Fréttir - Eyjafréttir - 03.08.2023, Blaðsíða 12

12 | | 3. ágúst 2023
Aldur? Verð 39 í vetur.
Hvað hefur þú farið oft á Þjóðhá-
tíð? Ég held að þessi verði númer
34 til 35.
Ertu með hvítt tjald í ár? Já, við
frændsystkinin og fjölskyldur
erum með tjald saman.
Tekur þú þátt í Þjóðhátíðar
undirbúningi? Já, bara með
fjölskyldunni, maður var duglegur
með pensilinn í Dalnum sem barn
en ekki meira en það.
Er Þjóðhátíðarhefð hjá ykkur? Við
höfum tjaldað í Veltusundi frá því
ég man eftir mér í dalnum, vorum
alltaf með 2 tjöld norðan megin
en eftir að brekkunni var breytt er
það orðið meira vesen að fá pláss
í eftirsóttustu götunni. Annars er
það bara þetta helsta vera með
ástvinum á kvöldvöku og á mið-
nætti öll kvöldin.
Hvað stendur upp úr varðandi
Þjóðhátíðina? Samvera með
fjölskyldu og vinum. Svo eftir
að maður varð faðir þá hef ég
rosalega gaman af að sjá hvernig
peyjarnir mínir upplifa hátíðina.
Aldur? Ég verð 18 ára í október.
Hvað hefur þú farið oft á Þjóðhá-
tíð? Svona 14 sinnum.
Ertu með hvítt tjald í ár? Já, að
sjálfsögðu.
Tekur þú þátt í Þjóðhátíðar undir-
búningi? Já, ég reyni að hjálpa
eins mikið og ég get við undirbún-
inginn með fjölskyldunni.
Er Þjóðhátíðarhefð hjá ykkur?
Við erum alltaf með skreytta
þjóðhátíðarköku og súpu með
fjölskyldunni á sunnudeginum.
Hvað stendur upp úr varðandi
hátíðina? Það sem stendur upp
úr fyrir mér er undirbúningurinn,
spennan og gleðin.
Aldur? Ég verð 56 ára 15. ágúst.
Hvað hefur þú farið oft á Þjóðhá-
tíð? Ég hef farið á allmargar Þjóð-
hátíðir, held það séu ekki fleiri en
fimm til sex sem ég hef sleppt.
Ertu með hvítt tjald í ár? Já, við
erum með tjald. Við systkinin
eigum tjald saman sem mamma
og pabbi arfleifðu okkur að.
Tekur þú þátt í Þjóðhátíðar undir-
búningi? Já. Allur undirbúningur,
matur, kaffi og allt umstangið sem
fylgir Þjóðhátíð er sameiginlegt
hjá okkur og við skiptum verkum
á milli okkar.
Er Þjóðhátíðarhefð hjá ykkur?
Við höldum að mestu í allar
þær hefðir sem foreldrar mínir
voru með nema kannski það að
við erum yfirleitt með eitthvað
þema í gangi. Ég man sérstaklega
eftir bleika þemanu og ég málaði
súlurnar bleikar og þá varð sá
gamli ekki glaður, þær eiga bara
að vera hvítar.
Við erum alltaf með veisluhlað-
borð á setningunni sem mér finnst
ómissandi partur því þá störtum
við Þjóðhátíðinni. Við fjölskyldan
hittumst alltaf í tjaldinu kl. 23:30
á föstudeginum og göngum svo
neðst við götuna okkar til að horfa
saman á brennuna. Við gerum
það sama á laugardeginum fyrir
flugeldana en hittumst í brekkunni
á sunnudeginum fyrir brekku-
sönginn.
Þetta eru dýrmætar stundir og
gefa manni svo fallegar minn-
ingar, svo er þetta svo rómantískt.
Mér finnst mikilvægt að hafa hvítt
tjald, hef verið eina hátíð án þess
að hafa hvítt tjald og mér fannst
það bara ekki passa. Litlu börnin
alltaf merkt með merkispjaldi þar
sem stendur götuheitið í Dalnum,
símanúmer og nafn foreldra ef
barnið týnist í mannhafinu og
unglingarnir þurfa að láta vita af
sér á þriggja tíma fresti, sem er
bara góð regla sem ég ólst upp
við.
Hvað stendur upp úr varðandi há-
tíðina? Það sem stendur upp úr á
Þjóðhátíð er að hitta fjölskylduna
og eiga þessar dásamlegu stundir
með þeim og allur aldur saman að
hlæja og skemmta sér. Þjóðhátíðin
er alltaf hörku vinna og hver hátíð
skilur eftir sig skemmtilegar og
einstakar minningar en öll hátíðin
er þess virði að upplifa með
fólkinu sínu.
Aldur? 69 ára.
Hvað hefur þú farið oft á Þjóðhá-
tíð? 64 sinnum.
Ertu með hvítt tjald í ár? Já, fjöl-
skyldan er með tjald.
Tekur þú þátt í Þjóðhátíðar
undirbúningi? Já, ég tek þátt í
Þjóðhátíðarundirbúningi með
stórfjölskyldunni.
Er Þjóðhátíðarhefð hjá ykkur? Já,
það er kominn löng hefð fyrir því
að baka og gera brauðtertur og
svo skiptumst við á að koma með
súpur eftir brennu, flugeldasýn-
ingu og brekkusöng.
Hvað stendur upp úr varðandi
hátíðina? Það er helst stemningin í
hvítu tjöldunum og samverustund
með fjölskyldu og vinum.
DÍANA ÓLAFSDÓTTIR / diana@eyjafrett ir. is
F Ó L K I Ð Í D A L N U M
Hörður Snær Pétursson Færseth
Guðmundur Muggur Pálsson
Svanhvít Una Yngvadóttir
Anna María Lúðvíksdóttir