir ánægður með hvernig
til tókst. „Fundurinn tókst í alla
stað mjög vel. Það er sama hvar
er borið niður – allt var til mik-
illar fyrirmyndar. Það er mikil
reynsla og kunnátta í Eyjum
varðandi skipulagningu stórra
viðburða sem kemur sér vel í
verkefni af þessu tagi. Umgjörðin
er einstök og aðstaðan er mjög
góð í Eldheimum, sem henta
mjög vel til funda af þessu tagi.
Mér fannst líka gaman hve hið
nýuppgerða Ráðhús okkar vakti
verðskuldaða athygli og nýttist
vel í tvíhliða fundi ráðherranna.
Þá undirstrikuðu veitingamenn
á Heimaey að matarupplifunin
stenst allan samanburð við það
sem best gerist.“
Viðeigandi að funda í Eyjum
Hann segir fund eins og þennan
skipta miklu máli. „Norðurlanda-
samstarfið hefur um áratuga-
skeið verið einn af hornsteinum
utanríkisstefnunnar og Ísland
gegnir nú formennsku. Árlegur
fundur forsætisráðherranna er
einn af hápunktum starfsins. Það
er nauðsynlegt að bera saman
bækur öðru hvoru við okkar nán-
ustu vinaþjóðir og bandamenn
um það sem hæst ber hverju sinni
í alþjóðamálunum. Fyrir utan
innrásarstríð Rússlands í Úkraínu
var t.a.m. rætt um viðnámsþrótt
og krísuviðbrögð sem gerði það
auðvitað sérstaklega viðeigandi
að funda í Vestmannaeyjum á
þessum tímapunkti. Þátttaka
Justin Trudeau, forsætisráðherra
Kanada, fannst mér sérlega
ánægjuleg.“
Áhugasamir og upplýstir
um Eyjar
Martin segir ráðherrana hafa
verið ánægð með Vestmanna-
eyjar. „Það er mín reynsla að
fundir sem haldnir eru utan
höfuðborgarsvæðisins verða oft
árangursríkari. Það skapast af-
slappaðra andrúmsloft sem skilar
sér oft í hreinskilnari og opnari
samræðum auk þess sem persón-
utengingarnar verða sterkari.
Ráðherrarnir voru mjög áhuga-
samir, vel upplýstir um Eyjarnar
og eldgosið, fyrir utan hvað
þeir rómuðu náttúrufegurðina.
Eldgosið var enn í fersku minni
Störe, forsætisráðherra Noregs,
sem man hvar hann var staddur
þegar hann, 12 ára gamall, fékk
fréttirnar af jarðeldunum og
Trudeau langar að koma hingað í
frí með fjölskylduna einhvern tí-
mann. Þá fannst mér fallegt þegar
Múte, formaður landsstjórnar
Grænlands, rifjaði upp að Sume
vinsælasta hljómsveit Grænlands
samdi lagið ,,Heimaey“ stuttu
eftir eldgos sem var vinsælasta
lagið á Grænlandi árið 1973.“
Ómetanleg aðstoð
„Mér fannst þakkarstund Írísar
og Palla með forsætisráðherrum
Norðurlandanna vera áhrifarík
og falleg. Þessi frændríki okkar
lögðu gjörva hönd á plóg við
uppbyggingu okkar fallega
bæjar eftir gos. Þeirra aðstoð
var ómetanleg og reistu okkur
úr öskustónni miklu fyrr en ella
hefði orðið. Þarna stóð nor-
ræna fjölskyldan þétt saman og
mér finnst þetta magnað dæmi
samstöðu þjóða sem við nutum
aldeilis góðs af,“ sagði Martin
Eyjólfsson að endingu.
„Fyrir mig er áhrifamikið að
koma til Vestmannaeyja. Ég var
tólf ára gamall heima í Noregi
þegar gos byrjaði á Heimaey. Mér
er minnisstætt áhrifin sem gosið
hafði allstaðar á Norðurlöndum.
Á æskuárum mínum störfuðu
foreldrar mínir með Norska
rauðakrossinum og komu að því
að safna peningum til að bjóða
krökkum frá Vestmannaeyjum til
Noregs,“ sagði Jonas Gahr Støre,
forsætisráðherra Noregs í samtali
við Eyjafréttir. Alls fóru yfir 1000
börn og unglingar frá Eyjum til
Noregs sumarið 1973. „Það var
líka safnað fyrir nýjum húsum,“
bætti hann við.
Hann sagði það hafa verið til-
komumikið að sigla inn í höfnina
og upplifa þá miklu náttúrufegurð
sem Vestmannaeyjar hafa upp á
bjóða, og í meira lagi breytilegt
veður. „Það var líka gaman að
sjá hér er öflugt samfélag og
vel til fundið að halda fundinn í
Eldheimum og við sem fulltrúar
norrænu fjölskyldunnar skulum
koma hér saman. Í bæ sem reis úr
öskunni og að hér stöndum við á
húsum sem urðu gosinu að bráð.
Það er líka ótrúlegt að enginn
fórst í gosinu. Líka fyrstu við-
brögð og að það tókst að bjarga
höfninni með því að sprauta sjó á
hraunið er einstakt.“
Martin ánægður
með hvernig til tókst
Jonas Gahr Støre, forsætisráð-
herra Noregs:
Gaman að sjá að hér
er öflugt samfélag
Jonas Gahr Støre, forsætisráðherra Noregs og Justin Trudeau forsætisráð-
herra Kanada.
Merki um vilja
og styrk
Ráðherrarnir sóttu látlausa athöfn
á Flakkaranum þar sem þeim var
þakkað framlag þjóða þeirra og
aðstoð í gosinu. Páll Magnússon
forseti bæjarstjórnar fór stuttlega
yfir sögu Flakkarans og þá ógn
sem af honum stafaði. Hann rifj-
aði einnig upp þau viðbrögð og
aðstoð sem norðurlöndin veittu
eftir gos og tók fram að framlag
Norðurlandanna samsvaraði um
30% af þeim fjármunum sem
hér var varið til uppbyggingar á
árunum eftir gos.
Íris Róbertsdóttir afhenti síðan
ráðherrunum kertalukt með ösku
sem táknrænan þakklætisvott
fyrir framlag þjóða þeirra.
Blaðamaður Eyjafrétta var
svo lánssamur að eiga stutt
samtal við Justin Trudeau
forsætisráðherra Kanada og
spurði hann um upplifun hans
af Vestmannaeyjum. „Það
er ótrúleg upplifun að koma
hingað og upplifa kraftinn
og þróttinn í samfélaginu
hér. Þetta er mjög merkileg
saga og ég er djúpt snortinn
af safninu ykkar og sögunni
af gosinu. Það er merki um
mikinn vilja og styrk að sjá
hvernig hér var hreinsað og
byggt upp að nýju. Það er líka
svo merkilegt hvernig íslenska
þjóðin stóð saman á þessum
tíma og hvernig fólkið tók á
móti flóttamönnunum og allir
lögðust á eitt til að láta hlutina
ganga. Þetta er eitthvað sem
við getum öll lært af.“
Lögðu fram um þriðj-
ung af uppbyggingu